ប្រព័ន្ធផ្សព្វផ្សាយអន្តរជាតិនានាបានចុះផ្សាយថានៅក្នុងប្រទេសកូរ៉េខាងជើងជាប្រទេសរឹតត្បិតសេរីភាពមានគេហទំព័រតែចំនួន២៨ប៉ុណ្ណោះដែលបានចុះបញ្ជីនិងកំពុងដំណើរការនៅពេលបច្ចុប្បន្ននេះ។
ការលេចធ្លាយរបាយការណ៍នេះគឺដោយសារមានកំហុសផ្នែកបច្ចេកទេសរបស់អ្នកគ្រប់គ្រងបច្ចេកទេសនៅកូរ៉េខាងជើង ហើយបានបង្ហាញថាមានតែគេហទំព័រចំនួន២៨ប៉ុណ្ណោះដែលបានចុះបញ្ជីដំណើរការ។ នេះបើតាមសារព័ត៌មាន Channel News Asia។
សារព័ត៌មាន The Guardina បានចុះផ្សាយថាគេបានរកឃើញចំនួននៃគេហទំព័រនៅក្នុងប្រទេសកូរ៉េខាងជើងកាលពីថ្ងៃអង្គារនៅក្នុងសប្តាហ៍នេះ។
កូរ៉េខាងជើងដែលកំពុងស្ថិតក្នុងការដឹកនាំបែបគ្រួសារនិយមផ្តាច់ការកំពុងមានការរឹតត្បិតខ្លាំងលើវិស័យសារព័ត៌មាននិងបច្ចេកវិទ្យាផ្សេងៗ៕