អាជ្ញាធរប៊ែលហ្ស៊ិកបានឃាត់ខ្លួនមនុស្ស៤នាក់ ពាក់ព័ន្ធករណីភេរវកម្មបំផ្ទុះគ្រាប់បែកកាលពីថ្ងៃអង្គារនៅកណ្តាលទីក្រុងប្រុចសែល ហើយបរាជ័យ។
ការឃាត់ខ្លួននេះ ធ្វើឡើងក្រោយពេល ដែលសមត្ថកិច្ចបើកការស៊ើបអង្កេតស្រាវជ្រាវតាមផ្ទះជាបន្តបន្ទាប់ ហើយឃាត់ខ្លួនអ្នកដែលស្ថិតនៅក្នុងលក្ខខណ្ឌសង្ស័យ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
នៅក្នុងសេចក្តីថ្លែងការណ៍របស់អយ្យការបញ្ជាក់ថា ពួកគេបានស្រាវជ្រាវ ក្នុងផ្ទះរបស់មនុស្សទាំង៤នោះ នៅក្នុងតំបន់ផ្សេងៗគ្នានៅក្នុងទីក្រុងប្រុចសែល។ សមត្ថកិច្ចពាក់ព័ន្ធនៅបន្តស្រាវជ្រាវបន្ថែមទៀតពាក់ព័ន្ធការរៀបចំគម្រោងបំផ្ទុះគ្រាប់បែកនេះ៕