ព្រះចៅអធិការវត្តព្រះឥន្រ្ទកោសី បានដឹកនាំធ្វើយុទ្ធនាការដង្ហែក្បួនមួយនៅក្នុងសហគមន៍ ក្រោមប្រធានបទ អនាម័យនិងសុខភាព ដែលមានមនុស្សចូលរួមប្រមាណ ៤០០នាក់ ក្នុងគោលបំណងអំពាវនាវដល់ប្រជាពលរដ្ឋឲ្យចូលរួមថែរក្សាអនាម័យ និងសំអាតសំរាមនៅជុំវិញមូលដ្ឋាន ដើម្បីកាត់បន្ថយផលប៉ះពាល់ដល់សុខភាព។
ការហែរក្បួននេះធ្វើឡើងនៅឃុំអញ្ជាញរូង ស្រុកបរិបូណ៍ ខេត្តកំពង់ឆ្នាំង នាព្រឹកថ្ងៃទី ១៨ ខែកក្កដា ឆ្នាំ ២០១៧ ដែលមានការចូលរួមពីសំណាក់ ព្រះចៅអធិការវត្តឈូក លោកគ្រូ អ្នកគ្រូ សិស្សានុសិស្ស និងអាជ្ញាធរផងដែរ។
គួបញ្ជាក់ផងដែរ ពិធីដង្ហែក្បួនខាងលើនេះគឺទទួលបានការឧបត្ថម្ភថវិកាពី អង្គការទស្សនៈពិភពលោក (WVC2)។
ដោយលោក គឹម សេង ខេត្តកំពង់ឆ្នាំង
