កុមារីរ៉ូហ៊ីងយ៉ាកំពុងបន្តរងគ្រោះក្នុងការជួញដូរផ្លូវភេទនៅកន្លែងភៀសខ្លួន

កុមារីជាជនជាតិភាគតិចរ៉ូហ៊ីងយ៉ាជាច្រើននាក់កំពុងតែធ្លាក់ខ្លួនក្នុងសកម្មភាពជួញដូរផ្លូវភេទ ដោយសារអ្នកខ្លះរងការបង្ខំ បោកបញ្ឆោត និងអ្នកខ្លះទៀត បានស្ម័គ្រចិត្តដោយខ្លួនឯងដោយសារតម្រូវការជីវភាព។

សារព័ត៌មានBBCបានសរសេរអត្ថបទស៊ើបអង្កេតមួយបានបង្ហាញថា នៅជុំរំជនភៀសខ្លួនជនជាតិភាគតិចរ៉ូហ៊ីងយ៉ានៅក្នុងប្រទេសបង់ក្លាដេសកំពុងតែមានភាពជ្រួលច្របល់ដោយសារតែផ្ទុះរឿងការជួញដូរផ្លូវភេទលើកុមារី។
អត្ថបទនោះផ្តើមចេញពីកុមារម្នាក់ដែលឪពុកម្តាយត្រូវបានយោធាមីយ៉ាន់ម៉ាសម្លាប់ហើយនាង ដើរតាមដងផ្លូវនៅក្នុងប្រទេសបង់ក្លាដេសហើយត្រូវបានស្ត្រីម្នាក់ហៅឡើងលើរថយន្ត ដោយប្រាប់ថា រកការងារឲ្យធ្វើហើយមានសុវត្ថិភាព។ ប៉ុន្តែកុមារដែលត្រូវបានសមត្ថកិច្ចជួយសង្គ្រោះនេះនិយាយថា នាងត្រូវបានគេរំលោភ វាយដំ ហើយយកទៅលក់ឲ្យផ្ទះបនបន្ត។

BBC ក៏បានសម្ភាសន៍ក្មេងស្រីមួយចំនួនទៀតនិយាយថា ពួកគេបានព្រមទៅតាមមេខ្យល់ដែលយកទៅលក់ឲ្យបម្រើផ្លូវភេទដោយសារគ្រួសាររបស់ពួកគេកំពុងជួបការលំបាកខ្លាំង ហើយអ្នកខ្លះទៀតនិយាយថា ពួកគេធ្លាប់ត្រូវបានយោធាមីយ៉ាន់ម៉ារំលោភច្រើនលើកមកហើយមុនឆ្លងដែនចូលប្រទេសបង់ក្លាដេស។
បច្ចុប្បន្នសមត្ថកិច្ចបង់ក្លាដេស និង អង្គការសប្បុរសធម៌កំពុងតែផ្តោតសំខាន់ក្នុងការជួយសង្គ្រោះក្មេងស្រីជនជាតិភាគតិចរ៉ូហ៊ីងយ៉ាដែលកំពុងរងគ្រោះទាំងនេះ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ