មន្ត្រីបាននិយាយថា មានករណីបំផ្ទុះគ្រាប់បែកនៅផ្សារលក់បន្លែមួយកន្លែងនៅក្នុងប្រទេសប៉ាគីស្ថានបណ្តាលឲ្យមនុស្សចំនួន២១នាក់បានស្លាប់ នៅព្រឹកថ្ងៃសៅរ៍នេះ។
តាមមន្ត្រីប៉ាគីស្ថានប្រាប់ទីភ្នាក់ងារសារព័ត៌មានរ៉យទ័របានឲ្យដឹងថា ករណីផ្ទុះគ្រាប់បែកនេះកើតមាននៅភាគខាងជើងនៃប្រទេសនៅជិតព្រំប្រទល់ជាមួយ អាហ្គានីស្ថាន នៅក្នុងតំបន់ Kurram ។
របាយការណ៍បឋមឲ្យដឹងថា មនុស្សចំនួន២១នាក់ស្លាប់ និង ប្រមាណ៤០នាក់ផ្សេងទៀតរងរបួស។ ពលរដ្ឋនៅតំបន់នោះធ្វើពិធីកាន់ទុក្ខជាទ្រង់ទ្រាយធំ និងតវ៉ាថ្កោលទោសចំពោះការវាយប្រហារនេះ។
អ្នកបានដឹងហេតុការណ៍នេះ បាននិយាយថា គ្រាប់បែកនេះត្រូវបានគេលាក់ទុកក្នុងកំនរប៉េងបោះ ហើយដល់ពេលដែលមនុស្សធ្វើដំណើរនៅជិតនោះច្រើនក៏ផ្ទុះតែម្តងទៅ។