សមត្ថកិច្ចចាប់ខ្លួន​បុរសចំណាស់ម្នាក់តាមបញ្ជានាយករដ្ឋមន្ត្រី​

ដោយ លោក ពៅ មេត្តា​​ | ថ្ងៃពុធ ទី២១ ខែមីនា ឆ្នាំ២០១៨​ ម៉ោង 1:38 PM | វិនិយោគ | 0 | 6243 បុរសឈ្មោះ ម៉ារី (រូបពីអគ្គស្នងការដ្ឋានគរបាលជាតិ)

សមត្ថកិច្ចខេត្តកំពតបានចាប់ខ្លួនបុរសចំណាស់ម្នាក់ បន្ទាប់ពីមានបញ្ជាផ្ទាល់មាត់ពីនាយករដ្ឋមន្ត្រីហ៊ុន សែននៅព្រឹកថ្ងៃពុធនេះ។​

ក្នុងពិធីជួបជាមួយកម្មករកម្មការិនីនៅព្រឹកនេះ លោកនាយករដ្ឋមន្ត្រីបានបញ្ជាឲ្យចាប់ខ្លួនបុរស​ម្នាក់ឈ្មោះម៉ារី ជាអតីតព្រះសង្ឃដោយថា បានញុះញង់ប្រាប់ប្រជាពលរដ្ឋនូវព័ត៌មានមិនពិត។​

អគ្គស្នងការដ្ឋាននគរបាលជាតិបានចុះផ្សាយថា សមត្ថកិច្ចឃាត់ខ្លួនបុរសឈ្មោះ ម៉ារី នៅត្រង់ចំណុចភូមិព្រែកក្រើស ឃុំព្រែកក្រើស ស្រុកកំពង់ត្រាច ខេត្តកំពត។ ប្រភពដដែល​បញ្ជាក់ទៀតថា មូលហេតុនៃការចាប់ខ្លួននេះដោយសារបុរសនេះ ដើរផ្សព្វផ្សាយប្រាប់ប្រជាពលរដ្ឋថា ដំណើរទស្សនកិច្ចរបស់លោកនាយករដ្ឋមន្ត្រីទៅកាន់ប្រទេសអូស្ត្រាលីបរាជ័យ។

អគ្គស្នងការដ្ឋាននគរបាលជាតិមិនទាន់បានបញ្ជាក់ថា តើបុរសនោះត្រូវបញ្ជូនទៅណា ហើយមាននីតិវិធីអ្វីបន្តទៀតនោះទេ។​​

សរសេរមកកាន់ លោក ពៅ មេត្តា តាមរយៈ minpov@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required