រដ្ឋមន្ត្រីកសិកម្ម៖ កសិករធ្វើបាតុកម្មបង្ហាញថា​កសិផលគាប់ប្រសើរលើសការរំពឹងទុក

 

រដ្ឋមន្ត្រីក្រសួងកសិកម្ម រុក្ខប្រមាញ់ និង នេសាទ លើកឡើងថា ករណីកសិករធ្វើបាតុកម្មចាក់ស្រូវបិទផ្លូវនៅពេលថ្មីៗនេះ ជាសញ្ញាបង្ហាញថា ផលិតផលកសិកម្មនៅឆ្នាំនេះ ទទួល បានផលគាប់ប្រសើរលើសការរំពឹងទុក។

បន្ទាប់ពីកម្មវិធីចុះហត្ថលេខាលើអនុស្សរណៈនៃការយោគយល់គ្នារវាងសកលវិទ្យាល័យភូមិន្ទកសិកម្ម និង ទីភ្នាក់ងារសហរដ្ឋអាមេរិកសម្រាប់អភិវឌ្ឍន៍អន្តរជាតិ ស្តីពីការបង្កើតមជ្ឈមណ្ឌលឧត្តមភាពប្រពលវប្បកម្មកសិកម្មនិរន្តរភាព និង អាហារូបត្ថម្ភ កាលពីម្សិលមិញលោក វេង សាខុន ប្រាប់អ្នកសារព័ត៌មានថា កសិករនៅខេត្តបាត់បង់ចាក់ស្រូវបិទផ្លូវគឺបង្ហាញថា ទិន្នផលស្រូវផលិតបានគាប់ប្រសើរលើសផែនការ។ នេះ បើតាមការចុះផ្សាយរបស់វិទ្យុអាស៊ីសេរី។

ទន្ទឹមនឹងនោះ លោក វេង សាខុន ក៏បានលើកឡើងដែរថា ការធ្វើបាតុកម្មនោះ ជាការញុះញង់ឡើងរបស់ក្រុមណាមួយ ដើម្បីផលចំនេញនយោបាយ។

កាលពីថ្ងៃទី១៨ ខែកញ្ញា កសិករ ប្រមាណ១ពាន់នាក់ នៅស្រុកសង្កែ ខេត្តបាត់ដំបង បាននាំគ្នាចាក់ស្រូវប្រមាណ៣០០គីឡូក្រាមបិទផ្លូវជាតិលេខ៥ ដើម្បីតវ៉ាទាមទារឲ្យ រដ្ឋា ភិបាល ជួយដោះស្រាយរកទីផ្សារ សម្រាប់លក់ស្រូវរបស់ពួកគេ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ