ប្រជាពលរដ្ឋ នៅភូមិមាន ឃុំថ្មី ស្រុកចិត្របុរី ខេត្តក្រចេះ បានលើកឡើងពីបញ្ហាប្រឈមរបស់ពួកគាត់ ទាក់ទងនឹងការសិក្សារបស់កូនៗគាត់ ដោយផ្លូវពិបាកធ្វើដំណើរខ្លាំង។
ពួកគាត់លើកឡើងថា មានសិស្សជាច្រើនកំពុង ជួបការលំបាក ដោយត្រូវធ្វើដំណើរចេញពីផ្ទះមកសាលារៀនបឋមសិក្សាវត្តដូនត្រី ភូមិច្រណោលចម្ងាយប្រមាណ ២ គឺឡូម៉ែត្រ។
ពួកគាត់បន្តថា ការសិក្សារបស់កូនៗពួកគាត់គឺលំបាកណាស់ ព្រោះផ្ទះនៅឆ្ងាយពីសាលាហើយស្ថានភាព គ្រួសារក៏ពីបាកគ្មានសម្ភារៈសិក្សាគ្រប់គ្រាន់ ហើយមធ្យោបាយធ្វើដំណើក៏គ្មាន។
តាមការសង្កេតឃើញជាក់ស្ដែង ភូមិនេះសម្បូរដោយជនជាតិភាគតិច (កួយ ) ដែលមិនទាន់មានការអភិវឌ្ឍន៍នៅឡើយ។
ការអប់រំមិនទាន់មានសាលារៀន ពួកគាត់សម្តែងនូវក្តីបារម្ភជាខ្លាំង ដោយកូនៗរបស់គាត់ធំៗអស់ហើយ មិនទាន់បានចូលសាលារៀន និងបានចេះអក្សរនឹងគេសោះសូម្បីតែបន្តិច។
ក្រុមប្រជាពលរដ្ឋបានស្នើសុំទៅអាជ្ញាធរ នឹងអង្គការនានាជួយផ្ដល់សាលារៀនមួយខ្នងសម្រាប់ភូមិពួកគាត់ ដើម្បីឲ្យកូនៗពួកគាត់បានចូលរៀននឹងគេ៕
ដោយពលរដ្ឋអ្នកសារព័ត៌មានខេត្តក្រចេះ អ្នកស្រី ណេត នឿន
