នាយករដ្ឋមន្ដ្រីនៃប្រទេសអង់គ្លេសលោក David Cameron កំពុងរៀបចំបង្ហាញផែនការជាផ្លូវការរបស់លោកចុងក្រោយដើម្បីសុំឲ្យមានការធ្វើប្រជាមតិស្ដីអំពីសមាជិកភាពរបស់អង់គ្លេសនៅក្នុងសហភាពអឺរ៉ុបដែលនឹងធ្វើឡើងនៅថ្ងៃទី២៣មិថុនាបន្ទាប់ពីសភាអនុម័ត។
ទីភ្នាក់ងារសារព័ត៌មាន AFP បានរាយការណ៍ថាលោក David Cameron ដែលចង់ឲ្យអង់គ្លេសនៅតែជាផ្នែកមួយនៃសមាជិកសហភាពអឺរ៉ុបនោះគឺលោកត្រូវធ្វើដំណើរទៅបកស្រាយផែនការរបស់លោកនៅចំពោះមុខតំណាងរាស្ដ្រនៅថ្ងៃចន្ទសប្ដាហ៍ក្រោយនេះ។
កន្លងមកប្រទេសអង់គ្លេសបានគំរាមដើរចេញពីសហភាពអឺរ៉ុបនោះត្រូវបានអ្នកសង្កេតការណ៍មើលឃើញថាអង់គ្លេសមិនសប្បាយចិត្តចំពោះការប្រើប្រាស់រូបិយប័ណ្ណរួមដែលអង់គ្លេសនៅតែទទួចថារូបិយប័ណ្ណខ្លួនគួរតែធ្វើចរាចរណ៍នៅគ្រប់ប្រទេសទាំងអស់។
សហភាពអឺរ៉ុបបច្ចុប្បន្នមានសមាជិករបស់ខ្លួន២៨ប្រទេស។ ប្រទេសដែលមានសេដ្ឋកិច្ចជឿនលឿនជាងគេគឺមានអង់គ្លេស អាឡឺម៉ង និងប្រទេសបារាំង បច្ចុប្បន្នសហភាពអឺរ៉ុបចាយរូបិយប័ណ្ណរួមគ្នាគឺប្រាក់អឺរ៉ូ៕
ប្រភព:AFP
