សមត្ថកិច្ចថៃ ឃាត់ខ្លួនពលករខ្មែរជាបន្តបន្ទាប់បានចំនួន ១៨នាក់ ខណៈពេលលួចចូលទៅកាប់ឈើក្រញូង ក្នុងតំបន់ឧទ្យានជាតិមួយកន្លែង នៅខេត្តនគរាជសីម៉ា ត្រូវបានអនុវត្តន៍តាមនីតិវិធីច្បាប់។
តាមការចុះផ្សាយរបស់អគ្គស្នងការដ្ឋាននគរបាលជាតិ នៅព្រឹកថ្ងៃសៅរ៍នេះ បានឲ្យដឹងថា សមត្ថកិច្ចថៃបានឃាត់ខ្លួនពលករខ្មែរជាបន្តបន្ទាប់បានចំនួន ១៨នាក់ ដែលលួចចូលទៅកាប់ឈើក្រញូង ក្នុងតំបន់ព្រៃឧទ្យានជាតិថាប់ឡានទីបីខ្នងម៉ាន់ ស្រុកខនបូរី ចាប់ពីថ្ងៃទី ១៨ដល់ថ្ងៃទី ២២ខែកញ្ញា ហើយរឹបអូសបានវត្ថុតាង និងសម្ភារមួយចំនួន។
សមត្ថកិច្ចថៃបានបញ្ជាក់ថា ពលករខ្មែរទាំង ១៨នាក់ ដែលលួចចូលទៅកាប់ឈើដោយខុសច្បាប់ ហើយត្រូវសមត្ថកិច្ចឃាត់ខ្លួនបាន ពេលនេះកំពុងទទួលទោសតាមនិតិវិធីច្បាប់របស់ប្រទេសថៃ៕
ម៉ាប់ ស៊ុយ [email protected]