ប្រធានាធិបតីសហរដ្ឋអាមេរិក លោក ត្រាំ ជួបជាមួយសមភាគីរបស់លោកគឺលោក វ្លាឌីមៀ ពូទីន ប្រធានាធិបតីរុស្ស៊ី ដែលមានលក្ខណៈអាកំថ៌កំបាំងច្រើន នៅក្នុងកិច្ចប្រជុំបណ្តាប្រទេសមានសេដ្ឋកិច្ចរីកចម្រើនG20 ដែលបានប្រព្រឹត្តទៅនៅក្នុងខែនេះ។
តាមការចុះផ្សាយរបស់សារព័ត៌មាន BBC បញ្ជាក់ថា មន្ត្រីសេតវិមានគ្រាន់តែបញ្ជាក់ថា នោះគឺជាការជួបគ្នាធម្មតា ប៉ុន្តែមិនបកស្រាយលម្អិតជជែកពីអ្វីនោះទេ។
ប្រធានាធិបតីអាមេរិកលោក ត្រាំ បានបដិសេធក្នុងការផ្តល់យោបល់ជុំវិញការលើកឡើងថា ព័ត៌មានពីជំនួបនោះជាព័ត៌មានមិនពិតនោះទេ។
ទំនាក់ទំនងរវាងមេដឹកនាំនៃប្រទេសទាំងពីរដែលហាក់មានការលាក់បាំងនេះ នាំឲ្យមានការសង្ស័យចំពោះការចោទថា លោក ពូទីន ជួយផ្នែកណាមួយ ពេលលោកត្រាំឃោសនារកសំឡេងឆ្នោត ដើម្បីឲ្យលោកត្រាំជាប់ឆ្នោតជាប្រធានាធិបតីកាលពីចុងឆ្នាំ២០១៦។
BBC ចុះផ្សាយទៀតថា ក្នុងជំនួបលើកទី២នោះ គឺនៅពេលដែលអាហារឯកជន របស់មេដឹកនាំប្រទេសដែលទៅចូលរួមកិច្ចប្រជុំG20នៅទីក្រុងហាំប៊ឺក នៃប្រទេសអាល្លឺម៉ង់។ ក្នុងជំនួបជាងមួយម៉ោងនោះគឺមានតែលោកត្រាំម្នាក់ឯង លោក ពូទីន និង អ្នកបកប្រែភាសាឲ្យតែម្នាក់គត់៕