ថៃ​ទទួល​បាន​កំណើន​​វិនិយោគ​ខ្ពស់ដល់​ទៅ២៦​ភាគរយ​​កាល​ពី​ខែ​មុន

ការចុះបញ្ជីក្រុមហ៊ុនថ្មីនៅក្នុងប្រទេសថៃបានកើនឡើងខ្ពស់កាលពីខែសីហាកន្លងមកដោយសារតែវិធានការជំរុញការវិនិយោគរបស់រដ្ឋាភិបាលនិងកំណើនរឹងមាំនៃវិស័យទេសចរណ៍។ នេះដោយយោងតាមការចុះផ្សាយរបស់កាសែតបាងកកប៉ុស្តិ៍នៅថ្ងៃនេះ។

កាសែតថៃមួយនេះដែលបានដកស្រង់របាយការណ៍របស់នាយកដ្ឋានអភិវឌ្ឍន៍ពាណិជ្ជកម្មថៃ បានផ្សាយបន្តថា ចំនួនក្រុមហ៊ុនចុះបញ្ជីថ្មីកាលពីខែសីហាកន្លងមកបានកើនឡើង២៦ភាគរយ បើធៀបទៅនឹងរយៈពេលដូចគ្នាក្នុងឆ្នាំ២០១៥កន្លងមកឬកើនដល់ទៅ៦,២០០ក្រុមហ៊ុន ខណៈចំនួនក្រុមហ៊ុនចុះបញ្ជីថ្មីក្នុងរយៈពេល៨ខែក្នុងឆ្នាំ២០១៦ បានកើនឡើងដល់ទៅ៤២,៩១១ក្រុមហ៊ុនឬស្មើនឹងកំណើន៣ភាគរយ ធៀបទៅនឹងរយៈពេលដូចគ្នាក្នុងឆ្នាំ២០១៥កន្លងមក។

យោងតាមកាសែតថៃដដែលនេះ ខណៈដែលចំនួនក្រុមហ៊ុនចុះបញ្ជីថ្មីកើនឡើងខ្ពស់ វាបានក៏បានជំរុញឲ្យមានកំណើនទុនវិនិយោគខ្ពស់ដល់ទៅ៤៦ភាគរយឯណោះកាលពីខែមុនឬស្មើនឹង១៩.៣៦ពាន់លានបាតឬជាង ៥៥៤លានដុល្លារអាមេរិក ខណៈដែលតម្លៃទុនវិនិយោគសរុបរយៈពេល៨ខែកន្លងមកកើនឡើងដល់ទៅ២៧ភាគរយឬស្មើនឹង១៦១.៣៧ពាន់លានបាតឬជាង៤,៦២៤លានដុល្លារអាមេរិក។

ប្រធាននាយកដ្ឋានអភិវឌ្ឍន៍ពាណិជ្ជកម្មថៃ លោក ផុងផុន ជីរ៉ាវិរិយៈផុន បានប្រាប់បាងកកប៉ុស្តិ៍ថា វិធានការធំៗរបស់រដ្ឋាភិបាលដូចជាការលើកទឹកចិត្តផ្នែកពន្ធដើម្បីជំរុញការវិនិយោគនិងកំណើនដ៏រឹងមាំនៃវិស័យទេសចរណ៍ បានជំរុញដល់ការបង្កើនសហគ្រាសថ្មីៗដែលភាគច្រើនស្ថិតក្នុងវិស័យសាងសង់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ