សេចក្ដីរាយការណ៍ បានផ្សាយថា មិត្តភក្តិរបស់អតីតប្រធានាធិបតីកូរ៉េខាងត្បូង អ្នកស្រី ផាក ហ្គឹនហេ ដែលរុំព័ទ្ធទៅដោយរឿងអាស្រូវប្រើប្រាស់ឥទ្ធិពលនោះ ត្រូវបានតុលាការកាត់ទោសឲ្យជាប់គុក ៣ឆ្នាំ។ នេះដោយយោងតាមការផ្សាររបស់ទីភ្នាក់ងារព័ត៌មាន Reuters យោងទៅតាមសេចក្ដីរាយការណ៍របស់ទីភ្នាក់ងារព័ត៌មានកូរ៉េខាងត្បូងយ៉ុហាប់។
អ្នកស្រី ផាក និងមិត្តិភក្តិជិតស្និទរបស់គាត់អ្នកស្រី ឆយ ស៊ុនស៊ីល ត្រូវបានតុលាការកូរ៉េខាងត្បូងសម្រេចដាក់ឲ្យនៅក្រោមការឃុំខ្លួន ជុំវិញរឿងអាស្រូវពុករលួយ និងប្រើប្រាស់ឥទ្ធិពល ដែលរឿងអាស្រូវនោះបានធ្វើឲ្យរញ្ជួយពិភពនយោបាយ និងជំនួញធំៗរបស់ប្រទេសនេះ។
យ៉ុនហាប់ បានផ្សាយថា រដ្ឋអាជ្ញាបានទាមទារឲ្យដាក់ទោសអ្នកស្រី ឆយ ឲ្យជាប់គុក ៧ឆ្នាំ ក្រោមការចោទថា បង្កការលំបាកនៅក្នុងវិស័យពាណិជ្ជកម្ម និងការភ្ជាប់ខ្លួនទៅនឹងអតីតប្រធានាធិបតី ដើម្បីបង្ខំឲ្យសាកលវិទ្យាល័យមួយផ្ដល់ការអនុគ្រោះដល់កូនស្រីគាត់។
អ្នកស្រី ឆយ ក៏កំពុងស្ថិតក្រោមការជម្រះទោសរួមគ្នាជាមួយអ្នកស្រី ផាក ផងដែរ ក្រោមការចោទថា ពួកគេបានបង្ខំក្រុមហ៊ុនធំៗ រួមទាំងក្រុមហ៊ុន Samsung ផងដែរ ឲ្យបរិច្ចាគប្រាក់ ១០លានដុល្លារ ទៅមូលនិធិមួយដែលអ្នកស្រី ឆយ គ្រប់គ្រង។
អ្នកស្រី ឆយ អាចប្រឈមនឹងជាប់គុបដល់ទសវត្សរ៍ ប្រសិនបើកាត់ទោសក្រោមការចោទថា កំហែងយកប្រាក់ និងរំលោភអំណាចនោះ៕