មន្ទីរ​ពេទ្យ​គន្ធបុប្ផា​រក​ឃើញ​កុមារ​៦២​នាក់​ទៀត​ប្រឈម​នឹង​ជំងឺ​ធ្ងន់​ធ្ងរ​ក្រោយ​បញ្ជូន​ចេញ​ពី​គ្លីនិក​ឯកជន

រូបលោក Beat Richner កាលពីពេលកន្លងទៅ

លោក បេអាត រិចឆ្នឺរ ស្ថាបនិក និងជាប្រធានមន្ទីរពេទ្យគន្ធបុប្ផា នៅថ្ងៃអង្គារនេះ បាននិយាយថា កុមារចំនួន ១១១នាក់ទៀត បានធ្លាក់ខ្លួនឈឺធ្ងន់ធ្ងរបំផុត នៅក្នុងរយៈពេល ២ថ្ងៃចុងក្រោយនេះ។

តួលេខនេះ បានធ្វើឲ្យចំនួនកុមារមានជំងឺធ្ងន់ធ្ងរ កើនឡើងដល់ ៥៥៨នាក់ នៅក្នុងរយៈពេល ៤ថ្ងៃចុងក្រោយនេះ ក្នុងកុមារចំនួន ២០៨នាក់ ដែលត្រូវបានបញ្ជូនពីគ្លីនិកឯកជននានា បានប្រឈមនឹងជំងឺធ្ងន់ធ្ងរបំផុត។

កាលពីចុងសប្ដាហ៍កន្លងមកនេះ លោកវេជ្ជបណ្ឌិត បេអាត រិចឆ្នឺរ បានស្នើឲ្យក្រសួងសុខាភិបាលត្រួតពិនិត្យឡើងទៅលើសមត្ថភាពរបស់ក្រុមគ្រូពេទ្យ ដែលប្រកបវិជ្ជាជីវៈនៅតាមគ្លីនិកឯកជន ក្រោយពីកុមារចំនួន ៤៤៧នាក់ បានធ្លាក់ខ្លួនឈឺធ្ងន់ធ្ងរ ក្នុងនោះកុមារ ១៤៦នាក់ ប្រឈមនឹជំងឺធ្ងន់ធ្ងរបំផុត ដូចជា ជំងឺគ្រុនឈាម និងជំងឺរលាកខួរក្បាល។

លោកវេជ្ជបណ្ឌិត បេអាត រិចឆ្នឺរ បាននិយាយនៅក្នុងលិខិតចំហរមួយកាលពីថ្ងៃអាទិត្យកន្លងមកថា កុមារទាំងនោះ បានធ្លាក់ខ្លួនឈឺធ្ងន់ធ្ងរ និងបញ្ជូនទៅសម្រាកព្យាបាលនៅមន្ទីរពេទ្យរបស់លោក បន្ទាប់ពីពួកគេពុំទទួលបានការព្យាបាលត្រឹមត្រូវនៅតាមគ្លីនិកឯកជន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ