អន្តរជាតិ

បំផ្ទុះគ្រាប់បែកនៅតួកគីសម្លាប់យ៉ាងតិច៣០នាក់ និង៩៤នាក់រងរបួស

លោក ឌិត សុខធី
| ២១ សីហា ២០១៦
ម៉ោង ១១:១៣

យោងតាមការផ្សាយរបស់សារព័ត៌មាន BBC បានឲ្យដឹងថា មនុស្សយ៉ាងតិច ៣០នាក់ ត្រូវបានសម្លាប់ ហើយ ៩៤នាក់ទៀត បានរងរបួស នៅក្នុងហេតុការណ៍បំផ្ទុះគ្រាប់បែកមួយ នៅខាងក្រៅពិធីរៀបមង្គលការមួយ នៅភាគខាងត្បូងទីក្រុង Gaziantep របស់ប្រទេសតួកគី កាលពីយប់មិញ។

BBC បានដកស្រង់សម្ដីរដ្ឋាភិបាលតួកគី ដែលបានចាត់ទុកហេតុការណ៍នេះជា«ការវាយប្រហារភេរវកម្ម» រៀបចំឡើងដោយជនបំផ្ទុះគ្រាប់បែកអត្តឃាត។

BBC បានឲ្យដឹងទៀតថា ទីក្រុង Gaziantep ស្ថិតនៅចម្ងាយ ៦៤គីឡូម៉ែត្រ ពីព្រំដែនប្រទេសស៊ីរី។

ក្នុងរយៈពេលសប្ដាហ៍មកនេះ ប្រទេសតួកគីបានទទួលរងការបំផ្ទុះគ្រាប់បែកជាបន្តបន្ទាប់ ព្រមទាំងការប៉ុនប៉ងធ្វើរដ្ឋប្រហារយោធាមិនបានសម្រេចផងដែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។