វៀតណាម​ចង់ឃើញ​ភាពយុត្តិធម៌រវាងហ្វីលីពីន​និងចិនករណីជម្លោះដែនសមុទ្រ

អ្នកនាំពាក្យក្រសួងការបរទេសវៀតណាម​លោក ឡេ ហៃបិញ (រូបភាពពី vietnam news)

មន្ត្រីជាន់ខ្ពស់របស់រដ្ឋាភិបាលវៀតណាមបង្ហាញក្តីសង្ឃឹមថាសេចក្តីសម្រេចរបស់តុលាការអាជ្ញាកណ្តាលអន្តរជាតិនិងសម្រេចឲ្យមានយុត្តិធម៌ចំពោះហ្វីលីពីននិងចិនក្នុងករណីជម្លោះក្នុងដែនសមុទ្រចិនខាងត្បូង។

អ្នកនាំពាក្យក្រសួងការបរទេសវៀតណាមលោក ឡេ ហៃបិញ ថ្លែងកាលពីម្សិលមិញថាការផ្តល់យុត្តិធម៌ករណីបណ្តឹងរបស់ហ្វីលីពីនលើជម្លោះក្នុងដែនសមុទ្រចិនខាងត្បូងគឺជាផ្នែកសំខាន់ក្នុងការកសាងសន្តិភាពនៅក្នុងតំបន់។ នេះបើយោងតាមសារព័ត៌មាន Vietnam News។

ការលើកឡើងរបស់វៀតណាមបែបនេះ ខណៈតុលាការអាជ្ញាកណ្តាលអន្តរជាតិមានមូលដ្ឋាននៅទីក្រុងឡាអេ ប្រទេសហូឡង់នឹងប្រកាសសេចក្តីសម្រេចលើបណ្តឹងហ្វីលីពីនប្តឹងចិនរឿងជម្លោះដែនសមុទ្រនៅថ្ងៃទី១២ខែកក្កដាខាងមុខនេះ។

ទោះយ៉ាងណាចិនបានប្រកាសថាខ្លួនមិនទទួលស្គាល់សេចក្តីសម្រេចរបស់តុលាការអាជ្ញាកណ្តាលអន្តរជាតិនោះទេ។ ចិនចាប់ផ្តើមធ្វើសមយុទ្ធយោធាលើដែនកោះមានជម្លោះនៅកោះប៉ារ៉ាសែលពីថ្ងៃទី៥ដល់ថ្ងៃទី១១ ដោយបញ្ជាក់ថាដើម្បីរក្សាសន្តិសុខនៅក្នុងដែនសមុទ្ររបស់ខ្លួន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ