អន្តរជាតិ

មេដឹកនាំសិង្ហបុរីសុំទោសពលរដ្ឋជុំវិញវិវាទជាមួយបងប្អូន

លោក ឌិត សុខធី
| ២០ មិថុនា ២០១៧
ម៉ោង ០៩:០៨

នាយករដ្ឋមន្ត្រីសិង្ហបុរី លោក លី សៀនឡុង បានចេញសេចក្ដីប្រកាសមួយកាលពីថ្ងៃម្សិលមិញ ដោយបានសុំទោសពលរដ្ឋសិង្ហបុរីសម្រាប់វិវាទរវាងរូបលោកជាមួយបងប្អូនលោក ពាក់ព័ន្ធនឹងគេហដ្ឋានមួយកន្លែងរបស់សពឪពុកលោក។ នេះដោយយោងតាមការចុះផ្សាយរបស់សារព័ត៌មាន Channel News Asia។

លោក លី បានរៀបរាប់ថា លោកសោកស្ដាយយ៉ាងជ្រាលជ្រៅថា វិវាទនេះបានប៉ះពាល់ដល់កិត្តិយសរបស់ប្រទេស និងទំនុកចិត្តរបស់ពលរដ្ឋទៅលើរដ្ឋាភិបាល។ លោកបន្តថា បញ្ហានេះមិនបានធ្វើឲ្យរូបលោក និងគណៈរដ្ឋមន្ត្រីរបស់លោក ឃ្លាតចាកពីការគ្រប់គ្រងប្រទេសនោះឡើយ។

លោក លី ក៏បានលើកឡើងផងដែរថា លោកនឹងធ្វើសេចក្ដីប្រកាសព័ត៌មានមួយដើម្បីច្រានចោលនូវការចោទប្រកាន់ នៅពេលសភាប្រជុំនៅថ្ងៃទី៣ ខែកក្កដាខាងមុខ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។