ព័ត៌មានថ្ងៃនេះ លោក ធន់ សារ៉ាយ៖ ខ្ញុំស្លាប់​ក៏ស្លាប់ចុះឲ្យ​តែ​បាន​រក​យុត្តិធម៌ជូនបង​ប្អូន (វីដេអូ)តើអ្វីជាឧបសគ្គនៃយុទ្ធនាការទិវាអន្តរជាតិនារីឆ្នាំ២០១៤កន្លងមក? (វីដេអូ)​អគ្គិសនី​កម្ពុជា​ត​បណ្តាញ​អគ្គិសនី​៦​ខណ្ឌ​បន្ថែមទៀត​ជួន​កម្មករ​ក្នុង​រាជធានី​ភ្នំពេញ​​លោកនាយក​រដ្ឋមន្ត្រី ហ៊ុន សែន រំ​ឭ​ក​ឲ្យ​កងទ័ព​ត្រៀម​បង្ក្រាប​បាតដៃ​ទី​៣​ដើម្បី​ការពារ​រាជរដ្ឋាភិបាល​អ្នកស្រី អ៊ូ នី បាត់កូន៣នាក់រយៈពេល៥ឆ្នាំនៅប្រទេសម៉ាឡេស៊ី (វីដេអូ)​លោក ពូ​ទីន ​ទទួលស្គាល់ថា ឃាតកម្ម​លើ​មេ​បក្ស​ប្រឆាំង Boris Nemtsov គឺជា​រឿង​នយោបាយនាយករដ្ឋមន្រ្តី​បង្កើត​ក្រុមការងារ​ការពារសុវត្ថិភាពរូបលោក និង​ភរិយា ពេល​ចូលរួមពិធីផ្សេងៗ​ឯកអគ្គរដ្ឋទូត​អាមេរិក​នៅ​កូរ៉េ​ខាងត្បូង រងរបួស​ដោយសា​រកា​រ​ប៉ុនប៉ង​ចាក់​សម្លាប់​​បក្សប្រឆាំង​ថា​មហាអំណាច​ចិន​ព្រម​សហការ​ទប់ស្កាត់​អំពើពុករលួយ​ក្នុង​វិនិយោគ​លោកស្រី Hillary ប្រើអ៊ីម៉ែលឯកជនកាលនៅជារដ្ឋមន្ត្រីការបរទេស (វីដេអូ)

ថ្ងៃព្រហស្បតិ៍ ទី5 មិនា 2015
អំពីវីអូឌី | ទំនាក់ទំនង

ព័ត៌មានថ្មីបំផុត          

ប្រជាពលរដ្ឋ​មួយចំនួននៅខេត្តកំពង់ស្ពឺ ចោទ​មេភូមិ​ពាម​ឃ្លៃ ប្រកាន់​បក្ខពួក​នៅពេល​ចែក​អំណោយ​​

ដោយ៖​ ឡាយ សាមាន​ | ថ្ងៃសៅរ៍ ទី15 មិនា 2014, 11:11 AM​

​ប្រជាពលរដ្ឋ​ក្រីក្រ​មួយចំនួន ចោទ​មេភូមិ​ពាម​ឃ្លៃ ឃុំ​ទំពណ៌​មាស ស្រុក​សំរោង​ទង​ ខេត្ត​កំពង់ស្ពឺ ថា​ រើសអើង​ពួកគាត់​ដែល​មាន​និន្នាការ​គណ​បក្ស​ផ្សេង​គ្នា នៅពេល​ចែក​អំណោយ​។​

​ប្រជាពលរដ្ឋ​សុំ​មិន​បញ្ចេញ​ឈ្មោះ​នៅ​ភូមិ​ពាម​ឃ្លៃ ប្រាប់ VOD ឲ្យដឹងថា នៅ​ថ្ងៃ​ទី ៩​ខែ​មីនា មេភូមិ​បាន​ចែក​អំណោយ​ដល់​ជន​ក្រីក្រ​នៅ​វត្ត​​​ឧត្តរមានជ័យ ភូមិ​ពាម​ឃ្លៃ  ប៉ុន្តែ​គាត់​មិន​បាន​ទទួល​អំណោយ​នោះទេ ទោះបីជា​គាត់​មាន​ប័ណ្ណ​ក្រីក្រ​ក៏​ដោយ​។ លោក បន្តថា ការ​រើស​អើង ដោយសារ​គាត់​បាន​ឈរឈ្មោះ​ជា​បេក្ខជន​តំណាង​គណបក្ស​សម រង្ស៊ី ប្រចាំ​ភូមិ​នេះ​។​

VOD មិនអាច​ទាក់ទង​សុំ​ការអត្ថាធិប្បាយ​ដោយ​ផ្ទាល់​ពី​លោក សាយ ស​មិ  មេភូមិ​ពាម​ឃ្លៃ បាន​នៅឡើយ​ទេ​។ ប៉ុន្តែ ភរិយា​គាត់​ដែល​ធ្លាប់​​ចុះ​ចែក​អំណោយ ឲ្យដឹងថា ស្វាមី​របស់​គាត់​មិន​បាន​រើសអើង​ចំពោះ​ជនក្រីក្រ ឬ គណបក្ស​ណាមួយ​ឡើយ​។ អ្នកស្រី​បន្ត​ថា ដោយ​សារ​​អំណោយ​ពី​សប្បុរសជន​មាន​ចំនួន​តិចតួច ដូចនេះ​មិនបាន​ចែក​ដល់​គ្រួសារ​ក្រីក្រ​ទាំង​អស់​ទេ ប៉ុន្តែ​អំណោយ​លើក​ក្រោយ​អ្នក​ទាំង​នោះ នឹង​ទទួលបាន​វិញ​ម្តង​។​

​ការ​ចែក​អំណោយ ​កាលពី​ថ្ងៃ​ទី ៩ ខែ​មីនា នៅក្នុង​ឃុំ​ទំ​ពណ៌​មាស ​មាន​ប្រមាណ​ជា ១០០ គ្រួសារ ក្នុង​ចំនួន ១០ ភូមិ ប៉ុន្តែ​ក្នុង​ភូមិ​ខ្លះ​ទទួល​​បាន ១០​គ្រួសារ ភូមិ​ខ្លះ​ទទួលបាន ៧ ឬ ៨ គ្រួសារ​តែ​ប៉ុណ្ណោះ៕

សរសេរមកកាន់លោក ឡាយ សាមាន តាមរយៈ samean@vodhotnews.com


Tags:

484

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
នាយករដ្ឋមន្រ្តី​បង្កើត​ក្រុមការងារ​ការពារសុវត្ថិភាពរូបលោក និង​ភរិយា ពេល​ចូលរួមពិធីផ្សេងៗ

ថ្ងៃទី5 មិនា 2015, 11:04 AM

លោកនាយករដ្ឋមន្រ្តី ហ៊ុន សែន ថ្មីៗនេះ បាន​ចេញ​សម្រេចមួយឲ្យ​បង្កើត​ក្រុម​ការងារចម្រុះ​ចុះ​រៀបចំ​កិច្ច​ការ​សន្តិ​​សុខ និង​សុវត្ថិភាព ដើម្បី​ការ​ពាររូបលោក និង​ភរិយាលោកស្រី ​​ប៊ុន រ៉ានី ហ៊ុន សែន ក្នុង​​ពេល​ចូល​រួម​កម្ម​វិធី​ផ្សេង​ៗ​។ សេចក្តីសម្រេចមួយដែលត្រូវបាន​​ចុះ​ហត្ថលេខា​ដោយលោក​នាយករដ្ឋមន្រ្តី ហ៊ុន សែន កាលពីថ្ងៃ​ទី​២៦ ​ខែកុម្ភៈ ឆ្នាំ២០១៥ ឲ្យ​ដឹង​ថា​​សមាសភាព​ដែល​ចូល​រួម​ក្រុម​ការ​ងារ​ចុះ​រៀបចំ​កិច្ច​ការ​សន្តិសុខ និង​សុវត្ថិភាព រួមមាន​​រដ្ឋ​មន្រ្តី​ប្រតិភូអម​នាយករដ្ឋមន្រ្តី​ និង​ជា​រដ្ឋលេខាធិការ​ក្រសួងមុខងារ​សាធារណៈ នាយ​ឧត្តមសេនីយ៍ យូ ស៊ុន​ឡុង ជា​ប្រធាន​ អគ្គមេបញ្ជា​ការ​រង​នៃ​កង​យោធ​ពល​ខេមរភូមិន្ទ និង​ជា​នាយក​រង​ខុទ្ទ​កាល័យ​នាយករដ្ឋមន្រ្តី​ជា​លោក ហ៊ីង ប៊ុនហៀង ជាអនុប្រធាន​ អនុរដ្ឋលេខាធិការ​ក្រសួង​ការពារជាតិ លោក​ ហ៊ុយ ពិសិដ្ឋ ជា​អនុប្រធាន នាយករង​ខុទ្ទកាល័យនាយករដ្ឋមន្រ្តី លោក ហ៊ុន ស៊ីថា ជាសមាជិក អគ្គស្នង​ការ​រង​នគរបាលជាតិ និង​ជា​ប្រធាន​នាយកដ្ឋានអង្គរក្ស លោក ទូច ណារ៉ុថ ជាសមាជិក និង​នាយរងសេនា​ធិការចម្រុះ​ មេបញ្ជាការ​រង​កងទ័ពជើង​គោក​ និង​ជា​មេបញ្ជា​ការ បញ្ជា​ការដ្ឋាន​ជាតិ​កម្លាំងពិសេស​ប្រឆាំងភេវកម្ម លោក​ ហ៊ុន ម៉ាណែត ជា​សមាជិក។ ក្រៅពីនោះ​​សមាជិកក្រុមការងារ​ផ្សេងៗមាន​ចំនួន​៨រូបទៀត ដែល​ក្នុង​នោះ​មាន​ឋានៈ​ជា​​ឧត្តមសេនីយ៍ឯក​ចំនួន​​៦​រូប និងជា​ឧត្តមសេនីយ៍​ទោ​២រូប ដែល​មក​ពី​កងយោ​ធពលខេមរភូមិន្ទ កងអង្គរក្ស និង​កងរាជអាវុធហត្ថ។ សេចក្តីសម្រេចរបស់នាយករដ្ឋមន្រ្តី​​បន្ត​ថា​ក្រុមការងារ​នឹង​ចុះ​គ្រប់​គោល​ដៅ​ប្រារព្ធ​ពិធី​ផ្សេងៗ​របស់​នាយករដ្ឋមន្រ្តី និ​ង​​ភរិយា ហើយ​ក្រុមការងារ​នឹង​ដឹកនាំ បញ្ជា និង​សហការ​ជាមួយសមត្ថកិច្ច​គ្រប់លំដាប់ថ្នាក់​ព្រម​ទាំង​អាជ្ញា​ធរ​ដែន​ដី​​លើ​ការងារ​សន្តិសុខ និង​សុវត្ថិភាព។ ក្រុមការងារ​មានតួនាទី​​ដោះស្រាយ និង​ទប់​ស្កាត់​រាល់​​បញ្ហា​ដែល​កើត​មាន​​ឡើ​ង​​ជា​​យថាហេតុក្នុង​កម្មវិធីនីមួយៗ។ ក្រុមការងារ​នឹង​បំពេញ​កិច្ច​ការ​ផ្សេងៗទៀត ដែល​ពាក់​ព័ន្ធ​នឹង​កិច្ច​កា​រ​សន្តិ​សុខ និងសុវត្ថិភាព​របស់​នាយករដ្ឋមន្រ្តី​ និង​ភរិយា។ សេចក្តីសម្រេច​បញ្ជាក់​ថា​អនុប្រធាន​ និង​សមាជិកនៃ​ក្រុមការងារ​​ត្រូវ​ចូលរួម​ប្រជុំ​តាម​ការ​អញ្ជើញ​របស់​ប្រធាន​ក្រុមងារ​ចុះ​រៀបចំ​កិច្ច​ការ សន្តិសុខ និង​សុវត្ថិភាព៕ សរសេរមកកាន់ លោក ស៊ុន ណារិន តាមរយៈsun_narin@vodhotnews.com

នាយករដ្ឋមន្រ្តីអំពាវនាវ​ឲ្យ​កងកម្លាំងប្រដាប់អាវុធ​បន្តតាមរកបាតដៃទីបី

ថ្ងៃទី5 មិនា 2015, 09:08 AM

លោកនាយករដ្ឋមន្រ្តី ហ៊ុន សែន កាលពីថ្ងៃពុធ បានអំពាវនាវ​ទៅ​​កងកម្លាំង​រាជ​អាវុធហត្ថឲ្យ​បន្ត​​ចាត់វិធានការ​ក្រុមមនុស្ស​​ដែល​លោកចាត់ទុក​​ថាជា«​បាតដៃទីបី» ដោយ​លោក​យល់​ថា​នេះ​ជា​ចំណាត់​​ការ​​​ដើម្បី​​ទប់​ស្កាត់​បដិវត្តន៍​​ពណ៌ណាមួយ​ដែល​អាច​ធ្វើ​ឲ្យ​កម្ពុជាធ្លាក់​ក្នុង​ភាព​​ចលាចល។​  ក្នុង​ពិធី​បិទ​សន្និបាត​បូកសរុប​ការងារនៅ​ក្រសួង​ការពារជាតិ កាលពីរសៀល​ថ្ងៃ​ទី​៤ ខែ​​មីនា​ លោកនាយក​រដ្ឋមន្ត្រី​ ហ៊ុន សែន បានថ្លែងតាមសុន្ទរកថា ថា​កន្លងទៅក្រុមមនុស្ស​ខិលខូច​បាន​ប្រើ​​ឧបាយកលផ្តួលរំលំ​រដ្ឋាភិបាល​ តាម​រយៈ​«ការ​ផ្លាស់ប្តូរ​តាមចិញ្ចើមថ្នល់» ដែល​​កងកម្លាំងកម្ពុជា​​បាន​ចាត់វិធានការ ​ដើម្បី​ការពាររដ្ឋធម្មនុញ្ញ ការ​ពារជាតិ​ ​សាសានា ព្រះមហាក្សត្រ និង​រដ្ឋាភិបាល។​ លោក​បន្ត​ថា​សកម្មភាពទាំង​នេះ​មិន​ទាន់បាន​បញ្ចប់​នៅឡើយ​ទេ បើ​ទោះ​មាន​ភាពស្ងប់ស្ងាត់បន្តិច​ ដែល​ទាម​ទារ​ឲ្យចាត់វិធាន​ការ​បន្ត​លើ​ក្រុម​​បាតដៃទីបី។​ លោកនាយករដ្ឋមន្រ្តីបានបញ្ជាក់​ថា​«​សកម្មភាព​ទាំងនេះ មិន​ត្រូវ​បញ្ចប់​នោះទេ ពិតមែន​បើ​មាន​ការស្ងប់ស្ងាត់ ប៉ុន្ដែ​ត្រូវ​តាម​សម្លឹងមើល​នូវ​បាតដៃ​ទី​៣ ដែល​កំពុង​ធ្វើ​សកម្មភាព​លួចលាក់  ហើយ​ចំណុចទាំងអស់នេះ ជាចំណុច​​ដាច់ខាត​មិន​ត្រូវ​ឲ្យ​មាន​បដិវត្ដន៍​ពណ៌ នៅក្នុង​ប្រទេស​កម្ពុជា​នោះ​ទេ មិន​ថា​បដិវត្ដន៍ ពណ៌​ចេញមក​ពី​ទីណា​ទេ ចាំបាច់​ត្រូវធ្វើ​សកម្មភាព​បន្ទាន់ ហើយ​យើង​គ្មាន​ការ​ញញើតណាមួយចំពោះ​ការ​ធ្វើ​សកម្មភាពប្រឆាំងជាមួយ​ក្រុមខិលខូចដែលមាន​ការ​ប៉ុនប៉ងធ្វើ​ឲ្យ​កម្ពុជាធ្លាក់ទៅក្នុងសង្គ្រាមស៊ីវិល ឬ​ការដណ្តើម​​អំណាចមិន​​ស្របច្បាប់»។​ គួររំឮកថា កន្លងទៅ លោក​នាយក​រដ្ឋមន្រ្តី ហ៊ុន សែន បាន​​ព្រមាន​ឲ្យ​គណបក្ស​សង្រ្គោះជាតិ​​​ប្រយ័ត្នប្រយែង​ពី​បាតដៃ​ទី​៣ ដែល​អាច​បង្ក​ឲ្យ​មាន​អំពើ​ហិង្សា​កើត​ឡើង ពេល​បក្ស​ប្រឆាំង​ធ្វើ​បាតុកម្ម។ កន្លងទៅ ​អនុប្រធាន​អង្គភាព​ព័ត៌មាន និង​ប្រតិកម្ម​រហ័ស​នៃ​ទីស្តីការគណៈរដ្ឋមន្ត្រី លោក កែវ រ៉េមី បានចាត់ទុក​អំពើ​ហិង្សាដែ​ល​កើតឡើង​អំឡុង​ពេល​ជាប់​គាំងនយោបាយ​ជា​ចេតនា​របស់​គណបក្ស​សង្គ្រោះ​ជាតិ​ដែល​រៀបចំ​គិតទុក​ជាមុន។ ​កាលពីថ្ងៃទី​១៦ ខែកក្កដា ឆ្នាំ​២០១៤ បេក្ខជន​តំណាងរាស្ត្រ​ជាប់ឆ្នោត​របស់​គណបក្ស​សង្គ្រោះ​ជាតិ​ចំនួន​៥​រូប​ត្រូវបាន​នាំ​ទៅ​ពន្ឋនាគារ​ព្រៃ​ស​។ ពួកគាត់​ត្រូវបាន​ចោទ​ពី​បទដឹកនាំ​ធ្វើ​កុបកម្ម និង​​​ពី​បទ​ផ្តើមគំនិត​បង្ក​ហិង្សា និង​ញុះញង់​ឲ្យ​ប្រព្រឹត្ត​បទឧក្រិដ្ឋ។​ នៅពេល​ជាប់គាំង​នយោបាយ ​កា​រប៉ះ​ទង្គិច​គ្នា​រវាង​កម្មករ និង​សមត្ថកិច្ច​នៅ​ផ្លូវ​វ៉េងស្រេង កាលពីដើមខែមករា ឆ្នាំ២០១៤ បាន​កើត​​ឡើង​ បណ្តាលឲ្យ​កម្មករ​មួយចំនួនបានស្លាប់ និង​រងរបួស៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

​កម្លាំង​កងរាជអាវុធហត្ថ​ជាង​៦០០​នាក់​នឹង​ត្រូវ​បញ្ជូន​ទៅ​ទូទាំង​ប្រទេស​ដើម្បី​ទប់ស្កាត់​អាជីវកម្ម​រ៉ែ​ខុសច្បាប់

ថ្ងៃទី4 មិនា 2015, 05:38 PM

​មន្ត្រីជាន់ខ្ពស់​កងរាជអាវុធហត្ថ​ឲ្យដឹងថា កងកម្លាំង​ប្រដាប់​អាវុធ​ជាង​៦០០​នាក់​នឹង​ត្រូវ​បញ្ជូន​ទៅកាន់​២៥​រាជធានី​ខេត្ត ដើម្បី​ចូលរួម​ជាមួយ​ក្រសួង​រ៉ែ និង​ថាមពល មន្ត្រី​តុលាការ និង​អាជ្ញាធរ​មូលដ្ឋាន​ដើម្បី​ទប់ស្កាត់ និង​លុបបំបាត់​ការជីក​រ៉ែ​អនាធិបតេយ្យ​នៅ​ទូទាំង​ប្រទេស ។​ ​អ្នកនាំពាក្យ​កងរាជអាវុធហត្ថ​លើ​ផ្ទៃ​ប្រទេស​លោក ខេង ទី​តូ ប្រាប់​VOD​នៅ​ថ្ងៃ​ពុធ​នេះ​ថា​ថា ក្រសួង​រ៉ែ និង​ថាមពល​បាន​ស្នើ​កងកម្លាំង​រាជ​អាវុធហត្ថ​ចំនួន​៦១២​នាក់ ដើម្បី​សហការ​ចុះទៅ​ទប់ស្កាត់ ឬ​បង្ក្រាប​ជនខិលខូច​ដែល​បាន​លួច​ជីក​រ៉ែ​ខុសច្បាប់ ដែល​បាន​បង្ក​ឲ្យ​ខាតបង់​ផលប្រយោជន៍​ជាតិ និង​ផលប្រយោជន៍​ប្រជាពលរដ្ឋ ។  ​លោក​បញ្ជាក់ថា​«​អា​ហ្នឹង​គឺ​យើង​ត្រូវតែ​ការពារ​ផលប្រយោជន៍​រួម​របស់​ជាតិ របស់​ប្រជាពលរដ្ឋ ។ យើង​មិន​អាចឲ្យ​ផលប្រយោជន៍​ជាតិ​យើង​ទាំងមូល ត្រូវបាន​ឲ្យ​ជន​ខិលខូច​មួយចំនួ​ន​ធ្វើ​អាជីវកម្ម​ស្រេច​តែ​ចិត្ត មិន​គោរព​គោលការណ៍ មិន​គោរព​លក្ខខណ្ឌ​របស់​ក្រសួង ក៏​ដូច​ជា​របស់​រាជរដ្ឋាភិបាល ដូច្នេះ​យើង​ត្រូវតែ​ការពារ​ហើយ​បានផលប្រយោជន៍​រួម »​។  

អាជ្ញាធរអប្សរានឹងកាប់ដើមឈើក្នុងទឹកដីអង្គរ ដើម្បីបញ្ចៀសគ្រោះថ្នាក់ពេលចូលឆ្នាំខ្មែរ

ថ្ងៃទី4 មិនា 2015, 05:13 PM

អាជ្ញាធរជាតិអប្សរាឲ្យ​ដឹង​ថា​ខ្លួន​នឹងកាត់ក្រីមែកឈើ និងដើមឈើមួយចំនួននៅតាមបណ្ដោយផ្លូវជាតិលេខ​៦ ជុំវិញប្រាសាទបាគង និងវង់តូចវង់ធំ ដើម្បីបង្កាកុំ​ឲ្យ​មាន​គ្រោះថ្នាក់បាក់ ដួលរលំផ្សេងៗទៅលើភ្ញៀវទេសចរទាំងឡាយដែល​នឹងចូលរួមអបអរបុណ្យចូលឆ្នាំថ្មី និងពិធីអង្គរសង្ក្រានក្នុងខែមេសាខាងមុខនេះ។ សេចក្ដីជូនដំណឹងរបស់អាជ្ញាធរអប្សរាចុះថ្ងៃទី០៤ ខែមីនានេះ ឲ្យ​ដឹង​ថាទីតាំងកាត់ក្រីមែកឈើ និងកាប់ដើមឈើទាំងនេះ គឺ​នៅ​តាមបណ្ដោយផ្លូវជាតិលេខ៦ ចាប់ពីស្ពានក្អែករហូតទៅដល់ផ្លូវហាយវេ ផ្លូវចូលប្រាសាទបាគង និងជុំវិញប្រាសាទបាគង ផ្លូវចាប់ពីព្រលានយន្ដហោះមកដល់មុខអង្គរខាងលិច ជុំវិញត្រពាំងសេះ ទីតាំងបច្ចេកសិលាឋាន និងចំណតរថយន្ដមុខអង្គរ វង់តូចវង់ធំ ជុំវិញប្រាសាទបន្ទាយស្រី និងផ្លូវកូម៉ៃ។ អាជ្ញាធរបានបញ្ជាក់ក្នុងលិខិតនោះថាការសម្រេចកាត់ក្រី និងកាប់ដើមឈើមួយចំនួនរបស់អាជ្ញាធរនេះគឺដោយ​សារមានដើមឈើមួយចំនួនងាប់ទាំងស្រុង ហើយដើមឈើមួយចំនួនទៀតនៅរសំតែមានមែកធំៗទេរ​មកលើផ្លូវ ដែលអាចនឹងបាក់ ដួលរលំ នៅពេលមានខ្យល់ ឬភ្លៀងធំ។ អាជ្ញាធរនឹងចាប់ផ្ដើមអនុវត្តការងារនេះចាប់ពីថ្ងៃទី០៤ ខែមីនា ឆ្នាំ២០១៥នេះតទៅ៕ សរសេរមកកាន់លោក យ៉ា រសាត់ តាមរយៈ rorsart@vodhotnews.com

​លោក ខៀវ កាញារីទ្ធ​៖ ក្រសួង​គ្មាន​បំណង​បិទ​បណ្តាញ​សង្គម​ហ្វេ​សប៊ុក​នោះទេ​

ថ្ងៃទី4 មិនា 2015, 12:07 PM

​រដ្ឋមន្ត្រីក្រសួង​ព័ត៌មាន​បាន​អះអាងថា ក្រសួង​មិន​ដែល​មាន​បំណង​បិទ​បណ្ដាញ​សង្គម​ហ្វេ​សប៊ុក​នោះទេ ព្រោះ​ក្រសួង​យល់​ថា​បណ្តាញ​សង្គម​នេះ​មាន​សារៈសំខាន់ ទោះបីជា​កន្លងទៅ​មាន​អ្នកប្រើប្រាស់​បណ្តាញ​សង្គម​នេះ​មួយ​ចំនួន​បាន​ផ្សព្វផ្សាយ​សារ​ញុះញង់ បំភ្លៃ​ការពិត និង​ផ្សព្វផ្សាយ​សារ​រើស​អើ​ស​ពូជសាសន៍ ។​ ​ថ្លែង​ក្នុង​កម្មវិធី​សន្និបាត​បូកសរុប​ការងារ​ព័ត៌មាន និង​សោតទស្សន៍​ឆ្នាំ​២០១៤ និង​ទិសដៅ​ការងារ​សម្រាប់​អនុវត្ត​ឆ្នាំ​២០១៥ នៅ​ព្រឹក​ថ្ងៃ​ពុធ​នេះ រដ្ឋមន្ត្រីក្រសួង​ព័ត៌មាន​លោក ខៀវ កាញារីទ្ធ បាន​មានប្រសាសន៍ថា សព្វថ្ងៃ​នេះ​បណ្តាញ​សង្គម​ជាច្រើន​កំពុង​មាន​ការពេញនិយម​ជាពិសេស​បណ្តាញ​សង្គម​ហ្វេ​សប៊ុក ។ លោក​ថា បណ្តាញ​សង្គម​ហ្វេ​សប៊ុក​កំពុង​មាន​ការពេញនិយ​ម​ក្នុង​ការបញ្ជូន​ព័ត៌មាន អត្ថាធិប្បាយ​មតិយោបល់ តែ​វា​មិនមែន​ជា​ប្រភព​ព័ត៌មាន​ដែល​អាច​ទុកចិត្តបាន​ទាំងស្រុង​នោះ​ទេ ។ 

​គេហទំព័រwww.netlawkh.orgនឹង​ក្លាយ​ជា​កន្លែង​បង្ហាញពី​សេរីភាពបញ្ចេញមតិតាមអ៊ិនធើណែត

ថ្ងៃទី4 មិនា 2015, 08:52 AM

អង្គការ​ក្នុង​ស្រុក​មួយ​ចំនួន​ នៅថ្ងៃ​ព្រហស្បតិ៍ស្អែកនេះ នឹង​​ដាក់​សម្ពោធ​គេហទំព័រwww.netlawkh.org ដែលមានលក្ខណៈស្រដៀងនឹងWikipedia ដោយឲ្យ​​អ្នកប្រើប្រាស់អ៊ិនធើណែតអាចបញ្ចេញមតិ​ទៅ​លើ​សេរីភាព​តាមប្រព័ន្ធ​អ៊ិនធើណែត។​ ​អង្គការ​ទាំងនោះ​រួមមាន​មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM) សមាគមធាងត្នោតអង្គការបណ្តាញ​​យុវជនកម្ពុជា និងមជ្ឈមណ្ឌលសិទ្ធមនុស្សកម្ពុជាជាដើម។​ គេហទំព័រwww.netlawkh.org មានគោលដៅបង្កើតសិទ្ធិប្រើប្រាស់អ៊ិនធើណែត ដើម្បីការទំនាក់ទំនង ការធ្វើពាណិ​ជ្ជ​កម្ម និងការចូលរួមក្នុងកិច្ចការសង្គម រួមទាំងបង្ហាញពីសមត្ថកិច្ចរបស់រដ្ឋាភិបាលប្រឆាំងនឹងបទល្មើសលើប្រព័ន្ធអ៊ិន​ធើណែត។ សេចក្តីប្រកាសព័ត៌មាន​ដែល​ត្រូវ​បាន​ចេញ​ផ្សាយ​កាល​ពីថ្ងៃ​អង្គារឲ្យ​ដឹងថាអ្នកប្រើប្រាស់អ៊ិនធើណែតកម្ពុជានឹងអាចបោះជំ​ហានជាប្រវត្តិសាស្ត្រ ដើម្បីឲ្យ​មានការការពារសិទ្ធិរបស់ពួកគេលើប្រព័ន្ធអ៊ិនធើណែត តាមរយៈការរួមចំណែកបញ្ចេ​ញ​ជាយោបល់​ទៅលើសំណើ​សេចក្តីព្រា​ងស្តីពីសេរីភាពអ៊ិនធើណែតនៅកម្ពុជា។ សេចក្តីប្រកាសបញ្ជាក់​ថា​យោងតាមស្ថិតិក្រសួងប្រៃសណីយ៍ និងទូរ​គមនាគមន៍ ការប្រើប្រាស់អ៊ិនធើណែតនៅកម្ពុជាកំពុងតែកើ​នឡើងយ៉ាងឆា​ប់រហ័ស គឺស្ទើរតែ៤៣%ចន្លោះពីឆ្នាំ២០១៣ទៅ២០១៤ ហើយសក្តានុពលរបស់វាក្នុងសង្គមកម្ពុជាកា​ន់តែលេចចេញច្បាស់ឡើង។ ប៉ុន្តែបច្ចុ​ប្បន្នមិនទាន់មានច្បាប់ណាមួយដែលបញ្ជាក់ពីសិទ្ធិរបស់ប្រជាជនកម្ពុជាលើ​ប្រព័ន្ធអ៊ិនធើណែត ដែល​តាមដាន និងត្រួតពិនិត្យសកម្មភាពលើប្រព័ន្ធបច្ចេកវិទ្យានោះ​ទេ​។ អង្គការ​ទាំងនោះ​នឹង​ធ្វើ​សន្និសីទសារព័ត៌មាន ​ដើម្បីសម្ពោធ​គេហទំព័រនេះ​ជាផ្លូវការនៅថ្ងៃ​ព្រហស្បតិ៍ ស្អែកនេះ ចាប់ពី​​ម៉ោង១០ដ​ល់ម៉ោង​១១​ នៅភោជនីយដ្ឋានHagar។ សាធារណ​ជន​អាច​ប្រើ​ប្រាស់​គេហទំព័រwww.netlawkh.orgរហូតដល់ថ្ងៃទី៨ខែឧសភា ឆ្នាំ២០១៥។  រយៈពេល២ខែបន្ទាប់ពីការប្រឹក្សាយោបល់លើអនឡាញជាសាធារណៈ សំណើសេចក្តីព្រាងដំបូងដោយមានការចូលរួមពីប្រជាពលរដ្ឋមួយនឹងត្រូវបង្ហាញទៅសមាជិកសភា និងក្រសួងពាក់ព័ន្ធសម្រាប់​ពិចារណា៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To