នគរបាលថៃបានថ្លែងថា មន្ទីរពេទ្យ King Mongkut បានផ្ទុះឆេះនៅថ្ងៃចន្ទនេះ ដោយសារការបំផ្ទុះគ្រាប់បែកបណ្តាលឲ្យមនុស្សរងរបួសចំនួន២៤នាក់។
សារព័ត៌មាន Channel News Asia បានឲ្យដឹងថា ក្នុងចំណោម២៤នាក់នោះគឺរបួសស្រាល ហើយក្នុងចំណោមនោះ៣នាក់ត្រូវសម្រាកព្យាបាលនៅមន្ទីរពេទ្យនៅឡើយ។
ស្នងការរងនគរបាលថៃលោក Sriwara Rangsiramanakul ថ្លែងប្រាប់អ្នកសារព័ត៌មានថា ពេលនេះសមត្ថកិច្ចកំពុងប្រមូលភស្តុតាងនៅកន្លែងកើតហេតុនោះដើម្បីកំណត់មុខសញ្ញាស្វែងរកអ្នកបង្ក។
សមត្ថកិច្ចស្រាវជ្រាវស្វែងរកនៅលើកាម៉េរ៉ាសុវត្ថិភាព ដែលបញ្ជាក់ថា ចំណុចផ្ទុះកើតឡើងនៅជិតបន្ទប់មន្ត្រីយោធាចូលនិវត្តន៍ជាអ្នកជំងឺសម្រាក៕