ព័ត៌មានថ្ងៃនេះ ​រដ្ឋ​ចំណាយ​ជាង​៧៣​លាន​ដុល្លារ​ក្នុង​មួយ​ឆ្នាំ​សម្រាប់​អតីតយុទ្ធជន​​អន្តរជាតិ​ព្រម​ឲ្យ​កម្ពុជា​ខ្ចី​ផែនទី​មក​ផ្ទៀងផ្ទាត់​តែ​មិន​បញ្ជូន​អ្នកជំនាញ​អ្នកឡពាងសុំអន្តរាគមន៍ពីព្រឹទ្ធសភាក្នុងជម្លោះដីធ្លីជាក្រុមហ៊ុន ខេឌីស៊ី (វីដេអូ)សង្គមស៊ីវិលថា ទស្សនកិច្ចនៅបរទេសជួយឲ្យកម្ពុជាទទួលបានបទពិសោធន៍ថ្មីដើម្បីអភិវឌ្ឍន៍ (វីដេអូ)​គ្រួសារ​យោធិន​នៅ​ខណ្ឌ​ព្រែក​ព្នៅ​ដែល​ត្រូវ​អាជ្ញាធរ​រុះរើ​ផ្ទះ​ទាមទារ​សំណង​សមរម្យ​​ជនសង្ស័យ​ទី​២​ត្រូវបាន​ចាប់ខ្លួន ក្នុងករណីបំផ្ទុះ​គ្រាប់បែកសម្លាប់​មនុស្ស២២នាក់នៅ​ក្រុង​បាងកក​​សាលាដំបូង​ខេត្តកោះកុង​បដិសេធ​ដោះលែង​យុវជន​ចលនា​មាតា​ធម្មជាតិ​រោងចក្រ BW នៅតំបន់សេដ្ឋកិច្ចពិសេសក្រុងបាវិតឃុំខ្លួនកម្មករគ្មានមូលហេតុ (វីដេអូ)​សហ​ជីព​នៅ​ឥណ្ឌូណេស៊ីរាប់​ម៉ឹន​នាក់​តវ៉ា​នៅ​ខាងមុខវិ​មាន​ប្រធានាធិបតី​ទាមទារ​សុវត្ថិភាព​ការងារ​​ក្រសួង​ថា​ដំណាំ​ស្រូវ​ជិត​២០​ម៉ី​ន​ហិកតា​រង​ការខូចខាត​ដោយសារ​គ្មាន​ប្រភពទឹក​ផ្គត់ផ្គង់​

ថ្ងៃពុធ ទី2 កញ្ញា 2015
អំពីវីអូឌី | ទំនាក់ទំនង

ព័ត៌មានថ្មីបំផុត

ប្រជាពលរដ្ឋ​មួយចំនួននៅខេត្តកំពង់ស្ពឺ ចោទ​មេភូមិ​ពាម​ឃ្លៃ ប្រកាន់​បក្ខពួក​នៅពេល​ចែក​អំណោយ​​

ដោយ៖​ ឡាយ សាមាន​ | ថ្ងៃសៅរ៍ ទី15 មិនា 2014, 11:11 AM​

​ប្រជាពលរដ្ឋ​ក្រីក្រ​មួយចំនួន ចោទ​មេភូមិ​ពាម​ឃ្លៃ ឃុំ​ទំពណ៌​មាស ស្រុក​សំរោង​ទង​ ខេត្ត​កំពង់ស្ពឺ ថា​ រើសអើង​ពួកគាត់​ដែល​មាន​និន្នាការ​គណ​បក្ស​ផ្សេង​គ្នា នៅពេល​ចែក​អំណោយ​។​

​ប្រជាពលរដ្ឋ​សុំ​មិន​បញ្ចេញ​ឈ្មោះ​នៅ​ភូមិ​ពាម​ឃ្លៃ ប្រាប់ VOD ឲ្យដឹងថា នៅ​ថ្ងៃ​ទី ៩​ខែ​មីនា មេភូមិ​បាន​ចែក​អំណោយ​ដល់​ជន​ក្រីក្រ​នៅ​វត្ត​​​ឧត្តរមានជ័យ ភូមិ​ពាម​ឃ្លៃ  ប៉ុន្តែ​គាត់​មិន​បាន​ទទួល​អំណោយ​នោះទេ ទោះបីជា​គាត់​មាន​ប័ណ្ណ​ក្រីក្រ​ក៏​ដោយ​។ លោក បន្តថា ការ​រើស​អើង ដោយសារ​គាត់​បាន​ឈរឈ្មោះ​ជា​បេក្ខជន​តំណាង​គណបក្ស​សម រង្ស៊ី ប្រចាំ​ភូមិ​នេះ​។​

VOD មិនអាច​ទាក់ទង​សុំ​ការអត្ថាធិប្បាយ​ដោយ​ផ្ទាល់​ពី​លោក សាយ ស​មិ  មេភូមិ​ពាម​ឃ្លៃ បាន​នៅឡើយ​ទេ​។ ប៉ុន្តែ ភរិយា​គាត់​ដែល​ធ្លាប់​​ចុះ​ចែក​អំណោយ ឲ្យដឹងថា ស្វាមី​របស់​គាត់​មិន​បាន​រើសអើង​ចំពោះ​ជនក្រីក្រ ឬ គណបក្ស​ណាមួយ​ឡើយ​។ អ្នកស្រី​បន្ត​ថា ដោយ​សារ​​អំណោយ​ពី​សប្បុរសជន​មាន​ចំនួន​តិចតួច ដូចនេះ​មិនបាន​ចែក​ដល់​គ្រួសារ​ក្រីក្រ​ទាំង​អស់​ទេ ប៉ុន្តែ​អំណោយ​លើក​ក្រោយ​អ្នក​ទាំង​នោះ នឹង​ទទួលបាន​វិញ​ម្តង​។​

​ការ​ចែក​អំណោយ ​កាលពី​ថ្ងៃ​ទី ៩ ខែ​មីនា នៅក្នុង​ឃុំ​ទំ​ពណ៌​មាស ​មាន​ប្រមាណ​ជា ១០០ គ្រួសារ ក្នុង​ចំនួន ១០ ភូមិ ប៉ុន្តែ​ក្នុង​ភូមិ​ខ្លះ​ទទួល​​បាន ១០​គ្រួសារ ភូមិ​ខ្លះ​ទទួលបាន ៧ ឬ ៨ គ្រួសារ​តែ​ប៉ុណ្ណោះ៕

សរសេរមកកាន់លោក ឡាយ សាមាន តាមរយៈ samean@vodhotnews.com


Tags:

559

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
​គ្រួសារ​យោធិន​នៅ​ខណ្ឌ​ព្រែក​ព្នៅ​ដែល​ត្រូវ​អាជ្ញាធរ​រុះរើ​ផ្ទះ​ទាមទារ​សំណង​សមរម្យ​

ថ្ងៃទី1 កញ្ញា 2015, 05:47 PM

​គ្រួសារ​យោធិន​ដែល​ត្រូវបាន​អាជ្ញាធរ​ខណ្ឌ​ព្រែក​ព្នៅ ចុះ​រុះរើ​ផ្ទះ​កាលពី​ម្សិលមិញ ទាមទារ​ឲ្យ​អាជ្ញាធរ​ផ្ដ​ល់​សំណង​សមរម្យ​សម្រាប់​ផលប៉ះពាល់ និង​ឥ​វ៉ាន់​លក់ដូរ​ដែល​អាជ្ញាធរ​បាន​រឹបអូស​ពេល​ចុះ​រុះរើ​។​ កាលពី​រសៀល​ម្សិលមិញ កងកម្លាំង​ចម្រុះ​ខណ្ឌ​ព្រែក​ព្នៅ​ប្រមាណ​ជា​៣០​នាក់ បាន​ចុះ​រុះរើ​ផ្ទះ​២​ខ្នង​នៅ​សង្កាត់​ព្រែក​ព្នៅ ខណ្ឌ​ព្រែក​ព្នៅ សម្រាប់​គម្រោង​ពង្រីក​ផ្លូវជាតិ​លេខ​៥ ក្រោយ​ម្ចាស់ផ្ទះ​មិន​ព្រម​ទទួលយក​សំណង​ដែល​អាជ្ញាធរ​ផ្ដល់ឲ្យ​។​ ​អ្នកស្រី ស៊ូ ស្រី​នាង ម្ចាស់ផ្ទះ​ដែល​ត្រូវ​អាជ្ញាធរ​រុះរើ​ប្រាប់​វី​អូ​ឌី​(VOD)​នៅ​ថ្ងៃ​អង្គារ​នេះ​ថា ផ្ទះ​អ្នកស្រី និង​ដី​ផ្ទះ​របស់​កូន​អ្នកស្រី​ត្រូវ​ប៉ះពាល់​សម្រាប់​ការពង្រីក​ផ្លូវជាតិ​លេខ​៥​។ អ្នកស្រី​ថា អាជ្ញាធរ​ខណ្ឌ​បាន​យល់ព្រម​ផ្ដល់​សំណង​ជា​ទឹកប្រាក់​ចំនួន​៨០០០​ដុល្លារ​សម្រាប់​ផ្ទះ​អ្នកស្រី និង​សំណង​៣០០០​ដុល្លារ​សម្រាប់​ផ្ទះ​កូន​អ្នកស្រី ប៉ុន្តែ​អ្នកស្រី​មិន​ព្រម​ទទួលយក​។ អ្នកស្រី​អះអាងថា សំណង​នេះ​មិន​គ្រប់គ្រាន់​សម្រាប់​គាត់​ទិញ​ផ្ទះ​ថ្មី​ដើម្បី​ស្នាក់នៅ និង​ប្រកប​របរ​ចិញ្ចឹម​ជីវិត​នោះទេ ដោយ​អ្នកស្រី​ទាមទារ​សំណង​រួម​ចំនួន​៣៥០០០​ដុល្លារ​សម្រាប់​ផ្ទះ​អ្នកស្រី និង​កូន​។​ ​អ្នកស្រី ស៊ូ ស្រី​នាង បន្តថា ពេល​រុះរើ អាជ្ញាធរ​បាន​រឹបអូស​យក​ជ័រ​ប្រេង​របស់​អ្នកស្រី​អស់​២២​កាន ដែល​អ្នកស្រី​អះអាងថា អ្នកស្រី​បាន​ជឿ​ពី​គេ​មក​លក់​ត ដោយ​ជ័រ​លេខ​មួយ​តម្លៃ​ជាង​៣០​ម៉ឺន​រៀល​ក្នុង​មួយ​កាន​។ អ្នកស្រី​បន្ត​ថា​៖ “​ខាង​សមត្ថកិច្ច​ប៉ូលិស​ដឹក​ឡាន​ទៅ​តែម្ដង កូន​ខ្ញុំ​គ្រាន់​ថា​របស់​ហ្នឹង​យក​ទៅ​ធ្វើ​អី ចាប់​កូន​ខ្ញុំ​ក្រៀក​យកទៅ កូន​ខ្ញុំ​សួរ​យក​កូន​ខ្ញុំ​ទៅ​ធ្វើ​អី​ខ្ញុំ​នៅ​មើល​របស់ទ្រព្យ​ខ្ញុំ​”​។​ ​អ្នកស្រី​អំពាវនាវ​ឲ្យ​សមត្ថកិច្ច​ប្រគល់​ឥ​វ៉ាន់​លក់ដូរ​របស់គាត់​វិញ ដោយ​អ្នកស្រី​ព្រោះ​ពេល​នេះ គាត់​មិន​មាន​ទ្រព្យសម្បត្តិ​អ្វី​ទេ​។ អ្នកស្រី​បន្ត​ទៀត​ថា ក្នុង​ការរុះរើ​នោះ អ្នកស្រី​បាន​បាត់​លុយ និង​គ្រឿងអលង្កា​មួយចំនួន​នៅក្នុង​ផ្ទះ ដែល​អ្នកស្រី​អះអាងថា​បាន​ព្យាយាម​រក​តាំងពី​ម្សិលមិញ​រហូត​ដល់​ថ្ងៃនេះ​នៅតែរ​ក​ពុំ​ឃើញ​។​ VOD មិនទាន់​អាច​ទាក់ទង​អាជ្ញាធរ​ខណ្ឌ​ព្រែក​ព្នៅ​សុំ​ការ​អត្ថាធិបាយ​ពី​បញ្ហា​នេះ​បានទេ ដោយ​ទូរស័ព្ទ​ចូល​គ្មាន​អ្នកទទួល​។ វី​អូ​ឌី​ក៏​មិនអាច​សុំ​ការ​អត្ថាធិបាយ​ពី​អ្នកនាំពាក្យ​សាលា​រាជធានី​ភ្នំពេញ លោក ឡុង ឌី​ម៉ង់​ បានទេ ដោយ​លោក​អះអាងថា ថ្ងៃនេះ​លោក​សុំ​ច្បាប់​ឈប់សម្រាក​ព្រោះ​មានធុរៈ​។​

ស្រ្តីខ្មែរ៦នាក់ចាញ់បោកមេខ្យល់​ធ្វើ​ការ​នៅ​ម៉ាឡេស៊ី​ត្រូវ​បាន​ជួយ​សង្រ្គោះ

ថ្ងៃទី31 សីហា 2015, 05:30 PM

ស្រ្តី​ខ្មែរ​៦នាក់​ដែលរងគ្រោះ​ដោយ​សារ​ចាញ់បោកមេខ្យល់នាំទៅធ្វើការនៅប្រទេសម៉ាឡេស៊ី ត្រូវ​បាន​ជួយ​សង្រ្គោះ​​ហើយ​​នឹង​ត្រូវ​បញ្ជូន​កម្ពុជា​នៅ​ថ្ងៃអង្គារស្អែកនេះ។ សេចក្តីប្រកាសព័ត៌មាន​មានពីក្រសួងការបរទេសកម្ពុជា​ ចុះថ្ងៃទី៣១ខែសីហា ឲ្យ​ដឹងថាស្ថានឯកអគ្គរាជទូតកម្ពុជា​ប្រចាំនៅ​ប្រទេសម៉ាឡេស៊ីបានអន្តរាគមន៍ជួយពលការិនីខ្មែររងគ្រោះចំនួន៦នាក់​ដែលត្រូវបានមេខ្យល់​នាំយក​ទៅធ្វើការនៅប្រទេសម៉ាឡេស៊ី  ហើយជួបប្រទះនឹងការលំបាកក្នុងការងារ។ សេចក្តីប្រកាសដដែលបាន​បន្តថាក្នុងពេលរង់ចាំការត្រឡប់មកកម្ពុជាវិញ ស្ថានទូតបានផ្ដល់កន្លែងស្នាក់នៅនិងបាយទឹកនិង​បានចេញលិខិតធ្វើដំណើរបណ្តោះអាសន្នឲ្យ​ពលការិនីទាំង២នាក់នេះ។ ស្រ្តី​ទាំង៦នឹងមកដល់កម្ពុជាវិញ នៅថ្ងៃទី០១ ខែ​កញ្ញា ឆ្នាំ​២០១៥  ស្អែកនេះ​ នៅអាកាសយានដ្ឋានអន្តរជាតិភ្នំពេញ ​។ អ្នកនាំពាក្យក្រសួងការបរទេស លោក ជុំ សុន្ទរី មិន​ទាន់​អាច​បញ្ជាក់​ពី​ចំនួន​ស្រ្តីខ្មែរ​ដែល​រងគ្រោះ​ដែល​ត្រូវ​បាន​ជួយ​សង្រ្គោះបាន​នៅ​ឡើយ​ទេ។ ក្រសួងការបរទេស​កម្ពុជា​បាន​អំពាវនាវដោយទទូចដល់ពលរដ្ឋខ្មែរត្រូវប្រុង​​ប្រយ័ត្នចំពោះការឆបោក អូសទាញ បញ្ចុះ​បញ្ចូលពីសំណាក់មេខ្យល់៕ សរសេរមកកាន់លោក មាឃ ចាន់ តាមរយៈchanmeak981@gmail.com

សិស្ស​ប្រឡង​បាក់ឌុបភាគច្រើន​​ឆ្លើយ​មិន​ត្រូវ​​សំណួរ​ទាក់ទង​នឹង​វប្បធម៌សន្ទនា

ថ្ងៃទី31 សីហា 2015, 04:33 PM

អនុរក្ស​កំណែ​លើ​មុខវិជ្ជា​ប្រវត្តិ​វិទ្យា​បាន​និយា​យ​ថា​សិស្ស​ប្រឡង​បាក់ឌុប​ភាគច្រើន​មិន​​អាច​ឆ្លើយ​ត្រូវ​នឹង​សំណួរ​ទាក់ទង​នឹង”​វប្បធម៌សន្ទនា”​ដែល​ថ្នាក់ដឹកនាំ​គណបក្ស​ប្រជា​ជនកម្ពុជា​និង​គណបក្ស​សង្រ្គោះជាតិ​​បាន​បង្កើតនោះទេ​។​ នៅក្នុង​ការប្រឡង​ថ្នាក់ទី១២​កាលពីថ្ងៃទី​២៤ខែសីហា​ សម្រាប់​មុខវិជ្ជា​ប្រវត្តិ​វិទ្យា បេក្ខជន​ប្រឡង​តម្រូវ​ឲ្យ​​បក​​ស្រាយ​ពីតួនាទីនៃ​វប្បធម៌សន្ទនាក្នុង​សង្គមប្រជាធិបតេយ្យ។​ បើ​តាម​កំណែ​ប្រឡង​​ដែល​វីអូឌី​(VOD)​ទទួលបាននៅថ្ងៃ​ចន្ទនេះ​​ ចម្លើយ​លើ​សំណួរ​នេះ​អាច​ជា​វប្បធម៌សន្ទនា​បាន​​បញ្ចៀស​មុន​​សង្រ្គាម​ពាក្យ​សម្តី​និង​ទំនាស់ផ្សេងៗ​ក្នុង​សង្គម ដោះ​ស្រាយ​បញ្ហា​ផ្សេងៗ​ដោ​យ​សន្តិវិធី ផ្តល់នូវ​ភាព​ស្មោះ​ត្រង់​និង​ជឿជាក់ចិត្ត​ទៅ​វិញ​មក ជា​វេទិកា​ជជែក​ដេញ​ដោល​និង​ពិភាក្សា​ឈរ​លើ​គោ​ល​ការណ៍​ស្មើ​គ្នា ពុំមាន​ការ​គំរាម​កំហែង​គ្នា​ទៅ​វិញ​​ទៅ​មក មាន​ទំនួល​ខុសត្រូវ​លើ​ផល​ប្រយោជន៍​ជាតិ​ក្នុង​សង្គម​ប្រ​ជា​ធិបតេយ្យនិង​បញ្ចៀស​រាល់អំពើ​ហិង្សា​​និង​សង្រ្គាម​ជាដើម។​ ​គ្រូកំណែ​មុខ​វិ​​ជ្ជាប្រ​វត្តិ​វិទ្យា​មក​ពី​ខេត្ត​កំពត លោក​ គាត​ ងាន់​ បាន​ប្រាប់​វី​អូឌី​(VOD)ថាសិស្សភាគច្រើន​ឆ្លើយ​មិ​ន​ត្រូវ​នឹង​សំណួរ​ទាក់ទង​នឹង​វប្បធម៌សន្ទនានេះ។ លោក​បញ្ជាក់​ថា​៖”​ អា​សំណួរ​វប្ប​ធម៌​សន្ទនា​ហ្នឹង​ភាគច្រើន​សិស្ស​ធ្វើ​មិន​បាន​ ដោយ​សា​សិស្ស​អត់​ទាន់យល់​នូវ​​អាឃ្លា​ដែល​គេ​សួរ​​ ហើយ​មួយ​ទៀត​សំណួរ​ ហ្នឹង​​វា​នៅ​ក្រៅ​មេរៀន​ ហើយ​សិស្ស​អត់​ចេះទេ​ភាគ​ច្រើន​ធ្លាក់​​”។ លោក​​បន្ត​ថាក្រសួង​​មិន​គួ​រដាក់​សំណួរ​ទាក់​ទង​នឹង​​វប្ប​ធម៌សន្ទនានោះទេ ព្រោះ​គ្រូ​បង្រៀនបាន​​បង្រៀន​អ្វី​ដែល​មាន​តែ​​ក្នុង​មេរៀន​តែប៉ុណ្ណោះ។ លោក​បញ្ជាក់​​ថា​៖ ”ខ្ញុំ​សំណូម​ពរ​វិញចង់​ឲ្យ​អ្នក​ដែល​ដាក់​វិញ្ញាសា​ហ្នឹង​សរសេរ​សំណួរ​ចេញ​នៅ​ក្នុង​មេរៀន ដែល​សិស្ស​​បាន​រៀន​អា​ហ្នឹង​ល្អ”។ លោក​បន្ត​ថា​វិញ្ញាសាប្រឡង​​ឆ្នាំ​នេះ​ស្រាល​ជា​ង​ឆ្នំា​មុន ដោយ​លោក​​មើល​ឃើញ​ថា​ចំ​នួន​សិស្ស​អា​ច​ធ្វើ​បាន​ជា​ង​ឆ្នាំមុន​​ ហើយ​​មួយ​ថ្នាក់​មាន​ធ្លាក់​តែ​២ឫ៣នាក់​ប៉ុណ្ណោះ​។ គ្រូកំណែមុខវិជ្ជាប្រវត្តិវិទ្យា​ មកពីខេត្តកំពង់ស្ពឺ អ្នកគ្រូ​ ឈុំ សុផា បានប្រាប់វីអូឌី(VOD)នៅថ្ងៃចន្ទ​នេះថាសិស្ស​មួយចំនួនធំមិន​សូវចាប់អារម្មណ៍ពីបញ្ហា​នយោបាយនោះទេ​ ហើយ​ថា​វប្បធម៌សន្ទនាទើបកើត​ឡើង​ថ្មី​ៗ​។ អ្នកគ្រូបញ្ជាក់​ថា​៖ “សិស្សឆ្នាំហ្នឹងនិយាយរួមទៅវាអត់សូវយល់ពាក្យថាវប្បធម៌សន្ទនាទេ ពីព្រោះសិស្ស​(ដែល​)ខ្ញុំកែទៅ ឃើញ​ច្រើន​លើក​តែពីវប្បធម៌អរិយធម៌ពីមុន ដល់ពេលវប្បធម៌សន្ទនារបស់អត្រាកំណែចេញប្រឡងឆ្នាំហ្នឹងសិស្សអត់សូវយល់។ ខ្ញុំកែមួយដុំអញ្ចឹងមួយបន្ទប់អញ្ចឹងសិស្សតែម្នាក់ពីរនាក់ទេដែលអាចធ្វើ​បាន ក្រៅពីហ្នឹងធ្វើ​អត់បានអត់យល់”។ អ្នក​គ្រូ​ឲ្យ​ដឹង​ទៀត​ថា​ការប្រឡងឆ្នាំនេះប្រសើរ​ជាងឆ្នាំ​មុន​បន្តិច ដោយថាឆ្នាំមុន ក្នុង​មួយបន្ទប់​រកអ្នកជាប់មួយ​នាក់​ឬ​ពីរនាក់សឹង​មិនបាន។ រដ្ឋមន្រ្តីក្រសួងអប់រំ លោក ហង់ ជួន ណារ៉ុន ប្រាប់វីអូឌី(VOD)ថាលោកមិនទាន់​ដឹងភាគរយ​នៃ​សិស្សអាចធ្វើបានឫមិនអាចធ្វើបានលើ​សំណួរ​វប្បធម៌សន្ទនានេះ​ទេ។ លោក​បន្ត​ថា​លោក​រង់​ចាំ​លទ្ធ​ផលជា​មុន​សិន​ ទើប​អាច​ផ្តល់​ជា​យោបល់​បាន។ រដ្ឋមន្រ្តី​ក្រសួង​អប់រំ​រូប​នេះ​​ធ្លាប់​បាន​ប្រាប់​សារព័ត៌មាន​ថា​ការ​សួរ​សំណួរ​​ទាក់​ទង​នឹង​​វប្បធម៌សន្ទនា​នេះ​ ដោយសារ​ការ​បង្កើត​​វប្បធម៌សន្ទនា​អាច​ជា​ប្រវត្តិសាស្រ្ត​មួយ ហើយ​សិស្ស​​គួ​​រ​តែ​រៀន​អ្វី​​ដែល​បា​ន​កើត​ឡើង​នាពេល​បច្ចុប្បន្ន ​មិន​មែន​តែ​ពេល​អតី​ត​កាល​នោះទេ។​ ប្រ​ធាន​ម​ជ្ឈ​ម​ណ្ឌល​ពលរដ្ឋ​ដើម្បី​អភិ​វឌ្ឍន៍និង​សន្តិភាព លោក យង់​ គិម​អេង​​ យល់​ថា​មូល​ហេតុ​ដែល​សិស្ស​​ប្រ​ឡ​ង​ថ្នាក់​ទី​១២​​ធ្វើ​សំណួរ​​វប្ប​ធម៌​សន្ទនា​មិន​បាន​ដោយ​សា​រ​កង្វះ​ខាត​ក្នុង​ការ​​អាន​ព័ត៌មាន​​និង​ការ​រឹត​​ត្បិ​ត​សេរី​ភាពក្នុង​​បញ្ចេញមតិ​យោ​បល់​ទាក់​ទង​នឹង​នយោបាយ​។ ​កាលពីថ្ងៃទី​១៤ខែសីហា រដ្ឋមន្រ្តីក្រសួង​អប់រំ​បាន​ថ្លែង​ក្រើន​រំឭក​​ថាគ្រូបង្រៀន​មិន​អាច​យក​រឿង​ន​យោបាយ​ឬគណបក្ស​នយោបាយ​មក​និយាយ​នៅ​ក្នុង​ថ្នាក់រៀននោះទេ។ លោក​បាន​​បញ្ជាក់​ថា៖“តើស្អីទៅសកម្មភាពនយោបាយ? អ្វី​ដែល​មាន​ចែង​នៅក្នុង​ច្បាប់អប់រំ​។ យើង​អត់អាចធ្វើអីលើសពីច្បាប់ទេ។​ ខ្ញុំ​ចង់និយាយពីច្បាប់អប់រំតិច សង្ខេបថា​និយាយ​តែ​ខ្លីទេ នៅពេលទៅបង្រៀន​មិន​អាច​យក​រឿងនយោ​បាយ​​មក​លូក​លំជាមួយ​ការ​បង្រៀន​សិស្ស​នៅក្នុង​ថ្នាក់”។ លោករដ្ឋមន្រ្តី​ក៏​បាន​លើក​ជា​ឧទាហរណ៍នៃ​ការ​បកស្រាយនេះ​ថា​គណបក្សនយោបាយ​ណាមួយ​បាន​បញ្ជូន​មនុស្ស​មក​ពេញសាលាហើយ​​លុប​ចោល​ម៉ោងសិក្សា​ ដោយ​​យក​ពេលនោះ​ទៅ​រៀន​ពីគោលនយោ​បាយ​របស់គណបក្សណាមួយ​ ឬ​ក៏​យក​ពេលបង្រៀន​ទៅ​​ឃោ​សនា​ឲ្យ​គណបក្ស​ណាមួយ។​ គួររំឭកថា កាលពីថ្ងៃទី០៨ខែឧសភា ឆ្នាំ​២០១៥ លោកនាយករដ្ឋមន្រ្តី​ ហ៊ុន សែន និង​លោក សម រង្ស៊ី បាន​ឯកភាពគ្នាលើ​ការ​មិន​ឲ្យ​ប្រើ​ប្រាស់​ពាក្យ​ពេចន៍​មួយ​ចំនួន​ ក្នុង​នោះ​មាន​ពាក្យ​ចាប់ដាក់គុក​ សង្គ្រាម​កើត​ឡើង ​ការ​ញុះញង់​ ការ​លាប​ពណ៌ ការ​ប្រើ​ពាក្យអសុរោះ និង​ការ​ជេរ​ប្រមាថ​គ្នា ដូច​ជា​ករណី​​ប្រើ​ពាក្យ​អាក្បាល​យួន​ខ្លួន​ខ្មែរ ពួកកុម្មុយនីស្តផ្តាច់​ការ​ អាយ៉ងយួន អាក្បត់​ជាតិ អា​លក់​ជាតិ អា​មេចោរ និង​អាកូន​ចោរជាដើម​។ ថ្នាក់ដឹកនាំទាំងពីរ​បន្ត​ថា ដើម្បី​រក្សា​វប្បធម៌​សន្ទនា គណបក្ស​ទាំងពីរត្រូវ​មាន​ភាព​ស្មោះត្រង់​ជា​មួយគ្នា​ ដោយ​យក​វប្បធម៌​សន្ទនា​ធ្វើ​ជា​មូល​ដ្ឋាន​ក្នុង​ការ​ពិភាក្សា​ដោះ​​ស្រាយ​ដោយ​សន្តិវិធី នូវ​រាល់​បញ្ហា​ជតិ និង​សង្គម ដែល​ភាគីទាំងពីរ​អាច​មាន​ទស្សនៈ​មិន​ទាន់​ស្រប​គ្នា​៕ រាយការណ៍​បន្ថែម​ដោយ​លោក ស៊ុន ណារិន​ សរសេរ​មក​កាន់​ លោក​ ឆុង​ ស៊ីណាន តាម​រយៈChhong.sinan@yahoo.comនិង​លោក សេង វណ្ណៈ តាមរយៈsengvannakdmc@gmail.com

​កម្មករ​ព្រមាន​ដុត​រោងចក្រ ដោយសារ​ថៅកែ​រត់ចោល​មិន​បាន​ទូទាត់​សំណង​

ថ្ងៃទី31 សីហា 2015, 03:31 PM

កម្មករ​ជាង​១០០​នាក់ ​ដែល​ថៅកែ​រត់​ចោល​នោះ បាន​នាំគ្នា​តវ៉ា​ដុត​កង់ឡាននៅ​មុខ​រោងចក្រ​ដេរខោ​ខោ​ប៊ូ​យឈ្មោះ​ ធាន​ធាន ស្ថិតក្នុង​ខេត្ត​កណ្តាល នៅ​ព្រឹក​ថ្ងៃទី​៣១ ខែសីហា​នេះ ដើម្បី​ទាមទារ​រក​ដំណោះស្រាយលើ​ប្រាក់ខែ​ចុងក្រោយ​។  ​កម្ម​ការ​នី ឌុ​ត សុភ័ក្ត្រ ដែល​ចូលរួម​ការតវ៉ា​នេះបានឲ្យដឹងថា កម្មករ​បាន​ដាក់ពាក្យ​បណ្តឹង​ទៅ​តុលា​ការខេត្តកណ្តាល បន្ទាប់​ពី​ថៅកែ​រោងចក្របាន​លួច​រត់ចោល​កម្មករ ហើយ​តុលាការបាន​ចេញ​ដីកា ឲ្យ​ដាក់​លក់ឡៃ​ឡុង​នូវ​សម្ភារ​រោងចក្រ ដើម្បី​យកប្រាក់​ទូទាត់​ឲ្យ​កម្មករ​។ 

ពលរដ្ឋ​ខេត្ត​កោះកុង​បន្ត​តវ៉ា​ទាម​ទារ​ឲ្យ​ដោះ​លែង​សកម្មជន​មាតាធម្មជាតិ​

ថ្ងៃទី31 សីហា 2015, 03:19 PM

ប្រជាពលរដ្ឋនិងក្រុមយុវជនប្រមាណ៥០នាក់នៅព្រឹកថ្ងៃចន្ទនេះ នៅតែបន្តនាំគ្នាតវ៉ាខាងមុខសាលាដំបូងខេត្តកោះកុង និង​ដើរ​ដង្ហែជា​ក្បួន​​ ដោយស្នើដោះលែងយុវជននៃចលនាមាតាធម្មជាតិ៣នាក់ដែលសមត្ថកិច្ចបានចាប់ខ្លួនកាលពីពេលកន្លងទៅ។ សកម្មជននៃក្រុមចលនាមាតាធម្មជាតិមួយរូប លោក ម៉ូត គឹមរី បានឱ្យដឹងថានា​ព្រឹកថ្ងៃចន្ទនេះក្រុមយុវជន និងអ្នកភូមិ  រួមទាំងក្រុមអ្នកភូមិបឹងកក់ដែលមកពីភ្នំពេញ បានបន្តតវ៉ានៅពីមុខសាលាដំបូងខេត្តកោះកុង និងមានការដើរហែរក្បួននៅក្នុងក្រុងខេមរៈភូមិន្ទ ដើម្បីសុំឱ្យតុលាការទម្លាក់ការចោទប្រកាន់និងដោះលែងសកម្មជនទាំង៣នាក់ឱ្យមានសេរីភាពវិញ។ សកម្មជន​ទាំងនោះ​រួមមាន លោក សាន់ ម៉ាឡា លោក ទ្រី សុវិគា និងលោក ស៊ិម សំណាង។ ប្រជា​ពលរដ្ឋ​បាន​តវ៉ា​ឲ្យ​មាន​ការ​ដោះ​លែង​សកម្មជន​ទាំងនោះ​ចាប់តាំងពីថ្ងៃ​ទី​១៩ខែសីហា ឆ្នាំ​២០១៥។​ អ្នកសម្របសម្រួលបច្ចេកទេសនៃអង្កការលីកាដូ លោក អំ សំអាត បានឱ្យវីអូឌីដឹងដែរថាកាលពីថ្ងៃពុធសប្តាហ៍មុន មេធាវីការពារមក​ពីអង្គការ​លីកាដូ​បានដាក់លិខិតដាក់ទៅតុលាការ ដើម្បីស្នើសុំឱ្យយុវជនទាំង៣នាក់ស្ថិតនៅក្រៅឃុំ។ លោក​បន្ត​ថា​រហូត​មកទល់ពេលនេះខាងមេធាវីកំពុងរង់ចាំការឆ្លើយតបពីតុលាការ។ ប្រភពដដែលបានបន្តថានៅថ្ងៃអង្គារ ទី០៨ សប្តាហ៍ក្រោយ ចៅក្រុមស៊ើបសួរនឹងបន្តការសាកសួរយុវជន២នាក់គឺលោក សាន់ ម៉ាឡានិងលោក ទ្រី សុវិគា។ កន្លងទៅយុវជនដែលត្រូវ​បានចាប់ខ្លួន លោក សាន់ ម៉ាឡា ធ្លាប់​​ប្រាប់​វីអូឌី(VOD)ថាលោក​​យល់ថាចំណាត់​ការ​តាម​ប្រព័ន្ធតុលាការនេះ គ្រាន់តែ​ជា​ការគំរាមកំហែង ដើម្បីឲ្យ​យុវជន​បញ្ឈប់យុទ្ធនាការបណ្តេញ​សាឡង់​បូមខ្សាច់តែប៉ុណ្ណោះ។ គួររំឮកផងដែរថាយុវជនទាំង៣នាក់ត្រូវបាន​ចោទពីបទគំរាមកំហែងតាមមធ្យោបាយណាក៏ដោយថានឹងប្រព្រឹត្តការបំផ្លិចបំផ្លាញ ធ្វើឲ្យទ្រុឌទ្រោមឬការធ្វើឲ្យខូចខាតរបស់អ្វីមួយ តាមមាត្រា៤២៤នៃក្រមព្រហ្មទណ្ឌ ។ យុវជន​អាច​ត្រូវផ្តន្ទាទោសដាក់ពន្ធនាគារពី១ឆ្នាំទៅ២ឆ្នាំ និងពិន័យជាប្រាក់ពី២ទៅ៤លានរៀល៕ សរសេរមកកាន់លោក មាឃ ចាន់ តាមរយៈchanmeak981@gmail.com

ឪពុក​យុវជន​ដែល​បាត់​ខ្លួន​ពេលសមត្ថកិច្ច​​បាញ់ប្រហារ​​​នៅ​ផ្លូវ​វ៉េង​ស្រេងទទូច​រក​​យុត្ដិធម៌ដល់កូន​

ថ្ងៃទី31 សីហា 2015, 02:40 PM

ឪពុក​របស់​យុវជន​ ខឹម សុផាត ដែល​បាន​បាត់​ខ្លួន​ក្នុងពេល​សមត្ថកិច្ច​បាញ់ប្រហារ​ទៅ​លើ​​កម្មករ​រោងចក្រ​ ​កាល​ពី​ថ្ងៃ​ទី​៣ ខែមករា ឆ្នាំ​២០១៤ នៅ​ផ្លូវ​វ៉េង​ស្រេង អំពាវនាវ​ឲ្យ​សមត្ថកិច្ច​និង​មន្ដ្រី​ពាក់​ព័ន្ធ​ជួយ​បង្ហាញ​ភស្ដុ​តាង​​និង​ផ្ដល់យុត្តិធម៌​ចំពោះ​ការ​បាត់ខ្លួន​កូនប្រុស​​របស់​លោក។ កម្ម​ករ​៤នាក់បានស្លាប់និង​ជាង​៣០នាក់ទៀត​ បានរង​របួស ​ដោយសារការបាញ់ប្រហាររបស់កម្លាំង​​សមត្ថកិច្ចទៅ​លើកម្មករ កាលពីថ្ងៃទី០៣ខែមករា ឆ្នាំ២០១៤ នៅគ្រា​ពួកគេតវ៉ា​ទាម​ទារ​ការ​ដំឡើ​ង​ប្រា​ក់ឈ្នួល​​​។ យុវជន​ម្នាក់ អាយុ១៧ឆ្នាំ ឈ្មោះ ខឹម សុផាត បានបាត់ខ្លួនរហូតមកដល់​ពេល​នេះ។

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To