ចិននឹងធ្វើសមយុទ្ធរួមគ្នាជាមួយរុស្ស៊ីនៅសមុទ្រចិនខាងត្បូង

(រូបភាពពី Reuters)

ចិននិងរុស្ស៊ីនឹងធ្វើសមយុទ្ធកងទ័ពជើងទឹករួមគ្នានៅក្នុងដែនសមុទ្រចិនខាងត្បូងនៅខែកញ្ញាខាងមុខនាំឲ្យមានការព្រួយបារម្ភថាការធ្វើសមយុទ្ធនេះកាន់តែធ្វើឲ្យស្ថានភាពនៅទីនោះកាន់តែតានតឹង។

ទោះយ៉ាងណារដ្ឋមន្ត្រីការពារជាតិចិន ថ្លែងកាលពីថ្ងៃព្រហស្បតិ៍ម្សិលមិញថា ការធ្វើ សមយុទ្ធនេះ គឺដើម្បីពង្រឹងចំណងមិត្តភាពកិច្ចសហប្រតិបត្តិការ ហើយថា មិនមានបំណង គំរាមដល់ប្រទេសផ្សេងទេ។

ការរៀបចំធ្វើសមយុទ្ធរវាងមហាអំណាចទាំងពីរនេះគឺចំពេញ ពេលដែលស្ថានការណ៍នយោបាយកំពុងតែតានតឹងខ្លាំង។ តុលាការអាជ្ញាកណ្តាលអន្តរជាតិនៅទីក្រុងឡាអេបានចេញសេក្តីសម្រេចកាលពីថ្ងៃទី១២ខែកក្កដាសម្រេចឲ្យហ្វីលីពីនឈ្នះក្តីលើជម្លោះនៅសមុទ្រចិនខាងត្បូង តែចិនបដិសេធមិនទទួលយកសេចក្តីសម្រេចនោះទេ ដោយចោទថានោះជាឆាកល្ខោនដែលរៀបចំឡើងដោយសហរដ្ឋអាមេរិក។

តុលាការអន្តរជាតិក៏បានចោទប្រកាន់ថាចិនកំពុងធ្វើសកម្មភាពបំផ្លាញធនធានធម្មជាតិនៅសមុទ្រចិនខាងត្បូង។

ការធ្វើសមយុទ្ធនេះជាសមយុទ្ធប្រចាំឆ្នាំដែលចិននិងរុស្ស៊ីតែងធ្វើជាមួយគ្នាក្នុងការពង្រឹងផ្នែកយោធាក្នុងការអភិវឌ្ឍបច្ចេកទេសចិននិងរុស្ស៊ីក្នុងភាពជាដៃគូ។

លោក Yang Yujun អ្នកនាំពាក្យក្រសួងការពារជាតិចិនថ្លែងការធ្វើសមយុទ្ធនេះមិនមានបំណងគំរាមកំហែងឬ ប្រឆាំងប្រទេសទី៣ទេ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ