ទីក្រុងម៉ានីលអះអាងថាការដែលអាស៊ានមិនព្រមដាក់សេចក្តីសម្រេចរបស់តុលាការអាជ្ញាកណ្តាលអន្តរជាតិចូលក្នុងសេចក្តីថ្លែងការណ៍រួមនោះ វាមិនមែនជាការបង្ហាញពីភាពជោគជ័យរបស់ចិននៅសមុទ្រចិនខាងត្បូងនោះទេ។
រដ្ឋមន្ត្រីការបរទេសហ្វីលីពីនលោក Perfecto Yasay ថ្លែងនៅថ្ងៃពុធនេះថាការដែលអាស៊ានមិនបញ្ចូលសេចក្តីសម្រេចរបស់តុលាការអាជ្ញាកណ្តាលអន្តរជាតិក្នុងសេចក្តីសម្រេច វាជាជោគជ័យរបស់បណ្តាលប្រទេសអាស៊ាន ព្រោះហ្វីពីលីនក៏មិនដែលស្នើឲ្យអាស៊ានគាំទ្រសេចក្តីសម្រេចនោះដែរ។ នេះបើតាមសារព័ត៌មាន Channel News Asia។
តុលាការអន្តរជាតិនៅទីក្រុងឡាអេបានសម្រេចឲ្យប្រទេសហ្វីលីពីនឈ្នះក្ដីកាលពីថ្ងៃទី១២ ខែកក្កដា ដោយបានច្រានចោលការអះអាងសិទ្ធិជាម្ចាស់របស់ចិនទៅលើដែនទឹកនៅសមុទ្រចិនខាងត្បូង។ ប៉ុន្តែចិនមិនទទួលយកសេចក្តីសម្រេចនោះទេ។
ក្នុងសេចក្តីថ្លែងការណ៍រួមក្នុងកិច្ចប្រជុំថ្នាក់រដ្ឋមន្ត្រីការបរទេសអាស៊ាននៅក្នុងប្រទេសឡាវគឺមិនបានដាក់បញ្ជូលសេចក្តីសម្រេចរបស់តុលាការអាជ្ញាកណ្តាលអន្តរជាតិទេ៕