អាជ្ញាធរ​ថៃ​កំពុង​ពិចារណា​តាម​ដាន​ទេសចរ​បរទេស​តាម​ស៊ីម​កាត​ទូរស័ព្ទ

(រូបភាពពី បាងកកប៉ុស្តិ៍​)

បញ្ញត្តិករទូរគមនាគមន៍ថៃកាលពីថ្ងៃម្សិលមិញបានឯកភាពជាគោលការណ៍ ដែលតម្រូវឲ្យភ្ញៀវទេសចរបរទេសប្រើប្រាស់ស៊ីមកាតពិសេសដែលអាចឲ្យអាជ្ញាធរតាមដានពួកគេបាន។ នេះដោយយោងតាមការផ្សាយរបស់កាសែតបាងកកប៉ុស្តិ៍របស់ថៃដែលបានដកស្រង់សម្ដីពីមន្ត្រីគមនាគមន៍ថៃ។

អគ្គលេខាធិការគណៈកម្មការជាតិសោតទស្សន៍និងទូរគមនាគមន៍ លោក Takorn Tantasith បានថ្លែងថាការសម្រេចបែបនេះកំពុងស្ថិតនៅក្នុងផលប្រយោជន៍សន្តិសុខជាតិ។

គណៈកម្មការនេះនឹងពិភាក្សាពីវិធានការជាមួយប្រតិបត្តិករទូរស័ព្ទ នាយកដ្ឋានគយ និងទីភ្នាក់ងារដទៃទៀតរបស់រដ្ឋ។

មន្ត្រីថៃរូបនេ បន្ថែមថា ប្រតិបត្តិករទូរស័ព្ទថៃអាចកំណត់ទុកមុនអំពីបច្ចេកទេសមួយចំនួននៅក្នុងស៊ីមកាត ដើម្បីធានាថាពួកគេអាចកំណត់បានទីតាំងរបស់អ្នកប្រើប្រាស់ដែលមិនអាចឲ្យអ្នកប្រើប្រាស់បិទបាននោះឡើយ។

យោងតាមតួលេខរបស់ក្រសួងទេសចរណ៍និងកីឡាថៃ បានឲ្យដឹងថានៅចន្លោះខែមករាដល់ខែកក្កដាឆ្នាំនេះ ភ្ញៀវទេសចរជាង១៩លាននាក់បានចូលទៅប្រទេសនេះ ពោលគឺបានកើនឡើង១២ភាគរយធៀបទៅនឹងរយៈពេលដូចគ្នានៅឆ្នាំមុន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ