ភ្ញៀវទេសចរណ៍ដែលធ្វើដំណើរមកកាន់កម្ពុជាតាមជើងយន្តហោះ ក្នុងរយៈពេល៣ខែដើមឆ្នាំ២០១៨ មានជាង៣លាននាក់ កើនជាង២៦ភាគរយបើធៀបទៅនឹងឆ្នាំមុន។
របាយការណ៍របស់ក្រុមហ៊ុនVinci ដែលគ្រប់គ្រង អាកាសយានដ្ឋានកម្ពុជា ចេញផ្សាយកាលពីថ្ងៃទី១២ ខែមេសា ដែលវីអូឌីទើបទទួលបាន ឲ្យដឹងថាការកើនឡើងនៃអ្នកដំណើរនេះដោយសារមានក្រុមហ៊ុនហោះហើរជាច្រើនបានបើកការហោះហើរមកកម្ពុជា រួមទាំងការហោះហើរត្រង់ពីប្រទេសចិន និងការកើនឡើងនៃការហោះហើរក្នុងស្រុក។
តាមរបាយការណ៍របស់ក្រសួងទេសចរណ៍កាលពីឆ្នាំ២០១៧ អ្នកដំណើរអន្តរជាតិដែលមកកម្សាន្តនៅកម្ពុជាមានប្រមាណ៥,៦លាននាក់ ដែលកើនឡើងជិត១២ភាគរយបើធៀបនឹងឆ្នាំ២០១៦៕
