រដ្ឋអំណាចចិនកំពុងតែធ្វើយុទ្ធនាការបង្ក្រាបលើ អ្នកផ្សព្វផ្សាយ ឬ Live រូបភាព និង វិឌីអូអាសអាភាស តាមប្រព័ន្ធអ៊ិនធើណែត ដើម្បីទាក់ទាញអ្នកចូលមើលច្រើន ហើយទទួលបានផលចំណេញពីប្រព័ន្ធអ៊ិនធើណែតនោះ។
តាមការចុះផ្សាយរបស់ទូរទស្សន៍ចិន CGTN បានឲ្យដឹងថា បច្ចុប្បន្នប្រព័ន្ធទូរសព្ទទំនើបកំពុងកើនឡើងនៅក្នុងប្រទេសចិន ហើយអ្នកប្រើប្រាស់ក៏បានទាញយកកម្មវិធីថ្មីៗកាន់តែច្រើនឡើង។ ស្របពេលជាមួយគ្នានោះ សកម្មភាពអ្នកដែលប្រមាញ់យករូបភាពស្រើបស្រាល ឬ រូបភាពអាសអាភាសរបស់ស្ត្រីក៏មានកាន់តែច្រើនផងដែរ។ អ្នកខ្លះប្រើប្រាស់រូបភាពអាសអាភាសទាំងនោះក្នុងគេហទំព័ររបស់ពួកគេ ដើម្បីទាក់ទាញ់អ្នកមើលដើម្បីទទួលបានចំណូលច្រើន។
តាមការចុះផ្សាយរបស់ CGTN គឺរូបភាពអាសអាភាសជាច្រើន ដែលជំរុញឲ្យមានអារម្មណ៍ផ្លូវភេទជាច្រើន ត្រូវបានគេប្រមាញ់យកតាមរយៈការឆាតឆ្លើយឆ្លង ឬ ការទំនាក់ទំនងគ្នាតាមវីឌីអូអនឡាញ ហើយពួកគេបានផ្តល់រូបអាក្រាតឲ្យគ្នាទៅវិញទៅមក។
អាជ្ញាធរចិនឲ្យដឹងថា គេហទំព័រដែលផ្សព្វផ្សាយរូបភាពអាសអាភាសទាំងនោះគឺមនុស្សទូទៅងាយចូលមើល ហើយវាបានប៉ះពាល់ខ្លាំងដល់អ្នកប្រើប្រាស់ដែលមិនទាន់គ្រប់អាយុ។
ជុំវិញបញ្ហារូបថតរូបអាក្រាតនៅតាមអ៊ិនធើណែតនេះ នៅក្នុងប្រទេសបង់ក្លាដេសកំពុងឈានដល់ចំណុចប្រកាសអាសន្ន ហើយរដ្ឋាភិបាលចាត់វិធានការទប់ស្គាត់ ដោយសារក្មេងស្រីជំទង់ជាច្រើនត្រូវបានគេបញ្ឆោតឲ្យថតរូបអាក្រាតតាមរយៈការឆាត ឬ វីឌីអូអនឡាញ៕
