សហភាពអឺរ៉ុប(EU)កំពុងពិភាក្សារៀបចំប្រព័ន្ធដើម្បីកាត់ពន្ធលើក្រុមហ៊ុនប្រព័ន្ធបច្ចេកវិទ្យាធំៗលើពិភពលោកគឺ Facebookនិងក្រុមហ៊ុនGoogle នាំឲ្យមហាជនមានការភ្ញាក់ផ្អើល។
តាមការចុះផ្សាយរបស់ទីភ្នាក់ងារព័ត៌មានAFPបានឲ្យដឹងថា សំណើករណីកាត់ពន្ធលើក្រុមហ៊ុនធំៗទាំងពីរគឺចាប់ផ្តើមជជែកនៅថ្ងៃពុធនេះ។
ពន្ធពិសេសដែលកំណត់លើក្រុមហ៊ុនធំៗរបស់អាមេរិកចំនួនពីរនេះធ្វើឡើងជាវិធានការមួយរបស់អឺរ៉ុបដើម្បីប្រឆាំងសង្គ្រាមពាណិជ្ជកម្មដែលប្រធានាធិបតីអាមេរិកលោកដូណាល ត្រាំ កំណត់ពន្ធនាំចូលខ្ពស់លើផលិតផលដែកថែប និង អាលុយមីញូម។
អនុប្រធានកិច្ចការសេដ្ឋកិច្ចរបស់សហភាពអឺរ៉ុបលោក Pierre Moscovici នឹងធ្វើបទបង្ហាញពីសំណើដើម្បីប្រមូលប្រាក់រាប់ពាន់លានអឺរ៉ូពីក្រុមហ៊ុនអាមេរិកនេះ ហើយអាចជួយកាត់បន្ថយការប្រមូលពន្ធនៅទូទាំងអឺរ៉ុប។
