អាមេរិកបានប្រកាសនៅថ្ងៃនេះថា ខ្លួននឹងដាក់ពង្រាយប្រព័ន្ធការពារមីស៊ីលនៅកូរ៉េខាងត្បូងក្នុងពេលឆាប់ៗ បើទោះបីជាមានការជំទាស់ពីចិនក៏ដោយ។ នេះដោយយោងតាមការសេចក្ដីរាយការណ៍របស់ទីភ្នាក់ងារព័ត៌មាន AFP។
បើ AFP នៅក្នុងជំនួបជាមួយរដ្ឋមន្ត្រីកូរ៉េខាងត្បូងនៅទីក្រុងវ៉ាស៊ីងតោន រដ្ឋមន្រ្តីការបរទេសអាមេរិក លោក ចន ឃឺរី បានបញ្ជាក់ថា ប្រព័ន្ធខែលមីស៊ីល នឹងត្រូវបញ្ជូនក្នុងពេលឆាប់ៗ ទៅឧបទ្វីបកូរ៉េ។
ក្រុងវ៉ាស៊ីងតោន មើលឃើញថា ប្រព័ន្ធការពារមីស៊ីលរបស់ខ្លួន គឺជាការទប់ទល់ទៅនឹងគ្រាប់មីស៊ីល និងបច្ចេកវិទ្យានុយក្លេអ៊ែររបស់កូរ៉េខាងជើង។
ប៉ុន្តែ ចិនបានព្រមានថា ខ្លួនចាត់ទុកវាជាការគំរាមកំហែងចំពោះតុល្យភាពអំណាចនៅក្នុងតំបន់ ដោយបារម្ភថា វានឹងធ្វើឲ្យកូរ៉េខាងជើងកាន់តែជំរុញការផលិតអាវុធនុយក្លេអ៊ែរ៕