តម្រួតថៃ បានរកឃើញសាកសពជនបរទេសម្នាក់នៅក្នុងទូរក្លាសេ កាលពីថ្ងៃម្សិលមិញ អំឡុងពេលប្រតិបត្តិការបង្ក្រាបក្រុមជួញដូរគ្រឿងញៀន និងក្រុមបោកប្រាស់ នៅកណ្ដាលក្រុងបាងកក។
ទីភ្នាក់ងារព័ត៌មាន Reuters បានផ្សាយថា តម្រួតថៃនឹងចោទប្រកាន់ជនបរទេស ៣នាក់ នៃក្រុមផលិតលិខិតឆ្លងដែនក្លែងក្លាយ បន្ទាប់ពីបានរកឃើញសាកសពបុរសម្នាក់នៅក្នុងទូរក្លាសេ។
បើតាម Reuters តម្រួតថៃបានសម្រុកចូលទីតាំងមួយកន្លែង និងចាប់ជនបរទេស ៣នាក់ កាលពីថ្ងៃម្សិលមិញ នៅកណ្ដាលក្រុងបាងកក ហើយបានរកឃើញលិខិតឆ្លងដែនក្លែងក្លាយរាប់រយក្បាល នៅក្នុងទីតាំងនោះ។
ទោះជាយ៉ាងណា តម្រួតថៃមិនទាន់អាចបញ្ជាក់ពីអត្តសញ្ញាណជនសង្ស័យទាំង ៣នាក់នោះទេ ប៉ុន្តែ ពួកគេគឺជាអ្នកផលិតលិខិតឆ្លងដែនអាមេរិក និងអង់គ្លេសក្លែងក្លាយ៕