រដ្ឋាភិបាល​សម្រេច​បញ្ចូល​រដ្ឋបាល​ថ្នាក់​ក្រោម​ជាតិ​ពីរ​ឲ្យ​នៅ​ក្រោម​មន្ទីរ​កសិកម្ម

ដោយ លោក សូរ្យ ជ័យឧត្ដម​​ | ថ្ងៃចន្ទ ទី២២ ខែសីហា ឆ្នាំ២០១៦​ ម៉ោង 10:23 AM | អភិបាលកិច្ចល្អ | 0 | 3415

លោកនាយករដ្ឋមន្ត្រី ហ៊ុន សែន នៅព្រឹកថ្ងៃនេះបានបញ្ជាឲ្យច្របាច់បញ្ចូលគ្នានូវរដ្ឋបាលថ្នាក់ក្រោមជាតិចំនួន ២ទៅក្នុងមន្ទីរកសិកម្មខេត្តនិងរាជធានី ដែលលោកបញ្ជាក់ថាដើម្បីជំរុញប្រសិទ្ធភាពនៃការគ្រប់គ្រងនិងទប់ស្កាត់ការបំផ្លិចបំផ្លាញធនធានធម្មជាតិ។

ថ្លែងនៅវេទិកាការការពារនិងអភិរក្សបរិស្ថានធម្មជាតិនៅឯវិមានសន្តិភាពនៅព្រឹកថ្ងៃនេះ លោកនាយករដ្ឋមន្ត្រី ហ៊ុន សែន ថ្លែងថាលោកបានណែនាំទៅរដ្ឋមន្ត្រីក្រសួងកសិកម្ម លោក វេង សុខុន ឲ្យបញ្ចូលរដ្ឋបាលជលផល និងរដ្ឋបាលព្រៃឈើនៅទូទាំងប្រទេសឲ្យស្ថិតនៅក្រោមមន្ទីរកសិកម្ម រុក្ខាប្រមាញ់ និងនេសាទ ខេត្តនិងរាជធានី ដោយលោកបញ្ជាក់ថាដើម្បីជំរុញប្រសិទ្ធភាពនៃការទប់ស្កាត់បទល្មើសជលផលនិងការកាប់បំផ្លាញព្រៃឈើ។

លោកនាយករដ្ឋមន្ត្រី ហ៊ុន សែន ក៏បានប្រកាសផងដែរ អំពីការរៀបចំជំនួបជាប្រចាំរវាងស្ថាប័នរដ្ឋាភិបាល ដែលទទួលខុសត្រូវលើការងារការពារនិងអភិរក្សបរិស្ថានធម្មជាតិនិងដៃគូពាក់ពាក់នានា ជាពិសេសអង្គការសង្គមស៊ីវិលដែលធ្វើការងារលើការពារបរិស្ថាននិងធនធានធម្មជាតិ។

វេទិកាថ្ងៃនេះត្រូវបានរៀបចំធ្វើឡើង បន្ទាប់ពីលោកនាយករដ្ឋមន្ត្រី ហ៊ុន សែន កាលពីថ្ងៃទី១ ខែកក្កដាកន្លងមក បានប្រកាសគាំទ្រនិងជំរុញចលនាការពារធនធានធម្មជាតិរបស់សាធារណជន៕

សរសេរមកកាន់ លោក សូរ្យ ជ័យឧត្ដម តាមរយៈ oudom@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required