បុរសជានាយករងសាលាបឋមសិក្សាម្នាក់នៅខណ្ឌច្បារអំពៅ ត្រូវបានសមត្ថកិច្ចឃាត់ខ្លួននៅថ្ងៃទី ២០ កក្កដា ក្រោយពីកុមារីអាយុក្រោម១៥ឆ្នាំជាសិស្សចោទ បុរសរូបនោះថា បានប៉ះពាល់កេរ្តិ៍ខ្មាស់របស់ខ្លួនកាលពីថ្ងៃទី១៩ នៅក្នុងទីចាត់ការ។
បើតាមគេហទំព័ររបស់អគ្គស្នងការដ្ឋាននគរបាលជាតិ បានឲ្យដឹងថា បុរសជនសង្ស័យ មានឈ្មោះថា ឡុង សុខ អាយុ ៥០ឆ្នាំ ដែលជានាយករងសាលាបឋមសិក្សាវាលស្បូវ ស្ថិតនៅភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
វីអូឌីមិនទាន់បានសុំការបកស្រាយជុំវិញការចោទប្រកាន់ ពីនាយករងសាលាបឋមសិក្សារូបនោះនៅឡើយទេ នៅថ្ងៃសុក្រនេះ។
តាមអគ្គស្នងការដ្ឋាននគរបាលជាតិក្រោយពេលកុមារ និង អង្គការការធ្វើការផ្នែកការពារសិទ្ធិកុមារបានរាយការណ៍ដល់សមត្ថកិច្ច នាយករងសាលារូបនោះត្រូវបាននាំខ្លួនទៅសាកសួរនៅអធិការដ្ឋាននគរបាលខណ្ឌច្បារអំពៅ។