មន្ត្រីនគរបាលបានឲ្យដឹងថា យ៉ាងហោចណាស់មានមនុស្សម្នាក់បានស្លាប់ ហើយ ៩នាក់ទៀត ត្រូវបានបញ្ជូនទៅសង្រ្គោះបន្ទាន់បន្ទាប់ពីពួកគេពុលត្រីកំពតនៅស្រុកគីរីសាគរ ខេត្តកោះកុងកាលពីថ្ងៃម្សិលមិញនេះ។
ស្នងការគរបាលខេត្តកោះកុង លោក សំឃិត វៀង ប្រាប់វីអូឌីនៅថ្ងៃនេះថា ប្រជានេសាទ ១០នាក់នៅភូមិកោះស្ដេច ឃុំកោះស្ដេច បានពុលត្រីកំពតកាលពីល្ងាចថ្ងៃម្សិលមិញនេះ ដោយមនុស្សម្នាក់បានស្លាប់ ហើយ ៩នាក់ទៀតត្រូវបានបញ្ជូនទៅសង្គ្រោះបន្ទាន់។
មន្ត្រីនគរបាលរូបនេះបន្តថា រហូតមកដល់ថ្ងៃនេះ ពលរដ្ឋទាំង ៩នាក់នោះ បានធូរស្បើយវិញហើយ។
របាយការណ៍ក្រសួងសុខាភិបាល ឲ្យដឹងថា ករណីពុលចំណីអាហារក្នុងឆ្នាំ២០១៧ កើតមានលើមនុស្ស ៩៤៧នាក់ ក្នុងនោះមានមនុស្ស ៤នាក់ បានស្លាប់ដោយសារពុលស្រា ដែលចំនួននេះ បានធ្លាក់ចុះជិត ២០ភាគរយ បើធៀបទៅនឹងឆ្នាំ២០១៦៕