ភ្លៀង ទឹក​ជំនន់ រអិល​បាក់​ដី​សម្លាប់​មនុស្ស​ជា​ច្រើន​នាក់​នៅ​ស្រីលង្កា

(រូបភាពពី BBC)

ក្រុមអ្នកជួយសង្គ្រោះប្រទេសស្រីលង្កាកំពុងស្វែងរកមនុស្សជាច្រើនដែលកំពុងបាត់ខ្លួននៅក្នុងហេតុការណ៍រអិលបាក់ដីដ៏ធំ បន្ទាប់ពីមានភ្លៀងធ្លាក់ប៉ុន្មានថ្ងៃជាប់គ្នា។

សារព័ត៌មាន BBC ដែលបានដកស្រង់សម្ដីពួកយោធាស្រីលង្កាបានរាយការណ៍ថា មនុស្ស១៣៤នាកកំពុងបាត់ខ្លួន បន្ទាប់ពីដីភក់បានរអិលសង្កត់លើភូមិចំនួន៣នៅភាគកណ្ដាលប្រទេសនេះ។

សាកសពមនុស្សយ៉ាងតិច១៤នាក់ត្រូវបានគេរកឃើញ។ ចំណែកសាកសព៣ទៀតត្រូវបានគេរកឃើញនៅកន្លែងផ្សេងទៀតនៅតំបន់នោះ។

មន្ត្រីគ្រោះមហន្តរាយបាននិយាយថាមនុស្ស១៥០នាក់ត្រូវបានគេជួយសង្គ្រោះ ប៉ុន្តែផ្ទះសម្បែងជាង៦០ខ្នង បានកប់នៅក្រោមភក់។

យោងតាមតួលេខផ្លូវការបានឲ្យដឹងថាទឹកជំនន់និងការរអិលបាក់ដីដែលបណ្ដាលមកពីភ្លៀងធ្លាក់ជាប់គ្នារយៈពេល៣ថ្ងៃនៅក្នុងប្រទេសស្រីលង្កាបានសម្លាប់មនុស្សយ៉ាងតិច៣៧នាក់ ខណៈមនុស្ស៣៥ម៉ឺននាក់ត្រូវបានជម្លៀសចេញ៕

ប្រភព៖ BBC

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ