រដ្ឋាភិបាលយោធាថៃប្រកាសថា ប្រើប្រាស់ទឹកប្រាក់៣ពាន់លានបាតស្មើនឹងប្រមាណ៩០លានដុល្លារអាមេរិក សម្រាប់ចាត់ចែងក្នុងការរៀបចំសម្ភារមានតម្លៃ និង ការចំណាយទូទៅនៅក្នុងបុណ្យបូជាព្រះសពស្តេចថៃភូមិវិបុល ដែលប្រព្រឹត្តទៅនៅសប្តាហ៍ក្រោយនេះ។
ក្សត្រថៃភូមិវិបុល បានចូលទិវង្គតកាលពីថ្ងៃទី១៣ខែតុលាឆ្នាំ២០១៦ ក្នុងព្រះជន្ម៨៨ព្រះវស្សា។ ព្រះអង្គគ្រងរាជសម្បត្តិរយៈពេល៧០ឆ្នាំ។នេះបើតាមទីភ្នាក់ងារព័ត៌មានរ៉យទ័រ។
បន្ទាប់ពីតម្កល់ទុករយៈពេលជាង១ឆ្នាំ រដ្ឋាភិបាលយោធាថៃ រៀបចំពិធីបូជាព្រះសពនៅថ្ងៃទី២៦ខែតុលាឆ្នាំ២០១៧ គឺនៅសប្តាហ៍ក្រោយនេះ។
ពិធីបូជាសពនៅសប្តាហ៍ក្រោយនេះ នឹងមានអ្នកចូលរួមប្រមាណ២៥០ ០០០នាក់។ ពិធីបូជាសពនេះ រដ្ឋាភិបាលយោធាថៃរៀបចំសម្ភារមានតម្លៃជាច្រើនក្នុងនោះមានទាំងកោដ្ឋធ្វើពីមាសទុកសម្រាប់ដាក់អដ្ឋិធាតុ(ឆ្អឹង)។