លទ្ធផលបឋម ពលរដ្ឋអង់គ្លេសសម្រេចចាកចេញពី EU

(រូបភាពពី BBC)

លទ្ធផលបឋមពីការបោះឆ្នោតស្ទង់មតិនៅអង់គ្លេសគឺបង្ហាញថាចំនួនអ្នកចង់ចាកចេញពីសហភាពអឺរ៉ុបមានចំនួនច្រើនជាងអ្នកដែលបោះឆ្នោតបន្តរក្សាប្រទេសនៅក្នុងប្លុកនេះទៀត។

នៅថ្ងៃព្រហស្បតិ៍ទី២៣ខែមិថុនាម្សិលមិញ អង់គ្លេសបានបោះឆ្នោតធ្វើប្រជាមតិ ដើម្បីចង់ដឹងថាតើប្រជាពលរដ្ឋទាំងអស់ចង់បន្តរក្សាប្រទេសក្នុងសហភាពអឺរ៉ុបឬចាកចេញ?

លទ្ធផលបឋមនៅព្រឹកថ្ងៃសុក្រនេះបង្ហាញថាពលរដ្ឋដែលចង់ចាកចេញពីអឺរ៉ុបមាន៥២,៤ភាគរយ ហើយអ្នកចង់បន្តឲ្យនៅគឺ៤៧,៦ភាគរយ។ ប៉ុន្តែលទ្ធផលនេះគឺជាលទ្ធផលតែ១៣តំបន់ក្នុងចំណោមតំបន់បោះឆ្នោតទាំងអស់៣៨២តំបន់ប៉ុណ្ណោះ។

អង់គ្លេសបានក្លាយជាសមាជិករបស់សហភាពអឺរ៉ុបរយៈពេល៤៣ឆ្នាំហើយ។ ទោះយ៉ាងណាអ្នកវិភាគបញ្ហាអន្តរជាតិមួយចំនួនលើកឡើងថាលទ្ធផលផ្លូវការចុងក្រោយ គឺពលរដ្ឋអង់គ្លេសបោះឆ្នោតនៅបន្តជាសមាជិករបស់សហភាពអឺរ៉ុបច្រើនជាង ដើម្បីការពារផលប្រយោជន៍សេដ្ឋកិច្ចនិងនយោបាយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ