ព័ត៌មានថ្ងៃនេះ ក្រសួងកសិកម្មគ្រោងផ្ទេររដ្ឋបាលព្រៃឈើ និងជលផលទៅឲ្យមន្ទីរតាមខេត្តជាអ្នកគ្រប់គ្រងប្រធានាធិបតីភូមាផ្ដល់ពានរង្វាន់ដល់មេទ័ពនិងសមាជិកគណៈរដ្ឋមន្ត្រីមុនលោកចុះចេញពីតំណែងកូរ៉េខាងជើងប្រកាសរឹបអូសទ្រព្យសម្បតិ្តអ្នកជំនួញកូរ៉េខាងត្បូងផលិតកម្ម BKS ប្រកាសផ្ដល់ការងារដល់អ្នកស្រឡាញ់សិល្បៈដោយមិនរើសអើងព្រឹទ្ធសភាអាមេរិកដាក់លិខិតមកនាយករដ្ឋមន្រ្តីខ្មែរ មុនពេលលោកទៅបំពេញទស្សនកិច្ចនៅអាមេរិកអ្នកកាសែតម្នាក់ត្រូវមន្ត្រី​អាវុធហត្ថខេត្តមណ្ឌលគិរីនាំខ្លួនទៅសាកសួររួចដោះលែងវិញ​ពលរដ្ឋ​រាប់សិប​នាក់​នៅ​ស្រុកោះ​ធំ​ខេត្ត​កណ្តាល​តវ៉ា​ករណី​រដ្ឋាករទឹក​ទារ​លុយ​លើស​Breaking News Editorបក្សប្រឆាំងមិនចង់និយាយរឿងជំរុញឲ្យមានការដោះលែងអ្នកជាប់ឃុំអ្នកភូមិបណ្ដែតទឹកនៅខេត្ដសៀមរាបប្រឈមការបណ្ដេញចេញ

ថ្ងៃសុក្រ ទី12 កុម្ភៈ 2016
អំពីវីអូឌី | ទំនាក់ទំនង

ព័ត៌មានថ្មីបំផុត

ប្រជាពលរដ្ឋ​មួយចំនួននៅខេត្តកំពង់ស្ពឺ ចោទ​មេភូមិ​ពាម​ឃ្លៃ ប្រកាន់​បក្ខពួក​នៅពេល​ចែក​អំណោយ​​

ដោយ៖​ ឡាយ សាមាន​ | ថ្ងៃសៅរ៍ ទី15 មិនា 2014, 11:11 AM​

​ប្រជាពលរដ្ឋ​ក្រីក្រ​មួយចំនួន ចោទ​មេភូមិ​ពាម​ឃ្លៃ ឃុំ​ទំពណ៌​មាស ស្រុក​សំរោង​ទង​ ខេត្ត​កំពង់ស្ពឺ ថា​ រើសអើង​ពួកគាត់​ដែល​មាន​និន្នាការ​គណ​បក្ស​ផ្សេង​គ្នា នៅពេល​ចែក​អំណោយ​។​

​ប្រជាពលរដ្ឋ​សុំ​មិន​បញ្ចេញ​ឈ្មោះ​នៅ​ភូមិ​ពាម​ឃ្លៃ ប្រាប់ VOD ឲ្យដឹងថា នៅ​ថ្ងៃ​ទី ៩​ខែ​មីនា មេភូមិ​បាន​ចែក​អំណោយ​ដល់​ជន​ក្រីក្រ​នៅ​វត្ត​​​ឧត្តរមានជ័យ ភូមិ​ពាម​ឃ្លៃ  ប៉ុន្តែ​គាត់​មិន​បាន​ទទួល​អំណោយ​នោះទេ ទោះបីជា​គាត់​មាន​ប័ណ្ណ​ក្រីក្រ​ក៏​ដោយ​។ លោក បន្តថា ការ​រើស​អើង ដោយសារ​គាត់​បាន​ឈរឈ្មោះ​ជា​បេក្ខជន​តំណាង​គណបក្ស​សម រង្ស៊ី ប្រចាំ​ភូមិ​នេះ​។​

VOD មិនអាច​ទាក់ទង​សុំ​ការអត្ថាធិប្បាយ​ដោយ​ផ្ទាល់​ពី​លោក សាយ ស​មិ  មេភូមិ​ពាម​ឃ្លៃ បាន​នៅឡើយ​ទេ​។ ប៉ុន្តែ ភរិយា​គាត់​ដែល​ធ្លាប់​​ចុះ​ចែក​អំណោយ ឲ្យដឹងថា ស្វាមី​របស់​គាត់​មិន​បាន​រើសអើង​ចំពោះ​ជនក្រីក្រ ឬ គណបក្ស​ណាមួយ​ឡើយ​។ អ្នកស្រី​បន្ត​ថា ដោយ​សារ​​អំណោយ​ពី​សប្បុរសជន​មាន​ចំនួន​តិចតួច ដូចនេះ​មិនបាន​ចែក​ដល់​គ្រួសារ​ក្រីក្រ​ទាំង​អស់​ទេ ប៉ុន្តែ​អំណោយ​លើក​ក្រោយ​អ្នក​ទាំង​នោះ នឹង​ទទួលបាន​វិញ​ម្តង​។​

​ការ​ចែក​អំណោយ ​កាលពី​ថ្ងៃ​ទី ៩ ខែ​មីនា នៅក្នុង​ឃុំ​ទំ​ពណ៌​មាស ​មាន​ប្រមាណ​ជា ១០០ គ្រួសារ ក្នុង​ចំនួន ១០ ភូមិ ប៉ុន្តែ​ក្នុង​ភូមិ​ខ្លះ​ទទួល​​បាន ១០​គ្រួសារ ភូមិ​ខ្លះ​ទទួលបាន ៧ ឬ ៨ គ្រួសារ​តែ​ប៉ុណ្ណោះ៕

សរសេរមកកាន់លោក ឡាយ សាមាន តាមរយៈ samean@vodhotnews.com


Tags:

621

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
ព្រឹទ្ធសភាអាមេរិកដាក់លិខិតមកនាយករដ្ឋមន្រ្តីខ្មែរ មុនពេលលោកទៅបំពេញទស្សនកិច្ចនៅអាមេរិក

ថ្ងៃទី12 កុម្ភៈ 2016, 09:07 AM

សមាជិក​ព្រឹទ្ធសភា​​អាមេរិក៧រូប​មកពីគណបក្ស​ប្រជាធិបតេយ្យ បានសរសេរ​លិខិតមួយច្បាប់ទៅលោក​​នាយករដ្ឋមន្រ្តី ហ៊ុន សែន ដោយ​អំពាវនាវ​ឲ្យ​អនុញ្ញាត​ប្រធាន​បក្ស​ប្រឆាំង លោក សម រង្ស៊ី វិល​ចូល​ស្រុក​វិញ​ ដោះលែង​សកម្មជនសិទ្ធិមនុស្សនិង​បង្ហាញក្តីបារម្ភលើ​បញ្ហាមួយចំនួនទៀត។​ លិខិតរបស់សមាជិកព្រឹទ្ធសភា​ធ្វើឡើង​ប៉ុន្មានថ្ងៃប៉ុណ្ណោះ​ មុន​ពេល​លោក ហ៊ុន សែន ទៅ​បំពេញទស្សនកិច្ច​​នៅសហរដ្ឋអាមេរិក​នៅថ្ងៃទី​១៥-១៦ខែកុម្ភៈ ដើម្បីចូលរួមកិច្ចប្រជុំ​កំពូលអាមេរិក-អាស៊ាន។ រហូត​មកដល់ពេលនេះ មិនទាន់ដឹង​ថា​តើ​លោក ហ៊ុន សែន នឹង​ជួបទ្វេភាគីជាមួយ​ប្រធានាធិបតី លោក បារ៉ាក់ អូបាម៉ា​ ឬ​យ៉ាងណានោះទេ។​ នៅក្នុងលិខិតមួយចុះថ្ងៃទី​១១ ខែកុម្ភៈ ដែលសរសេរ​សំដៅទៅ​លោក​ ហ៊ុន សែន សមាជិកព្រឹទ្ធសភាទាំងនោះ​​​បាន​លើក​ឡើង​ថា​ពួកគេ​​មានកង្វល់​នឹង​សេចក្តី​រាយការណ៍​ជាច្រើន​ដែល​ថា​រដ្ឋាភិបាល​របស់​លោក ហ៊ុន សែន ​នៅតែ​បន្ត​បដិសេធ​នូវការទាមទារស្របច្បាប់​របស់​ពលរដ្ឋកម្ពុជា​ ក្នុងគោល​បំណងឲ្យ​​កម្ពុជា​កាន់តែ​មានតម្លាភាព យុត្តិ​ធម៌និង​ប្រជា​ធិបតេយ្យ។ ​ពួកគេបានលើក​ឡើង​ពីការព្រួយបារម្ភនៃការរាយការណ៍លើ​​ភាពមិនប្រក្រតីច្រើន​​ដែលត្រូវបានសង្កេតអំឡុង​ពេល​បោះឆ្នោតថ្នាក់ជាតិ​ឆ្នាំ​២០១៣ ការរំលោភ​បំពានដីធ្លី​ ការ​ជួញដូរមនុស្សនិង​ការ​វាយតំណាងរាស្រ្ត​គណបក្សប្រឆាំង​កាលពីឆ្នាំមុន។​ បើតាមលិខិតនោះ ​សមាជិកព្រឹទ្ធសភាសង្ឃឹមថា​គណបក្ស​ប្រជាជនកម្ពុជានឹង​គោរព​ឆន្ទៈ​ប្រជា​ជន​និង​អនុ​ញ្ញាត​ឲ្យ​តំណាងរាស្រ្ត​បក្សសង្រ្គោះជាតិ​អាច​បំពេញអាណត្តិ​របស់ខ្លួន​​ដោយ​សេរីនិង​គ្មានការ​គំរាមកំហែង។ ពួកគេ​បញ្ជាក់​ថា​៖ “ជាការសោកស្តាយ​ឧបទ្ទវហេតុ​បន្តបន្ទាប់​កាលពីប៉ុន្មានខែថ្មីៗនេះ រួមទាំងការ​វាយប្រហា​រតំណាងរាស្រ្ត​ដោយ​ក្រុមអ្នកគាំទ្រ​គណបក្ស​ប្រជាជនកម្ពុជា​ប្រឆាំងនឹង​តំណាងរាស្រ្ត​សង្រ្គោះជាតិ នៅមុខ​អគារ​រដ្ឋសភាកាលពីខែតុលា បាន​ធ្វើឲ្យ​ដំណើរការប្រជាធិបតេយ្យ​កាន់តែខ្សោយទៅៗ”។ សមាជិកព្រឹទ្ធសភា​​ក៏បានអំពាវនាវ​ឲ្យរដ្ឋាភិបាលកម្ពុជា​ចាត់វិធានការ​​​បញ្ឈប់ការរំលោភ​ដីធ្លី​និង​ចាប់អ្នករំលោភបំពាន​​មកផ្តន្ទាទោស។ បើតាមលិខិតនោះ សមាជិកព្រឹទ្ធសភា​បាន​អំពាវនាវ​ឲ្យ​រដ្ឋាភិបាល​កម្ពុជា​អនុញ្ញាត​ឲ្យ​តំណាងរាស្រ្ត​បក្ស​ប្រឆាំង​អាច​ត្រឡប់ចូល​​កម្ពុជាវិញ​ដោយ​គ្មាន​ការ​ភ័យខ្លាច​នៃការចាប់ខ្លួន​និងការកាត់ទោសនិង​បញ្ចប់​ការ​យាយីនិង​​ការគំរាមកំហែង​សិទ្ធិរបស់សកម្មជនសិទ្ធិមនុស្សកម្ពុជា។ ពួកគេក៏បាន​​ស្នើ​ឲ្យ​ដោះលែង​សកម្មជន​សិទ្ធិមនុស្សសញ្ជាតិអាមេរិក​លោក មាជ សុវណ្ណារ៉ាផងដែរ​។ សមាជិកព្រឹទ្ធសភាបាន​បញ្ជាក់ថា៖ “សហរដ្ឋអាមេរិកជាប្រទេស​ហត្ថលេខីនៃកិច្ចព្រមព្រៀងទីក្រុងប៉ារីសឆ្នាំ​១៩៩១ ហើយ​យើង​នឹង​បន្ត​តាមដាន​ការរីកចម្រើនរបស់កម្ពុជា​យ៉ាងយកចិត្តទុកដាក់”។ អ្នកនាំពាក្យ​គណបក្ស​ប្រជាជនកម្ពុជា លោក ឈឹម ផលវរុណ មានប្រសាសន៍ថា​ករណីលោក សម រង្ស៊ី និង​លោក មាជ សុវណ្ណារ៉ា ជារឿងរបស់តុលាការ។ ករណីជម្លោះ​ដីធ្លី លោកស្នើ​ឲ្យសមាជិក​​ព្រឹទ្ធសភា​សួរនាំ​ទូតអាមេរិកប្រចាំនៅកម្ពុជា ដើម្បីដឹងពីស្ថានភាពពិត​នៅកម្ពុជា។ អ្នកនាំពាក្យ​រូបនោះ​បញ្ជាក់ថា៖ “សមាជិកព្រឹទ្ធសភាគួរតែទៅសុំប្រធានាធិបតីអាមេរិកខ្លួនឯង ឲ្យដឹងថាខ្លួនជាប់ឆ្នោតជាសាមជិកព្រឹទ្ធសភាសម្រាប់ធ្វើការឲ្យអាមេរិកមិនមែនធ្វើការឲ្រខ្មែរទេ។ អ៊ីចឹងគួរទៅប្រាប់អូបាម៉ា ដែលជាប្រធានាធិបតីរបស់ខ្លួន ឯរឿងកម្ពុជា លោក សម រង្ស៊ី ក្តី ទណ្ឌិតដទៃទៀតក្តី អាហ្នឹងជារឿងរបស់កម្ពុជា”។ ​កាលពី​ខែ​ធ្នូ​ឆ្នាំ​២០១៥ សមាជិក​សភាអាមេរិក​ចំនួន​១៦រូបបាន​សរសេរ​លិខិត​ទៅ​កាន់​លោក​ ​ ហ៊ុន សែន ក្រោយពីមានការ​លុប​សមាជិកភាព​របស់​​លោក សម រង្ស៊ី​ ដីកាចាប់ខ្លួន​លោក សម រង្ស៊ី និង​ការ​វាយប្រហារ​មក​​លើ​​តំណាងរាស្រ្ត​បក្ស​ប្រឆាំង​ លោក​ ញ៉យ ចំរើន​ និង​លោក គង់​ សភា។ អានអត្ថបទ...  ពលរដ្ឋខ្មែរអាមេរិកកាំងប្រកាន់ជំហរ​ធ្វើបាតុកម្ម​ប្រឆាំង​លោក ហ៊ុន សែន ទោះ​លោក សម រង្ស៊ី ព្រមាន   អង្គការ​សិទ្ធិមនុស្ស​អន្តរជាតិស្នើ​​ឲ្យ​លោក អូបាម៉ា ដាក់គំនាប​រឿងអ្នកទោសនយោបាយ​នៅកម្ពុជា   កូនស្រីរបស់​សកម្មជន​បក្ស​សង្រ្គោះជាតិ​​រកអន្តរាគមន៍​ពី​ប្រធានាធិបតីអាមេរិក​  កូនស្រីរបស់​សកម្មជន​បក្ស​សង្រ្គោះជាតិ​​រកអន្តរាគមន៍​ពី​ប្រធានាធិបតីអាមេរិក​  អ្នកវិភាគឯករាជ្យលោក អ៊ូ វីរៈ មានប្រសាសន៍ថាតាមរយៈលិខិតរបស់ព្រឹទ្ធសមាជិកអាមេរិកនេះ លោកយល់ថាជំនួបទ្វេភាគីរវាងមេដឹកនាំអាមេរិកនិង​កម្ពុជាអាចនឹងកើតមានឡើង ហើយអាមេរិកអាចរឹត​ចំណងមិត្តភាពកាន់តែល្អជាមួយកម្ពុជា បើសិនជាកម្ពុជាសន្យាធ្វើឲ្យស្ថានភាពនយោបាយនៅកម្ពុជាមានភាពល្អប្រសើរជាងសព្វថ្ងៃ។ លោកបន្ថែមថា៖ “(ជំនួប)មួយទល់មួយខ្ញុំថាប្រហែលជាអាចលើកឡើង ដូចខ្ញុំថាពីតាំងពីដើមអ៊ីចឹងសហរដ្ឋអាមេរិកត្រូវការការកែប្រែណាមួយពីប្រទេស​កម្ពុជា​ជាសម្បទានដើម្បីចងមិត្តភាពជិតស្និទ្ធិជាងហ្នឹង បើករណីក្នុងរូបភាពបែបរាល់ថ្ងៃនេះខ្ញុំមើលទៅសហរដ្ឋអាមេរិកមានការលំបាកណាស់ ព្រោះខ្លាចមានការតវ៉ាពីសភានិងប្រជាពលរដ្ឋរបស់ខ្លួន ព្រោះសភាអាមេរិកមានអំណាចខ្លាំងណាស់”។ ក្នុងដំណើរទស្សនកិច្ច​របស់​លោក ហ៊ុន សែន ទៅ​សហរដ្ឋអាមេរិក ​​ប្រជា​ពលរដ្ឋខ្មែរ​អាមេរិកកាំងមួយចំនួន​បាន​ប្រកាសជាថ្មី​ថា​ខ្លួន​នឹង​ធ្វើបាតុកម្មប្រឆាំង​នឹង​លោក​ ហ៊ុន សែន បើទោះ​ជា​លោក សម រង្ស៊ី ព្រមានកុំឲ្យធ្វើបាតុកម្មក៏ដោយ៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

​ពលរដ្ឋ​រាប់សិប​នាក់​នៅ​ស្រុកោះ​ធំ​ខេត្ត​កណ្តាល​តវ៉ា​ករណី​រដ្ឋាករទឹក​ទារ​លុយ​លើស​

ថ្ងៃទី11 កុម្ភៈ 2016, 06:28 PM

ប្រជាពលរដ្ឋ​រាប់សិប​នាក់​នៅ​ស្រុកកោះធំ​ ខេត្ត​កណ្តាល​ បាន​តវ៉ាប្រឆាំង​មន្ត្រី​រដ្ឋាករទឹក ដោយ​ពួកគេ​ចោទថា បាន​ទារលុយ​លើស​ពី​តម្លៃ​ធម្មតា​នៅ​ខែ​កុម្ភៈ​នេះ ដោយ​មិន​បាន​ប្រាប់ មូលហេតុ​ឲ្យបាន​ច្បាស់លាស់​។​ ប្រជាពលរដ្ឋ​ម្នាក់​ដែល​ចូលរួម​តវ៉ា​នៅ​ព្រឹក​ថ្ងៃ​ព្រហស្បតិ៍​នេះ លោក មាស ចាប  បានឲ្យដឹងថា អ្នកភូមិ​ប្រមាណ​៦០​ទៅ​១០០​នាក់ ប្រមូលផ្តុំ​នៅ​មុខ​ស្នាក់ការ​រដ្ឋាករ ទឹក​នៅ​ក្នុង​ឃុំ​សំពៅ​ពូន​ស្រុក​កោះធំ  ដើម្បី​ទាមទារ​ឲ្យមាន​ការបញ្ជាក់​ពី​មូល ហេតុ​នៃ​ការ​យក​លុយ​១០០០​រៀល​លើស​តម្លៃ​ទឹក​ប្រើ​អស់​ជាក់ស្តែង​នេះ​។ លោក​បញ្ជាក់ថា​៖ ”​ចំពោះ​ខ្ញុំ​គឺ​ខ្ញុំ​យល់ថា ខុសច្បាប់ ព្រោះ​គួរ​ណាស់​តែ​ប្រាប់​គាត់ ហើយ គេ​ប្រាប់ថា លុយ​ហ្នឹង​យក​ទៅ​ជួលជុល​ពេល​ប្រព័ន្ធ​ទឹក​ខូច តែ​កន្លងមក​ពេល​ទឹក​ហ្នឹង​វា ដាច់​ទុយ​យោ ដាច់​អីហ្នឹង​ហៅ​ខាង​ទឹក​មក​ត​គេ​យក​១០​ដុល្លារ បើ​ចឹង​ប្រជាពលរដ្ឋ​គាត់អ​ត់ សុខចិត្ត​ទេ​”​។​

អ្នកភូមិបណ្ដែតទឹកនៅខេត្ដសៀមរាបប្រឈមការបណ្ដេញចេញ

ថ្ងៃទី11 កុម្ភៈ 2016, 03:27 PM

ប្រជាពលរដ្ឋប្រមាណ៧០គ្រួសារនៅភូមិបណ្ដែតទឹក ក្នុងសង្កាត់ចុងឃ្នៀស ក្រុងសៀមរាប​ អះអាងថាពួកគេប្រឈម​នឹង​ការ​បណ្តេញចេញដោយគ្មានសំណងដោយសារក្រុមហ៊ុនស៊ូជីងមានគម្រោង​ពង្រីកផ្លូវ​ទឹកនៅ​តំ​បន់​ទេសចរ​ណ៍បឹង​ទន្លេ​សាប។ ពលរដ្ឋដែលមានផ្ទះលើទឹកលោក ស សំអុន​ ប្រាប់VODនៅថ្ងៃនេះថាផ្ទះអ្នកភូមិចំនួន៧០គ្រួសាររស់នៅលើទឹកព្រែក ក្នុងសង្កាត់ចុងឃ្នៀស ប្រឈមនឹងការបណ្ដេញចេញពី​សំណាក់ក្រុមហ៊ុន​ស៊ូ​ជីងដោយ​លោកថាក្រុមហ៊ុននេះ​​មាន​គម្រោង​កាយទំនប់បុរាណដើម្បីពង្រីកផ្លូវទឹក​ដឹកជញ្ជូនភ្ញៀវទេសចរណ៍​ចូលក្នុង​តំបន់​​ទេ​ស​​ច​រណ៍បឹង​ទន្លេ​សាប។ លោកថាពួកគាត់រស់នៅតំបន់នោះតាំងពីក្រោយថ្ងៃ​រំដោះ៧​មករា​១៩៧៩ ប៉ុន្តែក្រុមហ៊ុនមិនបានផ្តល់សំណងជាក់ស្តែងនៅឡើយទេ។​ លោកបន្ថែមថា៖ “សំណងទាល់អ្នកឯងយកខ្ញុំ​ទៅដាក់កន្លែងដី​ហ្នឹងសិន​​បាន​ខ្ញុំព្រម​បើអ្នក​និ​យាយតែ​មាត់ខ្ញុំ​មិនព្រមទេព្រោះខ្ញុំ​មួយរយៈកាលមកខ្ញុំ​ចាញ់​បោកនឹងអាសូជីងហ្នឹ​ងប៉ុន្មា​នដងហើយអត់​ចង់​បានធំទេ​ក្បាល[ដី]តែ១៥ម៉ែត្រ​បានហើយ​ក្រែង​លោមាន​កូនចៅបន្ដទៀតយើងបានចែក”។ ពលរដ្ឋមួយរូបទៀតលោក ព្រាប ស៊ីវ ឲ្យដឹងថានៅដើមឆ្នាំ២០១៦នេះក្រុមហ៊ុនបានឲ្យពលរដ្ឋផ្ដិត​មេ​ដៃ​ទទួលយកប្រាក់១ម៉ឺនរៀលដើម្បីកាប់​​ដី​ទំនប់​បុរា​ណ​ដែល​បាំងទឹករលក​នោះ​ចេញ។ លោកថាក្រុមហ៊ុន​បាន​​បណ្ដេញ​ពួក​គាត់​ឲ្យរស់​នៅ​ក្នុងបឹងទន្លេសាបជាច្រើនលើក ប៉ុន្ដែលោកថា ការរស់នៅលើផ្ទៃទឹក​ពួកគាត់​កាន់តែប្រឈម​នឹងគ្រោះថ្នាក់ដោយសារខ្យល់ព្យុះនិងទឹករលក។ លោកបន្ថែមថា៖ “ខាងណោះព្រែកអត់មានអ្នកណានៅ​ទេព្រោះ​រលកកាណូ​ត​ដរ​ខ្លាំងណាស់។​ ខាងលិចព្រែក​ហ្នឹងនៅអត់បានទេ​រយៈអស់ក្ដារនៅអត់​កើតទេចឹងហើយនៅ​ខាង​ណេះទៅអត់​សូវមានកាណូត​ដរអាចនៅបានព្រោះថាកាលពីជីកព្រែកនេះថាឲ្យប្រជាជននៅ ដល់​ពេលនេះដេញប្រជាជន​ប្រជាជនឆ្ង​ល់​ខ្ញុំដែលស្រុះគ្នាចឹងខ្ញុំអត់សូវភ័យប៉ុន្មានដែរដល់ពេលគេដេញពួកខ្ញុំអត់ព្រមទៅមើលធ្វើអាលើនោះ​យកដី​អស់រលីងក្រុមហ៊ុនយកអស់ឲ្យតែក្រុមហ៊ុនធ្វើគឺយកដីគឺយកកន្លែងមិនឲ្យប្រជាជននៅបណ្ដោយ”។ ករណីនេះអ្នកគ្រប់គ្រងក្រុមហ៊ុនស៊ូជីងលោក វ៉ា ឈូដា មានប្រសាសន៍ថាពលរដ្ឋដែលរស់នៅលើ​ទឹក​ព្រែកនោះលោកបាន​ផ្ដល់សំណងដល់ពួកគាត់រួចរាល់ហើយពោលតាំងពីលោក ស៊ូ ភិរិន្ទ ជាអភិ​បាល​ខេត្ដ​សៀមរាបមកម្ល៉េះ ប៉ុន្ដែលោកថាពលរដ្ឋ​ដែល​មិនព្រមចាកចេញនោះ​ដោយសារ​មានការ​ញុះញង់ពី​អ្នកដទៃ​។ លោ​​ក​បញ្ជាក់​បន្ដ​ថាតំបន់នោះគ្មានព្រែកឬទំនប់បុរាណដូចការលើកឡើង​របស់​ពលរ​ដ្ឋនោះទេ​។ លោកបន្ដ​ថា៖ “ព្រែកនេះខ្ញុំជីកសម្រាប់ឲ្យបងប្អូនដែល​នៅបណ្ដែតទឹកហ្នឹងនៅ​គាត់មក។ ​ខែវស្សា​គាត់នៅខែប្រាំងឲ្យគាត់​ទៅវិញតែឥឡូវនេះមានអ្នកញុះញង់នេះគាត់​អត់ព្រម​ចេញខែប្រាំ​ងគាត់អត់​ចេញហើយខ្ញុំស្ដាប្រឡាយវាអត់កើត ហើយបងប្អូនដែលរស់​នៅផ្ទះបណ្ដែតទឹកហ្នឹង​គឺខ្ញុំជាមួយអភិបាល​ខេត្ដ​មុនគឺដោះស្រាយលុយទិញដីឲ្យ​ទៀតតែគាត់លក់ដីហ្នឹងអស់គាត់នាំគ្នា​ទៅ​រស់នៅក្នុង​ទឹក​ដដែលហើយចេះ​តែ​មកព័ទ្ធព្រែកយក”។ បើតាមពលរដ្ឋឲ្យដឹងថាផ្ទះអ្នកភូមិបណ្ដែតទឹកក្នុងភូមិចុងឃ្នៀសមាន៧០គ្រួសារពួកគាត់មួយចំនួន​អះ​អាងថារស់នៅបន្តពីដូនតាខណៈមួយ​ចំនួន​ទៀតកាន់កាប់នៅឆ្នាំ១៩៨០៕ សូម​សរសេរ​មក​កាន់​លោក បូ សាវី តាមរយៈ savy@vodhotnews.com

នាយករដ្ឋមន្រ្តីការពារ​យន្តការ​យកប្រព័ន្ធសង្គម​​ហ្វេសប៊ុកដោះស្រាយបញ្ហារបស់ពលរដ្ឋ

ថ្ងៃទី11 កុម្ភៈ 2016, 01:13 PM

លោកនាយករដ្ឋមន្រ្តី ហ៊ុន សែន បាន​លើក​ឡើង​ថា​ការណែនាំ​ឲ្យ​ស្ថាប័នក្រោមឱវាទឲ្យ​​ប្រើប្រាស់ប្រព័ន្ធសង្គម​ហ្វេសប៊ុកដើម្បី​ទទួល​ពាក្យ​បណ្តឹងពី​ប្រជា​ពលរដ្ឋ​ ជាយន្តការ​មួយ​”លឿននិងប្រសិទ្ធភាព​”និង​ថា​ដើម្បីចៀសវាង​ពលរដ្ឋទៅតវ៉ានៅ​តាម​ស្ថា​ប័នជាតិធំៗនិង​ផ្ទះនាយករដ្ឋមន្រ្តី។​ កាលពីដើមសប្តាហ៍នេះ លោក​ ហ៊ុន សែន បាន​ចេញសេចក្តីណែនាំ​ដល់​មន្ត្រី​របស់​ខ្លួន​ឲ្យចាត់​តាំង​ក្រុម​ការងារតាម​ដាន​របាយកា​រណ៍​ប្រ​ចាំថ្ងៃនិង​សំណូមពរ​របស់​ប្រ​ជាពល​រដ្ឋនៅ​លើ​ទំព័រ​ហ្វេសប៊ុក​ ដោយ​លោក​​ចាត់ទុក​ថា​នេះ​ដើម្បី​​ដោះ​ស្រាយ​បញ្ហាជូន​​ពល​រដ្ឋ​ទាន់ពេល​វេលា។ នៅក្នុងពិធីសម្ពោធសាកលវិទ្យាល័យសម្តេចហេងសំរិនត្បូងឃ្មុំ នៅព្រឹកថ្ងៃ​ព្រហស្បតិ៍នេះ លោក ហ៊ុន សែន បានប្រតិកម្ម​នឹង​អ្នកវិភាគមួយចំនួន​ដែល​រិះគន់យន្តការនេះ​។​ លោក​បានថ្លែ​ង​ថា​ការប្រើប្រាស់ហ្វេសប៊ុកនេះ​មិនមែនមានន័យថា​រដ្ឋាភិបាលបោះបង់ចោលប្រព័ន្ធ​ដឹកនាំបច្ចុប្បន្ននោះ ដោយ​ថា​គ្រាន់តែ​លោក​ចង់​ពន្លឿន​យន្តការដោះស្រាយ​។ លោក​បន្ត​ថា​បើទោះ​ជាមិនមានហ្វេសប៊ុក​ ប្រជា​ពលរដ្ឋ​នៅតែ​យក​​​ពាក្យ​បណ្តឹងនិងញត្តិ​ទៅ​ដាក់នៅរដ្ឋសភា ព្រឹទ្ធសភានិង​នៅផ្ទះរបស់នាយករដ្ឋមន្រ្តី។​ ​លោក​មានប្រសាសន៍​​ថា៖ “អញ្ចឹង​ទៅ សូមផ្តាំទៅវិញ ខ្ញុំអត់​ចោល​ប្រព័ន្ធការងារ​ខ្ញុំដែល​ធ្លាប់មានពីមុនទេ ក៏ប៉ុន្តែ​ខ្ញុំគ្រាន់តែ​បង្កើនល្បឿន​ឲ្យមន្រ្តីរបស់ខ្ញុំ គ្រប់ទីកន្លែង​ដោះស្រាយ​ការងារឲ្យ​បាន​លឿនបំផុត”។​ លោក ហ៊ុន សែន បានហៅអ្នក​វិភាគ​ដែល​លោកប្រតិកម្មនោះជា​អ្នកវិភាគចិញ្ចឹម​ចំណុចខ្សោយ​របស់​លោក​និ​ង​វិភាគ​ដើម្បីដូរយក​ប្រាក់ចំណូល។​ លោក​បញ្ជាក់ថា៖ “ហើយ​បើវិភាគមិនបានប្រឆាំងនាយករដ្ឋមន្រ្តី អាហ្នឹងវាចុះនរក។ ទាល់តែវិភាគប្រឆាំងជាមួយ​នាយករដ្ឋមន្រ្តី អាហ្នឹងទើបគេហៅប្រឆាំង បើ​អញ្ចឹង​សូម​បន្តទៀតទៅចុះ…”។ ​​នៅក្នុង​សេចក្តីណែនាំ​ លោក ហ៊ុន សែន បាន​សរសេរ​ថា​នៅ​ក្នុង​ទំព័រហ្វេសប៊ុក​របស់​លោក​សព្វ​ថ្ងៃ​នេះទទួល​បាននូវពាក្យ​បណ្តឹងនិង​សំណូម​​ពរ​របស់​ប្រ​ជា​ពល​រដ្ឋ​នៅ​ទូទាំង​ប្រ​ទេស។ លោកឲ្យ​ដឹងទៀតថាជំនួយ​ការ​របស់​លោកនឹង​ផ្ញើ​សំណូម​ពរនិង​បណ្តឹងរបស់​ប្រ​ជា​ពល​រដ្ឋ​នេះ​ទៅ​តាមហ្វេសប៊ុករបស់ក្រ​សួង​-ស្ថាប័ននិងរាជធានី-ខេត្តនីមួយៗដែល​លោក​ទទួល​បាន​ពីប្រ​ជា​ពល​រដ្ឋ​ ​។ គួ​របញ្ជាក់​ថាមួយរយៈចុងក្រោយនេះ លោក​ ​ហ៊ុន សែន ​បានចាប់ផ្តើមសកម្មលេង​ហ្វេសប៊ុក ក្រោយ​ពីខុទ្ទកាល័យ​បានប្រកាសកាលពីខែកញ្ញា ឆ្នាំ​២០១៥ ថា​លោក​មានហ្វេសប៊ុក​ផ្លូវការដែលមានចំនួន​អ្នកចុចចូលចិត្ត(Likes)ដល់ទៅជាង​២លាននាក់ លើ​សមេបក្សប្រឆាំងលោក សម រង្ស៊ី។ ទោះជាយ៉ាងណា​ លោក ហ៊ុន សែន​ ធ្លាប់​បានប្រកាសថាលោកមិនមែនជា”នាយករដ្ឋមន្រ្តីហ្វេសប៊ុក”នោះទេ ដោយបញ្ជាក់ការលេងប្រព័ន្ធសង្គមររបស់លោកនាពេលបច្ចុប្បន្ននេះ គឺដើម្បីទទួលព័ត៌មានពិតនិងគ្រប់ជ្រុងជ្រោយ៕ ​សរសេរ​មក​កាន់ លោក ស៊ុន ណារិន តាមរយៈ sun_narin@vodhotnews.com  

បក្សប្រឆាំងស្នើរដ្ឋាភិបាល​បញ្ជូន​​​សន្ធិ​សញ្ញា​​​ពា​​​ណិ​ជ្ជ​កម្ម​​​អា​វុធឲ្យ​សភាផ្តល់សច្ចាប័ន ក្រោយកម្ពុជា​​ទទួលស្គាល់ជាង​២ឆ្នាំ

ថ្ងៃទី11 កុម្ភៈ 2016, 11:45 AM

តំណាងរាស្រ្តគណបក្សសង្រ្គោះជាតិបានដាក់លិខិត​មួយច្បាប់​ទៅ​រដ្ឋមន្រ្តីក្រសួងការពារជាតិ ដោយ​ស្នើ​ឲ្យពន្លឿនបញ្ជូន​សន្ធិ​សញ្ញា​​​ពា​​​ណិ​ជ្ជ​កម្ម​​​អា​វុធ​​​(Arms Trade Treaty)ដែល​កម្ពុជា​គាំទ្រ​នៅអង្គការ​សហប្រជា​​ជា​តិកាលពីឆ្នាំ២០១៣​​ ឲ្យ​រដ្ឋសភាផ្តល់សច្ចាប័នដើម្បីអាចប្រើប្រាស់បាន។​ នៅក្នុងលិខិតមួយចុះថ្ងៃទី២៩ ខែមករាហើយ​​ដាក់ទៅ​រដ្ឋមន្រ្តីក្រសួងការពារជាតិ លោក ទៀ បាញ់ តំណាង​រាស្រ្ត លោក សុន ឆ័យ បានលើក​ឡើង​ថាសន្ធិសញ្ញានេះ​ត្រូវបានរដ្ឋាភិបាលចុះហត្ថលេខាគាំទ្រ​កាល​ពី​ថ្ងៃទី​​១៨ ខែតុលា ឆ្នាំ​២០១៣។ លោក​បន្តថាលោក​បា​នដាក់សំណើ​នេះទៅក្រសួងការបរទេសកម្ពុជា តែ​​ត្រូវបានណែនាំ​ឲ្យ​ដាក់ទៅក្រ​សួងការពារជាតិវិញដែលទទួលខុសត្រូវលើ​សន្ធិសញ្ញានេះ។​ លោក សុន ឆ័យ បានបញ្ជាក់​ថា៖ “សូមឯក​ឧត្តម​មេត្តាពិនិត្យ​លទ្ធភាព​ក្នុងការធ្វើសំណើមករដ្ឋសភាឲ្យ​ធ្វើការ​ពិនិត្យ​និង​ផ្តល់សច្ចាប័ន​លើកិច្ចព្រមព្រៀងArms Trade Treaty(ATT)នៅពេលឆាប់ដែលអាចធ្វើទៅបាន”។ វីអូឌីមិនទាន់​អាច​សុំការការបកស្រាយបន្ថែម​ពី​លោក សុន ឆ័យ បាននៅឡើយទេនៅថ្ងៃ​ព្រហស្បតិ៍នេះ។​ ប្រទេសកម្ពុជា​បាន​ចុះហត្ថលេខា​លើ​សន្ធិសញ្ញា​នេះ​ដែល​ធ្វើឲ្យ​កម្ពុជា​ក្លាយ​ជា​ប្រទេស​ទី​១១៤ដែល​គាំទ្រ​នូវ​​​កិច្ចព្រមព្រៀងនេះ។​ សន្ធិសញ្ញានេះ​ធ្វើឡើងដើម្បី​បង្កើត​នូវបទដ្ឋាននិង​​ស្តង់ដារ​អន្តរជាតិខ្ពស់បំផុត​សម្រាប់​​​​​កា​​រធ្វើនិ​​​​យត​​កម្ម​​លើ​​​ពា​​​ណិ​ជ្ជ​កម្ម​​​អន្តរ​​ជាតិ​​​​​​​​​លើអា​​​វុធ​​​​​ព្រ​ម​​​ព្រៀ​ង​ឲ្យ​​ប្រើ​​​ប្រាស់​​​ ​​​​​ទ​ប់​ស្កាត់និង​​​កាត់ប​ន្ថយ​​​​​កា​រ​​​ធ្វើ​​​​ពា​​​ណិជ្ជ​កម្ម​​​អា​វុធ​​​​​​ព្រម​ព្រៀង​ឲ្យ​​ប្រើ​​ប្រាស់​​​ដោ​យ​​ខុស​​ច្បាប់។ អា​​​វុធ​​ដែលត្រូវបានកំណត់​ឲ្យ​ប្រើប្រាស់​ធម្មតា​មាន​ដូចជា​​​​ជា​រថ​ក្រោះ ​រថ​​​ពាស​​ដែក ​ប្រ​ព័​ន្ធ​​កាំ​​​ភ្លើង​​​ធំ​ យន្ត​ហោះ​ប្រ​យុទ្ធ​ ឧទ្ធម្ភាគ​ចក្រ​​​វា​យ​​ប្រ​ហារ ​នា​​វា​​ចម្បាំ​ង កាំ​ជ្រួច​មី​ស៊ីល​និ​ង​​​អា​​​វុធ​ធុ​ន​តូ​ច។ សន្ធិ​សញ្ញា​​នេះក៏បាន​​​ហា​ម​​ប្រាម​កា​រ​នាំចេញ ការ​នាំ​​ចូ​ល​និ​ង​ការ​​ដឹក​​​ជញ្ជូន​​​អា​វុ​ធ​​​​ព្រម​​ព្រៀង​​​ឲ្យ​ប្រើ​​​ប្រាស់​​​​​ឆ្លង​ដែន​​ក្នុង​​ករណី​​​កា​រ​​​ហា​​ម​​ប្រាម​អា​វុធ​ និង​​​នៅ​​ពេល​​ដែលមានការ​ប្រើ​ប្រាស់​​​អា​វុធ​​​ទាំងនេះ​​​ដើ​ម្បី​​ប្រព្រឹត្តអំ​ពើ​​​ប្រ​ល័យ​​​ពូ​ជ​​សាស​ន៍ ​ឧក្រិដ្ឋ​​កម្ម​​ប្រឆាំង​មនុស្ស​​​ជាតិ​និ​ង​ឧក្រិដ្ឋ​​កម្ម​សង្គ្រាម។ អ្នកនាំពាក្យក្រសួងការពារជាតិ លោក ឈុំ សុជាតិ មានប្រសាសន៍ថា​លោក​មិនទាន់ឃើញលិខិត​របស់​តំណាងរាស្រ្តនៅឡើយទេ។ លោក​បន្ត​ថា​កន្លងទៅមានការពិចារណានិងប្រជុំផ្ទៃក្នុងលើកិច្ចព្រមព្រៀងនេះដែរ​។ លោក​មិនទាន់អាច​បកស្រាយលម្អិត​ពីកិច្ចព្រមព្រៀងនេះបាននៅឡើយទេ៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

នាយករដ្ឋមន្រ្តីសរសើរអ្នកកាសែត​ជើងចាស់​ពីការចងក្រង​សៀវភៅ​ជម្លោះព្រំដែនកម្ពុជា-វៀតណាម

ថ្ងៃទី10 កុម្ភៈ 2016, 05:17 PM

លោក​នាយករដ្ឋមន្រ្តី​ ហ៊ុន សែន បានផ្ញើលិខិត​មួយច្បាប់​ទៅកាន់​អ្នកកាសែតជើងចាស់ លោក ឆាយ សុផល ដោយ​បាន​កោតសរសើរ​រូបលោក​ក្នុងការ​ចងក្រងសៀវភៅ​ទាក់​ទង​​នឹង​ជម្លោះព្រំដែនកម្ពុជានិង​វៀតណាម។ នៅក្នុងលិខិតចុះថ្ងៃទី​៧ខែមករា ដែល​​លោក ឆាយ សុផល ផ្សព្វផ្សាយតាមហ្វេសប៊ុកនៅថ្ងៃពុធនេះ​ ​ លោក​នាយករដ្ឋមន្រ្តីបាន​សរសេរថា​លោក​បាន​ទទួល​សៀវភៅចំនួន​១០ក្បាល​ដែល​លោក​ ឆាយ សុផល បានផ្ញើមកឲ្យ​រូប​លោក​ដើម្បីលោក​អាន​ស្វែងយល់។ សៀវភៅនោះ​មាន​ចំណងជើងថា​”សត្រូវ​មិត្តិភក្តិឯង​ ផែនដី និង​ផែន​ទីកម្ពុជា​វៀតណាម(១៩៦២-២០១៥)” ។​ លោក​ ហ៊ុន សែន មានប្រសាសន៍ថា៖ “ឆ្លៀតឱកាស​នេះ ខ្ញុំសូមថ្លែងនូវ​ការកោតសរសើរដោយស្មោះចំពោះ​លោក​ដែលបានខិតខំ​ស្រាវជ្រាវចងក្រងសៀវភៅ​ដ៏មានសារៈសំខាន់​នេះ​ឡើង​ទុក​ជា​ឯក​សារសម្រាប់កូនចៅជំនាន់ក្រោយ​បានសិក្សាស្រាវជ្រាវ”។​ លោក ឆាយ​ សុផល បានបង្ហោះសារលើហ្វេសប៊ុក​ក្រោយពី​ទទួលបានលិខិតនេះថា៖ "បើទោះជាមិនមានសម្បត្តិស្តុកស្តម្ភឬអំណាាចក្នុងរាជការក៏ដោយ ក៏នេះជាមោទនភាពដ៏ធំបំផុតសម្រាប់ខ្ញុំ ក្នុងនាមពលរដ្ឋ ដែលបានទទួលកិត្តិយសពីប្រមុខរាជរដ្ឋាភិបាលកម្ពុជា"។ កាលពីខែវិច្ឆិកា ឆ្នាំ​២០១៥ លោក ឆាយ សុផល បាន​ដាក់សម្ពោធ​​​សៀវភៅកម្រាស់​ប្រមាណ​៤០០ទំព័រ​នោះមានចំណងជើងថា“សត្រូវមិត្តភក្តិឯង ផែនដីនិងផែនទី កម្ពុជា​​វៀតណាម (១៦២៣ -២០១៥) ដែល​លោក​បានចងក្រង។​ លោក​មានប្រសាសន៍កាលនោះ​ថា​សៀវ​ភៅនេះមា​នលក្ខ​ណៈជាប្រវត្តិសាស្រ្តដែលបង្ហាញពីសាវតានៃការបាត់បង់ទឹកដីកម្ពុជាក្រោមឬដែនដីកូសាំងស៊ីន​ជា​ផ្លូវការទៅឲ្យវៀតណាមនៅឆ្នាំ១៩៤៩ ដែលក្រោយៗមក ​រហូតមកដល់ឆ្នាំ២០១៥ ជម្លោះ​ផ្ទៃក្នុង​កម្ពុជា​ស្តីពីព្រំដែននិងផែនទីបានកើត។​ លោក​បន្ត​ថាលោក​បានប្រមូល​ឯកសារ​ច្រើនដាក់ក្នុងសៀវភៅនេះ ដូចជា​សន្ធិ​សញ្ញា​ព្រំដែនកម្ពុជា​-វៀតណាមឆ្នាំ​១៩៨២ ៨៣និង​៨៥ ឲនិង​សន្ធិសញ្ញា​បំពេញ​បន្ថែម​នៅឆ្នាំ​២០០៥និង​ឯកសារ​គតិយុត្តមួយចំនួនទៀតទាក់ទងនឹង​ព្រំដែន​កម្ពុជា​និ​ង​​វៀតណាម។​ លោក​ ឆាយ សុផល បានបន្ថែម​ថា​ការចងក្រងសៀវភៅនេះ លោក​បាន​យោង​ឯ​កសារ​ជិត​៨០ ក្នុង​នោះ​មា​ន​សៀវភៅឯកសារចំនួន​២៦ក្បាល​ សារព័ត៌មានចំនួន​២៣និង​ទំព័រហ្វេសប៊ុក​របស់​លោក ហ៊ុន សែន និង​អ្នកនយោបាយ​មួយចំនួន​ដែលសកម្មខាងព្រំដែន​។ លោកបញ្ជាក់បន្ថែម​ថា​​លោ​កក៏​​បា​នកត់ត្រា​ព្រឹត្តិ​ការណ៍សំខាន់​​ដែលបានកើតឡើងមួយរយៈ​ចុងក្រោយនេះ ទាក់ទង​នឹង​បញ្ហាព្រំដែ​នកម្ពុជា​និង​វៀតណាម​ ដូចជា​ការ​ចុះទៅពិនិត្យ​មើល​ព្រំដែននិង​ការផ្ទៀងផ្ទាត់ផែនទី​ជាដើម។​ លោក​ សុផល មានប្រសាសន៍ថា៖ “ខ្ញុំជាអ្នក​សារព័ត៌មានខ្ញុំច្បិចយកមុំសំខាន់ៗ ខ្ញុំឃើញ​នៅក្នុងសៀវ​ភៅមួយ ខ្ញុំឃើញចំណុច​សំខាន់ល្អ​​នៅក្នុងសៀវភៅហ្នឹង អញ្ចឹងខ្ញុំទាញយកមក។ ដល់​​ពេ​លខ្ញុំអា​នសៀវភៅមួយទៀត ខ្ញុំឃើញ​ចំ​ណុចសំខាន់។…សៀវភៅមួយក្បាលនេះ​គឺស្លចេញពីឯក​សារជាច្រើន។ មានចំណុ​ចថ្មីច្រើ​ននៅក្នុងសៀវភៅនេះ”។​ បើ​តាម​លោក សុផល សៀវភៅនេះ​ក៏​បាន​បញ្ចូលនូវ​ ជម្លោះប្រទាក់​ក្រឡាគ្នាទាំងក្នុ​ងចំណោ​មជន​ជាតិកម្ពុជានិងនៅក្នុ​ងចំណោមបរទេសដូចជាអាមេ​រិក អង់គ្លេស ចិន រុស្ស៊ី និងពួក​សម្ព័ន្ធមិត្ត។​ លោ​មានប្រសាសន៍ថា៖ “អញ្ចឹងសៀវភៅនេះ ប្រសិនណា​បើ​មិត្តអ្នកអាន គាត់​អាន​សៀវ​​ភៅ​នេះចប់ អាចនឹងដឹង​ប្រវត្តិ​សាវតាខ្លះ ទាក់ទង​នឹង​បញ្ហា​​កម្ពុជា​និង​វៀតណាម ដើម្បីចៀសវា​ង​កុំ​ឲ្យ​​អ្នក​​នយោបាយមួយចំនួន​ គាត់ឆ្លៀតយក​បញ្ហាព្រំដែន​កម្ពុជា​វៀតណាមហ្នឹង យក​ទៅធ្វើការ​ឃោសនា​ដើម្បីចំណេញនយោបាយរៀងខ្លួន”។ លោក សុផល យល់​ថា​​ខ្មែរ​ចូល​ចិត្ត​លាក់ប្រវត្តិសាស្រ្ត​​របស់ខ្លួន​ បណ្តាល​ឲ្យ​មាន​ការយល់​មិន​​ច្បា​ស់ពីប្រវត្តិ​របស់ខ្លួន​។ លោក​បន្ត​ថា​សៀវភៅនេះ​នឹង​ក្លាយ​​ជា​”ឯក​សារជំនួយ​ស្មារតី”​មួយសម្រា​ប់ប្រជាជនកម្ពុជា។​ គួរ​បញ្ជាក់​ថា រហូតមក​ដល់​បច្ចុប្បន្ន​នេះ លោក ​ឆាយ ​សុផល ​បាន​បោះពុម្ពផ្សាយ​​សៀវភៅដែល​លោក​បានចងក្រង ​មិន​តិច​ជាង​៦ក្បាល​នោះ​ទេ​ ក្នុងនោះមានសៀវភៅនិយាយពីនាយករដ្ឋមន្រ្តីខ្មែរ​និង​ព្រះមហា​ក្ស​ត្រជាដើម។ នៅពេលខាងមុខឆាប់ៗនេះ លោក​នឹង​ចេញផ្សាយសៀវភៅមួយក្បាលយទៀត​មានចំណងជើងថា​”ហ៊ុន សែន នយោបាយ​និង​អំណាច​ក្នុងប្រវត្តិសាស្រ្ត​ខ្មែរ​ជាង​៤០ឆ្នាំ”៕ ​សៀវភៅ”ហ៊ុន សែន នយោបាយ​និង​អំណាច​ក្នុងប្រវត្តិសាស្រ្ត​ខ្មែរ​ជាង​៤០ឆ្នាំ”(រូបថតពីហ្វេសប៊ុក​លោក ឆាយ សុផល) សរសេរមកកាន់លោក ស៊ុន ណារិន តាមរយៈsun_narin@vodhotnews.com 

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To