លោកនាយករដ្ឋមន្ត្រីហ៊ុន សែន បានថ្លែងថា កម្ពុជាឈរនៅលំដាប់ថ្នាក់ទី៥ ក្នុងអាស៊ានជាប្រទេសផ្តល់ប្រាក់ខែដល់មន្ត្រីរាជការខ្ពស់ រាប់ចាប់ពីមន្ត្រីថ្នាក់ទាបជាងគេឡើងទៅ ដោយថាមកពីរដ្ឋាភិបាលធ្វើកំណែទម្រង់ហិរញ្ញវត្ថុសាធារណៈ។
លោកថ្លែងបែបនេះក្នុងកម្មវិធីប្រគល់សញ្ញាបត្រដល់គរុសិស្ស និងនិស្សិតបញ្ចប់ការសិក្សា នៅវិទ្យាស្ថានជាតិអប់រំ នាថ្ងៃនេះថា ដើមចមដែលនាំឲ្យប្រាក់ខែគ្រូបង្រៀន មន្ត្រីរាជការ ដំឡើងជាបន្តបន្ទាប់ ដោយសារបច្ចុប្បន្ននេះកម្ពុជាមានសន្តិភាព និងរដ្ឋាភិបាលធ្វើកំណែទម្រង់ហិរញ្ញវត្ថុសាធារណៈជាដើម។លោកថ្លែងបែបនេះថា
លោកថ្លែងបែបនេះថា« យើងខ្លាយទៅជាប្រទេសឈរលំដាប់ទី៥ នៃប្រាប់បៀវត្សន៍ក្នុងក្នុងអាស៊ានដែលទាបបំផុតរាប់ទាំងកូនទាហ៊ាន រាប់ទាំងមន្ត្រីដែលទាបបំផុត ហើយនេះក៏បានមកពីកំណែទម្រង់ហិរញ្ញវត្ថុសាធារណៈ ចំណូលត្រូវបង្កើន ដោយយើងមិនចាំបាច់ទៅប្រកាសដំឡើងពន្ធទេ យកឲ្យអស់តែពន្ធដែលត្រូវយក ហើយយើងនិងរួមគ្នាដើម្បីបន្តបានសន្តិភាពវាមានតម្លៃណាស់ ដូចជា ជាដូណាល់ត្រាំ គាត់ថា អាមេរិកកាំងហ្វឺស យើងដាក់ភីសហ្វឺស មានសេចក្តីថាអាទិភាពធំជាងគេសន្តិភាព បើអត់មានសន្តិភាពទេ អត់មានធ្វើអ្វីកើតទេកុំទៅឆ្ងល់»។
លោកនាយករដ្ឋមន្ត្រីមិនបានបញ្ជក់ថា ប្រទេសណាខ្លះដែលផ្តល់ប្រាក់ខែទាប និង ប្រទេសណាខ្លះផ្តល់ប្រាក់ដល់មន្ត្រីខ្ពស់ជាងកម្ពុជានោះទេ។
លើសពីនេះទៀត លោក ហ៊ុន សែន បានលើកឡើងថា ប្រទេសកម្ពុជាបច្ចុប្បន្ន បានបើកប្រាក់បៀវត្សឲ្យមន្ត្រីរាជការ មុនដំណាច់ខែ គឺខុសពីបណ្ដាប្រទេសភាគច្រើន លើពិភពលោកផងដែរ។
ទីប្រឹក្សាសមាគមគ្រូបង្រៀនកម្ពុជាឯករាជ្យ លោក រ៉ុង ឈុន យល់ថា កំណែទម្រង់ហិរញ្ញវត្ថុសាធារណៈរបស់រដ្ឋាភិបាល ប៉ុន្តែលោកថា ដើម្បីឲ្យមន្ត្រីរាជការ ជាពិសេសគ្រូបង្រៀនមានជីភាពសមរម្យ លុះត្រាតែរដ្ឋាភិបាលផ្តល់ប្រាក់ខែឲ្យពួកគេចន្លោះពី៣០០ទៅ៤០០ដល្លារក្នុងមួយខែ។ លោកផ្តល់ជាអនុសាសន៍ថា
លោកផ្តល់ជាអនុសាសន៍ថា«យើងមើលឃើញថារដ្ឋាភិបាលមានលទ្ធភាពដំឡើងប្រាក់ខែជូនមន្ត្រីរាជការ គ្រូបង្រៀនឲ្យទៅដល់៣០០ ទៅ៤០០ដុល្លារ បើសិនជាការលុបបំបាត់អំពើពុករលួយប្រមូលពន្ធដារឲ្យគត់មុតទៅ យើងនិងមានសាច់ប្រាក់សំរាប់ដំឡើងមន្ត្រីរាជការ គ្រូបង្រៀន ពីព្រោះយើងបានទាមទារ ហើយបានផ្តល់អនុសាសន៍ជាបន្តបន្ទាប់រាប់សិបឆ្នាំមកហើយ ប៉ុន្តែទើបពេលនេះ នាយករដ្ឋមន្ត្រីសារភាពថាបានធ្វើកំណែទម្រង់ដំឡើងជូនមន្ត្រីរាជការនោះ យើងសារទរក្នុងការដំឡើងជាបន្តបន្ទាប់នេះ ។
ដោយឡែកបញ្ហាសន្តិភាពវិញ លោក រ៉ុង ឈុន បកស្រាយថា នៅកម្ពុជាសន្តិភាពមានតែរូបភាពខាងក្រៅតែប៉ុណ្ណោះ ដោយថាជាក់ស្តែងអ្នកដែលរងគ្រោះពីភាពអយុត្តិធម៌សង្គម និងដៃគូប្រកួតប្រជែងនយោបាយរបស់គណបក្សកាន់អំណាចត្រូវបានបិទសិទ្ធិនយោបាយ។
បើតាមរបាយការណ៍របស់រដ្ឋាភិបាល គឺបច្ចុប្បន្នគ្រូបង្រៀនមានជិត១២ម៉ឺននាក់។ ពួកគេទទួលបានប្រាក់ខែសរុប ច្រើនបំផុតសម្រាប់គ្រូនៅមហាវិទ្យាល័យ បានជាង១លានរៀល និងកម្រិតទាបបំផុត នៅវិទ្យាល័យបានជាង៨០ម៉ឺនរៀល៕