ឥណ្ឌូនេស៊ីបានបញ្ជាក់ថាពួកគេនឹងប្រហារជីវិតមនុស្សចំនួន១៤នាក់ដែលជាប់ពាក់ព័ន្ធបទឧក្រិដ្ឋព្រហ្មទណ្ឌធ្ងន់ធ្ងរករណីជួញដូរគ្រឿងញៀន បើទោះជាជាមានការរិះគន់ពីស្ថាប័នការពារសិទ្ធិមនុស្ស ហើយទាមទារឲ្យបញ្ឈប់វិញក៏ដោយ។
សារព័ត៌មាន BBC បានចុះផ្សាយថាតាមបញ្ជីមិនផ្លូវការគឺអ្នកដែលត្រូវប្រហារជីវិតទាំងនោះមានប្រជាជននីហ្សេរីយ៉ា ហ្ស៊ីមបាវេ ប៉ាគីស្ថាន និងឥណ្ឌា។
អង្គការសហប្រជាជាតិទទួលបន្ទុកផ្នែកសិទ្ធិមនុស្សបានបង្ហាញក្តីបារម្ភចំពោះការកាត់ទោសប្រហារជីវិតនេះ ហើយជំរុញឲ្យរដ្ឋាភិបាលឥណ្ឌូនេស៊ីដកទោសប្រហារជីវិតចេញ។
តាមគម្រោងអ្នកទាំង១៤នោះនឹងត្រូវប្រហារជីវិតនៅថ្ងៃស្រុកស្អែកនេះដោយផ្នែកលើច្បាប់ឥណ្ឌូនេស៊ីដែលគ្រោងនឹងធ្វើឡើងនៅពន្ធនាគារនៅលើកោះមួយឈ្មោះ Nusakambangan នៅក្នុងមហាសមុទ្រឥណ្ឌា៕