ប្រធានាធិបតីជាប់ឆ្នោត លោក ដូណាល់ ត្រាំ បានចាប់ផ្ដើមបន្ទន់ជំហររបស់ខ្លួន ចំពោះការចោទទៅប្រព័ន្ធផ្សព្វផ្សាយថា “មិនយុត្តិធម៌”។ លោកបានបន្ទន់ជំហរជាមួយប្រព័ន្ធផ្សព្វផ្សាយ ដោយបានអង្គុយជជែកយ៉ាងសមរម្យជាមួយកាសែត ញូវយ៉ក ថែមស៍ និងបានហៅកាសែតមួយនេះថាជា “គ្រាប់គុជពិភពលោក”។
ការផ្លាស់ប្ដូរជំហរបែបនេះ បង្ហាញសញ្ញាសន្តិភាពរនៅក្នុងវិវាទដ៏ល្វីងជូរចត់រវាងលោក ត្រាំ និងប្រព័ន្ធផ្សព្វផ្សាយ។
លោក ត្រាំ កន្លងមកបានថ្លែងរិះគន់កាសែតអាមេរិកមួយនេះថា តែងតែចុះផ្សាយវាយប្រហាររូបលោក តាមរយៈការផ្ដោតលើសម្ដីកោងកាចរបស់លោក។
បន្ទាប់ពីមានមន្ទិលសង្ស័យថា តើនឹងមានជំនួបរវាងលោកជាមួយកាសែតនេះ នឹងអាចកើតឡើង ឬយ៉ាងណានោះ អនាគតប្រធានាធិបតីរូបនេះ បានយល់ព្រមអង្គុយផ្ដល់កិច្ចសម្ភាសដល់អ្នកយកព័ត៌មានរបស់កាសែតមួយនេះ៕
