អាជ្ញាធរ​ឧតុនិយម​ថា ខេត្ត​មួយ​ចំនួន​នឹង​រង​ភ្លៀង​ធ្លាក់​កក់​ខែ​ថ្ងៃ​នេះនិង​ស្អែក

ដោយ លោក ហួត វុទ្ធី​​ | ថ្ងៃព្រហស្បតិ៍ ទី២២ ខែកុម្ភៈ ឆ្នាំ២០១៨​ ម៉ោង 11:52 AM | បរិស្ថាន | 0 | 3683

ក្រសួងធនធានទឹក និងឧតុនិយម បាន​ប្រកាស​ថា ខេត្តមួយចំនួននៃប្រទសកម្ពុជា អាចនឹងមានភ្លៀងកក់ខែធ្លាក់បន្តទៀត បើទោះជាព្យុះសាន់បា បាន​ថម​ថយ​ឥទ្ធិពល​របស់​ខ្លួន​​នៅ​ក្នុង​សប្តាហ៍នេះ​ក៏​ដោយ។

ក្នុង​សេចក្តីជូនដំណឹងកាលពីម្សិលមិញ ក្រសួងធនធានទឹក ឲ្យដឹងថា មកដល់ពេលនេះព្យុះសាន់បាបានអស់ឥទ្ធិពលទាំងស្រុងហើយ ប៉ុន្តែ ខ្យល់សមុទ្រដែលបក់មកពីទិសខាងកើត និងកម្រិតសម្ពាធទាបខ្សោយដែលកំពុងបង្កើនឥទ្ធិពល នឹងបង្កជាភ្លៀងកក់ខែពីមធ្យមទៅច្រើននៅថ្ងៃទី២២និង២៣ កុម្ភៈនេះ។

ក្រសួង​បាន​បន្ថែម​ថា ខេត្តក្រុងដែលអាចទទួលរងភ្លៀងកក់ខែមានដូចជា ភ្នំពេញ កំពង់ឆ្នាំង ពោធិសាត់ បាត់ដំបង ប៉ៃលិន សៀមរាប កណ្តាល កំពង់ស្ពឺ តាកែវ ស្វាយរៀង ព្រៃវែង និងបណ្តាខេត្តតាមមាត់សមុទ្រ៕

សរសេរមកកាន់ លោក ហួត វុទ្ធី តាមរយៈ hourtvuthy@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required