ជម្ងឺគ្រុនចាញ់លែងជាបញ្ហាប្រឈមទៀតហើយ សម្រាប់ពលរដ្ឋឃុំទីពោ

អត្រាជម្ងឺគ្រុនចាញ់ត្រូវបានថយចុះនៅក្នុងឆ្នាំ ២០១៧នេះ បើប្រៀបធៀបទៅនិងប៉ុន្មានឆ្នាំកន្លងមក បន្ទាប់ពីបានធ្វើតេស្តរកមើលមេរោគនេះ។

លោក សាញ់ សុខា ប្រធានមណ្ឌលសុខភាព ឃុំទីពោ បានឲ្យដឹងថា អត្រាអ្នកដែលកើតមានជម្ងឺគ្រុនចាញ់ (VMW) នៅក្នុងឆ្នាំនេះ មានការថយចុះគួឲ្យកត់សម្គាល់ ដោយសារប្រជាពលរដ្ឋទាំងអស់គាត់ចេះពីរបៀបថែរក្សានិងការពារខ្លួន មិនឲ្យកើតមានជម្ងឺនេះ។

ការមានប្រសាសន៍របស់លោកបែបនេះ គឺធ្វើឡើងនៅក្នុងវគ្គបណ្តុះបណ្តាលមួយ ដល់ក្រុមអ្នកស្ម័គ្រចិត្តព្យាបាលជម្ងឺគ្រុនចាញ់ ក្នុងបណ្ឌលសុខភាពឃុំទីពោ កាលពីថ្ងៃទី ១៩ ខែកក្កដា ឆ្នាំ ២០១៧ នៅឃុំទីពោ ស្រុកសន្ទុក ខេត្តកំពង់ធំ។

លោកបានបន្ថែមទៀតថា មន្ទីសុខាភិបាលមានគោលដៅលុបបំបាត់ជម្ងឺគ្រុនចាញ់ (VMW) ឲ្យអស់នៅក្នុងឆ្នាំ ២០២៥ខាងមុខនេះ។

ដោយពលរដ្ឋអ្នកសារព័ត៌មាន ខេត្តកំពង់ធំ លោក ជៀម វឿន

Facebook
Twitter
Telegram
LinkedIn

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។