បំណែកមួយចំនួនដែលគេសង្ស័យថា ជាផ្នែកនៃយន្តហោះ MH370 របស់ម៉ាឡេស៊ី ហោះហើរពីកូឡាឡាំពួទៅ ទីក្រុងប៉េកាំងនោះ ហើយបាត់កាលពីឆ្នាំ២០១៤ ត្រូវបានគេប្រទះឃើញនៅភាគខាងជើងតំបន់ដែលក្រុមអ្នកស្រាវជ្រាវបានស្វែងរកកាលពីពេលបាត់ភ្លាមៗ។
យន្តហោះ MH370 បានបាត់ពេលហោះដឹកអ្នកដំណើរចេញពីម៉ាឡេស៊ីទៅ ចិន ហើយមានផ្ទុះមនុស្ស២៣៩នាក់។ ក្រោយពេលបាត់ម៉ាឡេស៊ី និង ប្រទេសផ្សេងៗជាច្រើនទៀត រួមទាំងអូស្ត្រាលី អាមេរិក ចិន ជាដើមបានជួយរកប៉ុន្តែនៅតែរកមិនឃើញ។
ថ្មីៗនេះ អ្នកស្រាវជ្រាវបានប្រទះឃើញបំណែកនៃស្លាបយន្តហោះ Boeing 777 ជាលើកដំបូង ហើយពួកគេសង្ស័យថា បំណែកនៅជិតទីតាំងដែលសង្ស័យថា បាត់នោះជា ស្លាបរបស់យន្តហោះ MH370។ នេះបើតាមសារព័ត៌មានBBC។
តំបន់ដែលគេសង្ស័យថា យន្តហោះនោះធ្លាក់មានទំហំប្រមាណ២៥០០០គីឡូម៉ែត្រការ៉េ គឺនៅភាគខាងត្បូងនៃមហាសមុទ្រឥណ្ឌា៕