ក្រសួងធនធានទឹកបានព្រមានពីទឹកជំនន់ថានឹងអាចកើតមានឡើងនៅតាមបណ្តាខេត្តមួយចំនួន ដោយសារតែមានភ្លៀងធ្លាក់ខ្លាំង។
តាមការព្យាករណ៍អាកាសធាតុ ក្រសួងធនធានទឹកនិងឧតុនិយមឲ្យដឹងថាខេត្តមណ្ឌលគិរី រតនគិរី ស្ទឹងត្រែង ឧត្តរមានជ័យ សៀមរាប បន្ទាយមានជ័យ និងខេត្តកំពង់ធំ អាចនឹងមានភ្លៀងធ្លាក់ច្រើនបង្កជាជំនន់ទឹកភ្លៀងចាប់ពីថ្ងៃទី២១ដល់ថ្ងៃទី២៥កញ្ញា២០១៦។
ចំណែកតំបន់មាត់សមុទ្រ ក្រសួងអំពាវនាវឲ្យយកចិត្តទុកដាក់ប្រុងប្រយ័ត្នចាប់ពីថ្ងៃទី១៩ដល់ថ្ងៃទី២៥កញ្ញា ព្រោះរលកសមុទ្រមានកម្ពស់ពី០,៥០ទៅ១,៥ម៉ែត្រ៕