ក្រុមតំណាងរាស្ត្ររបស់ជប៉ុន​បំពេញទស្សនកិច្ចនៅស្តូប Yasukuni

ដោយ លោក ពៅ មេត្តា​​ | ថ្ងៃសុក្រ ទី២១ ខែមេសា ឆ្នាំ២០១៧​ ម៉ោង 2:07 PM | អន្តរជាតិ | 0 | 637

ក្រុមតំណាងរាស្ត្ររបស់ជប៉ុនរាប់សិបនាក់ រួមទាំងមន្ត្រីនៅគណៈរដ្ឋមន្ត្រីផង បានទៅបំពេញទស្សនកិច្ចនៅស្តូបសម្គាល់ពីអ្នកស្លាប់ដោយសារសង្គ្រាម ដែលសកម្មភាពនេះអាចនាំឲ្យមានការតវ៉ាផ្សេងៗ ពីប្រទេសនៅ​អាស៊ី ដែលពួកគេចាត់ទុកស្តូប Yasukuni គឺជាសញ្ញាបញ្ជាក់សកម្មភាពឈ្លានពានរបស់យោធាជប៉ុនកាលពីអតីតកាល។​

នាយករដ្ឋមន្ត្រី Shinzo Abe បានផ្ញើតង្វាយតាមបែបពិធីសាសនា ទៅស្តូបនោះ  ខណៈដែលជប៉ុន​កំពុងស្វែងរកការសហការជាមួយចិន និង កូរ៉េខាងត្បូងដើម្បីដោះស្រាយបញ្ហាប្រឈមនៅចំពោះមុខ ករណីគំរាមកំហែងដោយកម្មវិធីអាវុធនុយក្លេអ៊ែរបស់កូរ៉េខាងជើង។​

ប្រទេសសមាជិកនៅអាស៊ីមួយចំនួន​តែងបង្ហាញការខឹងសម្បារ ចំពោះថ្នាក់ដឹកនាំ​ដែលបានទៅបំពេញទស្សនកិច្ច ឬ ទៅគោរពស្តូបសម្គាល់និមិត្តសញ្ញាទាហានជប៉ុនកាលពីអតីតកាលនៅក្នុងទីក្រុងតួក្យូ ដូចដែលមេដឹកនាំរបស់ជប៉ុនចំនួន១៤ ដែលគេធ្វើសក្ការៈបូជានោះ ត្រូវបានសម្ព័ន្ធមិត្តផ្សេងៗសម្រេចផ្តន្ទាទោសពីបទឧក្រិដ្ឋកម្មសង្គ្រាមដែលបានបង្កឲ្យមនុស្សជាច្រើនបានស្លាប់។​​

សមាជិកសភាប្រមាណ​៩៥% បានសម្តែងការគោរពដល់ស្តូបដែលកំពុងមានភាពចម្រូងចម្រាស់នោះ នៅថ្ងៃសុក្រនេះ៕

សរសេរមកកាន់ លោក ពៅ មេត្តា តាមរយៈ minpov@vodhotnews.com

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required