មេដឹកនាំសំខាន់ៗនៅលើពិភពលោកនៃក្រុមប្រទេសមានសេដ្ឋកិច្ចរីកចម្រើន G7 បានជជែកពីចរន្តនៃសេដ្ឋកិច្ចសកលនៅថ្ងៃព្រហស្បតិ៍ម្សិលមិញ ហើយពួកគេក៏បារម្ភពីផលប៉ះពាល់ដល់សេដ្ឋកិច្ចដោយសារចិនកំពុងតែពង្រីកឥទ្ធិពលនៅសមុទ្រខាងត្បូង។
ខណៈប្រទេសរីកចម្រើនទាំង៧កំពុងបើកកិច្ចប្រជុំ២ថ្ងៃនៅប្រទេសជប៉ុនគឺនៅថ្ងៃទី២៦និង២៧នោះមហាអំណាចចិនបានវាយប្រហារខ្លាំងៗលើក្រុមនេះ។
ភ្លាមៗនោះអ្នកនាំពាក្យក្រសួងការបរទេសចិន Hua Chunying ថ្លែងថាប្រទេសទាំង៧គួរតែផ្តោតសំខាន់លើតួនាទីរបស់ខ្លួនគឺការពង្រឹងកិច្ចសហប្រតិបត្តិការសេដ្ឋកិច្ចមិនត្រូវជ្រៀតជ្រែកចូលកិច្ចការងារដទៃនោះទេ។ ទីក្រុងប៉េកាំងបានហៅប្រទេសទាំង៧នោះថាជាប្រទេសអាត្មានិយមគិតតែលើផលប្រយោជន៍ផ្ទាល់ខ្លួន។ នេះ បើតាមសារព័ត៌មាន Channel News Asia។
ប្រទេស G7 រូមមានប្រទេស អង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន និង សហរដ្ឋអាមេរិក៕
