ប្រធានាធិបតីសហរដ្ឋអាមេរិកលោក ដូណល ត្រាំ ប្រកាសប្តេជ្ញាលុបបំបាត់ ពួកធ្វើសកម្មភាពរើសអើង ឬពួកព្យាយាមប្រឆាំងជ្វីព លោកលើកឡើងបែបនេះ ក្នុងឱកាសពិធីចងចាំនៃសម្លាប់រង្គាលនៃប្រទេសអ៊ីសស្រាអែល។
ក្នុងវីឌីអូក្លីប រយៈពេល៤នាទីផ្ញើទៅការជួបជុំយ៉ាងធំមួយលំដាប់ពិភពលោករបស់ប្រជាជនជ្វីពនៃប្រទេសអ៊ីសស្រាអែល លោក ដូណល ត្រាំ បានអំពាវនាវឲ្យលុបបំបាត់ចោលនូវរបបខ្មៅងងឹតនៃការរំលោភសិទ្ធិមនុស្សដែលលោកសន្យាថា មិនឲ្យកើតមានម្តងទៀតនោះទេ។
ជនជាតិជ្វីព៦លាននាក់ គឺ២ភាគ៣នៃប្រជាពលរដ្ឋជ្វីពនៅអឺរ៉ុប ត្រូវបានគេសម្លាប់ដោយឧក្រិដ្ឋកម្មណាស៊ីចន្លោះឆ្នាំ១៩៣៣ដល់ ១៩៤៥។ លោកត្រាំហៅការសម្លាប់នោះថា ជាអំពើបាបធ្ងន់ធ្ងរដែលមិនអាចពិពណ៌នាបាន ហើយអ្នកធ្វើទាំងនោះគ្មានភាពជាមនុស្ស។
លោក ត្រាំ ថ្លែងថា លោកប្រឆាំងរាល់ឧក្រិដ្ឋកម្មសម្លាប់គ្រប់ទីកន្លែង ប្រឆាំងអំពោះភេរវកម្ម និង ប្រឆាំងរាល់ការគំរាមកំហែងនានា ហើយបើកឲ្យមានការពិភាក្សាជាចំហរាល់ការខូចខាតនានាដែលអ៊ីសស្រាអែលបានជួបប្រទះ៕
