វគ្គបណ្តុះបណ្តាលស្តីពីការរាយការណ៍ព័ត៌មានផ្នែកសិទ្ធិមនុស្សរយៈពេលពីរថ្ងៃចាប់ពីថ្ងៃទី ២៩-៣០ មីនា ឆ្នាំ ២០១៧ បានប្រារព្វធ្វើនៅភោជនីយដ្ឋានអ័រគីដេ ក្រុងភ្នំពេញដែលមាន ពលរដ្ឋសារព័ត៌មានប្រុស-ស្រីចំនួន ២៨នាក់ មកពីបណ្តាខេត្តផ្សេងៗដូចជា បន្ទាយមានជ័យ ពោធិ៍សាត់ កំពង់ឆ្នាំង កំពង់ធំ ក្រចេះ ខេត្ត កណ្តាល និងក្រុងភ្នំពេញផងដែរ។
តំណាងមកពីការិយាល័យឧត្តមស្នងការអង្គការសហប្រជាជាតិប្រចាំនៅកម្ពុជា (OHCHR/CSU) លោក អាង ចន្ទ័រិទ្ធិនិងលោក សឿន សាលី បានធ្វើបទបង្ហាញសំខាន់ៗមួយចំនួនដល់ពលរដ្ឋអ្នកសារព័ត៌មានរួមមាន៖
- បទបង្ហាញស្តីពីទស្សនៈនៃសិទ្ធិមនុស្ស
- បទបង្ហាញស្តីពី គោលការណ៍ជាមូលដ្ឋាន សម្រាប់ការចងក្រងឯកសារស្តីពី ការរំលោភសិទ្ធិមនុស្ស
- បទបង្ហាញស្តីពី យន្តការការពារសុវត្ថិភាព និងសន្តិសុខ ដល់អ្នកការពារសិទ្ធិមនុស្ស /អ្នកសារព័ត៌មាន
- ការរាយការណ៍ព័ត៌មានស្តីពីសិទ្ធិមនុស្ស និង
- ការរាយការណ៍ព័ត៌មានប្រកបដោយសុវត្ថិភាព។
ដោយពលរដ្ឋអ្នកសារព័ត៌មានខេត្តបន្ទាយមានជ័យ លោក ហូ តុងហាន់