អន្តរជាតិ

ពួកបះបោរហ្វីលីពីនចាប់សិស្សជាចំណាប់ខ្មាំង តែយោធាថាដោះស្រាយរួចហើយ

លោក ឌិត សុខធី
| ២១ មិថុនា ២០១៧
ម៉ោង ១៦:៤៦

អ្នកនាំពាក្យយោធាហ្វីលីពីន បាននិយាយថា ការចាប់មនុស្សជាចំណាប់ខ្មាំងនៅឯសាលារៀនបឋមសិក្សាមួយកន្លែងនៅភាគខាងត្បូងហ្វីលីពីន ត្រូវបានដោះស្រាយរួចហើយនៅថ្ងៃនេះ ហើយពួកបះបោរឥស្លាមជ្រុលនិយម ដែលបានចាប់មនុស្សជាចំណាប់ខ្មាំងនោះ ក៏បានដកថយផងដែរ ដោយមិនមានរបាយការណ៍មហន្តរាយនោះឡើយ។ នេះដោយយោងតាមការផ្សាយរបស់ទីភ្នាក់ងារព័ត៌មាន Reuters។

លោកឧត្ដមសេនីយ៍ Restituto Padilla បានប្រាប់អ្នកយកព័ត៌មានថា ប៉ុន្តែ ទាហានកំពុងតែស៊ើបអង្កេតថា តើជនស៊ីវិល ៥រូបទៀត កំពុងស្ថិតក្រោមការចាប់ខ្លួនរបស់ពួកបះបោរដដែល ឬយ៉ាងណា។ លោកបន្ថែមថា ពុំមានក្មេងណាម្នាក់ត្រូវបានចាប់ជាចំណាប់ខ្មាំងនោះឡើយ។

របាយការណ៍ប៉ូលិស បាននិយាយថា ជនប្រដាប់អាវុធប្រហែល ៣០០នាក់ បានសម្រុកចូលក្នុងសាលារៀនមួយនៅសង្កាត់ Pigcawayan នៅភាគខាងជើងខេត្ត Cotabato ស្ថិតនៅលើកោះមិនដាណាវ និងបានចាប់សិស្សមួយចំនួនជាចំណាប់ខ្មាំង៕

កងទ័ពហ្វីលីពីន បានចាប់ផ្ដើមប្រតិបត្តិការបណ្ដេញពួកបះបោរឥស្លាមនៅទីក្រុងម៉ារ៉ាវី កាលពីថ្ងៃម្សិលមិញនេះ ដែលអ្នកនាំពាក្យយោធាថា ដើម្បីបើកផ្លូវសម្រាប់រៀបចំបុណ្យស្រាយបួសនៅចុងសប្ដាហ៍នេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។