អន្តរជាតិ

ប្រជាជនលើពិភពលោកនឹងកើនដល់៩,៨ប៊ីលាននៅឆ្នាំ២០៥០

ដោយ វីអូឌី
| ២២ មិថុនា ២០១៧
ម៉ោង ១១:៣៩

អង្គការសហប្រជាជាតិបង្ហាញរបាយការណ៍ថា បច្ចុប្បន្នប្រជាពលរដ្ឋនៅលើពិភពលោកមានចំនួន៧,៦ ប៊ីលាន(ពាន់លាន) ហើយចំនួននេះនឹងកើនដល់៩,៨ ប៊ីលាននៅឆ្នាំ២០៥០ ខណៈប្រជាជនឥណ្ឌានឹងច្រើនជាប្រជាជនចិននៅ៧ឆ្នាំទៅមុខទៀតនេះ។

របាយការណ៍របស់នាយកដ្ឋានសង្គមកិច្ចនិងសេដ្ឋកិច្ចរបស់អង្គការសហប្រជាជាតិឲ្យដឹងទៀតថា នៅឆ្នាំ២០៥០ ប្រជាជននីហ្សេរីយ៉ា នឹងច្រើនជាងប្រជាពលរដ្ឋអាមេរិក ក្លាយជាប្រទេសមានប្រជាជនច្រើនទីបីលើពិភពលោក។

អ្នកស្រាវជ្រាវរបាយការណ៍នៅអង្គការសហប្រជាជាតិថ្លែងថា ប្រជាជនលើពិភពលោកកើនឡើងប្រមាណ៨៣លាននាក់ជារាល់ឆ្នាំ ហើយថា ចំនួននេះ នឹងនៅបន្តរហូតដល់២០៥០។

ការសិក្សាបញ្ជាក់ថា អត្រាកំណើននោះ កើនដល់៨,៦ ប៊ីនលាននៅឆ្នាំ២០៣០ កើន៩,៨ នៅឆ្នាំ២០៥០ និងកើនដល់ ១១,២ ប៊ីលាន នៅឆ្នាំ២១០០។

ចំនួនប្រជាជនឥណ្ឌា បច្ចុប្បន្នមានចំនួន១,៣ ប៊ីនលាន ជាប្រទេសមានចំនួនប្រជាជនច្រើនលំដាប់ទី២លើពិភពលោក ចំនួននេះនឹងកើនជាង ១,៤លានច្រើនជាងប្រជាជនចិននៅឆ្នាំ២០២៤៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។