ក្រុមហ៊ុន VietJet បញ្ជា​ទិញ​យន្ត​ហោះ Boeing ១០០​គ្រឿង

(រូបភាពពី Reuters)

ក្រុមហ៊ុនអាកាសចរណ៍ VietJet របស់ប្រទេសវៀតណាមនៅថ្ងៃចន្ទនេះបានឯកភាពលើការបញ្ជាទិញយន្តហោះ Boeing ចំនួន១០០គ្រឿងក្នុងតម្លៃ១១.៣ពាន់លានដុល្លារ ដែលធ្វើឲ្យក្រុមហ៊ុនមួយនេះក្លាយជាក្រុមហ៊ុនដឹកជញ្ជូនតម្លៃថោកដែលរីកលូតលាស់លឿនបំផុតនៅក្នុងតំបន់។

សារព័ត៌មាន Channel News Asia ដែលបានដកស្រង់សេចក្ដីរបស់ក្រុមហ៊ុនបានរាយការណ៍ថាការប្រគល់យន្តហោះ Boeing 737 MAX 200 នេះគ្រោងធ្វើឡើងចាប់ពីឆ្នាំ២០១៩ដល់ឆ្នាំ២០២៣ ជាពេលដែលក្រុមហ៊ុន VietJet នឹងមានយន្តហោះដឹកជញ្ជូនជាង២០០គ្រឿង ក្នុងមាននោះយន្តហោះ Boeing និងយន្តហោះ Airbus ផងដែរ ដើម្បីសម្រួលទៅតាមផែនការពង្រីកខ្លួនរបស់ក្រុមហ៊ុន។

នៅក្នុងសេចក្ដីប្រកាសនោះក្រុមហ៊ុន VietJet បាននិយាយថាកិច្ចព្រមព្រៀងនេះគឺជាការទិញយន្តហោះពាណិជ្ជកម្មដ៏ច្រើនបំផុតមិនធ្លាប់មាននៅក្នុងឧស្សាហកម្មអាកាសចរណ៍វៀតណាមនិងត្រូវបានចុះហត្ថលេខានៅចំពោះមុខប្រធានាធិបតីវៀតណាមនិងប្រធានាធិបតីអាមេរិកដែលកំពុងបំពេញទស្សនកិច្ចរយៈពេល៣ថ្ងៃនៅប្រទេសកុំម្មុយនីស្តមួយនេះ។

ក្រុមហ៊ុននេះក៏បានចុះហត្ថលេខាលើកិច្ចព្រមព្រៀងបញ្ជាទិញម៉ាស៊ីនយន្តហោះមានតម្លៃជាង៣ពាន់លានដុល្លារសម្រាប់បំពាក់លើយន្តហោះ Airbus A321 ចំនួន៣០គ្រឿងដែលបានបញ្ជាទិញកាលពីខែវិច្ឆិកាឆ្នាំមុន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ