អាជ្ញាធរ​ម៉ាឡេស៊ី​ចាប់​ខ្លួន​មនុស្ស​១៤​នាក់​ពាក់​ព័ន្ធ​នឹង​ក្រុម​រដ្ឋ​អ៊ីស្លាម

សារព័ត៌មាន Channel News Asia បានរាយការណ៍ថា អាជ្ញាធរម៉ាឡេស៊ី បានចាប់ខ្លួនមនុស្ស ១៤នាក់ ដែលសង្ស័យថាមានទំនាក់ទំនងជាមួយក្រុមបះបោររដ្ឋអ៊ីស្លាម។

យោងតាមសេចក្ដីប្រកាសព័ត៌មានរបស់ប៉ូលិសម៉ាឡេស៊ី បានឲ្យដឹងថា មនុស្សប្រុសស្រីចំនួន ១៣នាក់ អាយុចន្លោះពី ២០ ទៅ ៤៩ឆ្នាំ ត្រូវបានសមត្ថកិច្ចម៉ាឡេស៊ី ឃាត់ខ្លួននៅក្នុងប្រតិបត្តិការបង្ក្រាបនៅរដ្ឋចំនួន ៥។

ឧបករណ៍កែច្នៃទម្ងន់ ១គីឡូក្រាមមួយ ក៏ត្រូវបានអាជ្ញាធរម៉ាឡេស៊ីរឹបអូសបានផងដែរ ដោយប៉ូលិសនិយាយថា ឧបករណ៍នោះ នឹងត្រូវយកទៅប្រើក្នុងផែនការវាយប្រហារទៅមន្ត្រីប៉ូលិស។

ប៉ូលិសម៉ាឡេស៊ី បាននិយាយថា ពួកគេជឿថា ជនសង្ស័យ ១២នាក់ បានទទួលការណែនាំឲ្យចាប់ផ្ដើមវាយប្រហារនៅប្រទេសម៉ាឡេស៊ី ពីសំណាក់ Muhammad Wanndy Mohamed Jedi បុរសម្នាក់ដែលត្រូវបានចោទប្រកាន់ថារៀបចំផែនការបំផ្ទុះគ្រាប់បែកនៅ Puchong កាលពីថ្ងៃទី២៨ ខែមិថុនា។ ការបំផ្ទុះនោះមានជាប់ទាក់ទងទៅនឹងក្រុមរដ្ឋអ៊ីស្លាម។

ជនសង្ស័យម្នាក់ បានសារភាពថា បានទទួលការណែនាំពី Muhammad Wanndy ឲ្យកែច្នៃឧបករណ៍បំផ្ទុះ ដើម្បីវាយប្រហារទៅលើ Klang Valley៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ