ក្រុមជាតិនិយមភូមាមានគម្រោងធ្វើបាតុកម្មការពារមាត្រា៥៩នៃរដ្ឋធម្មនុញ្ញ

(រូបភាពពី Irrawaddy)

ក្រុមជាតិនិយមភូមាមកពីក្រុមមួយនៃសមាគមព្រះពុទ្ធសាសនាប្រកាសថាពួកគេមានផែនការធ្វើមហាប្រជុំមួយដើម្បីគាំទ្រមាត្រា៥៩នៃរដ្ឋធម្មនុញ្ញដែលហាមលោកស្រី អ៊ុង សានស៊ូជី ធ្វើជាប្រធានាធិបតី។

ព្រះសង្ឈ Win KoKo មកពីបណ្ដាញជាតិនិយមភូមាបានប្រាប់សារព័ត៌មាន Irrawaddy ថាផែនការរបស់ព្រះអង្គ​គឺប្រមូលផ្ដុំគ្នានៅទីក្រុងរ៉ាំងហ្គោនដើម្បីសម្ដែងមតិការពារមាត្រា៥៩ដែលមាត្រានេះហាមឃាត់អ្នកនយោបាយដែលមានឈាមជ័រជាមួយពួកបរទេសមិនឲ្យឈរឈ្មោះជាប្រធានាធិបតី។

លោកស្រី អ៊ុង សានស៊ូជី ដែលមានកូនប្រុសពីរនាក់ ហើយឪពុករបស់ពួកគេជាជនជាតិអង់គ្លេសគឺលោកស្រីកំពុងប្រឈមមុខនឹងការតស៊ូដើម្បីបានក្លាយជាប្រធានាធិបតីដោយសារតែមាត្រា៥៩ដាក់កំហិតលើលោកស្រី។

ព្រះសង្ឈ Win KoKo មានសង្ឈដីកាថាព្រះអង្គមានក្ដីបារម្ភក្លាយតែមាត្រា៥៩នេះត្រូវបានសភាព្យួរចោល ហើយ​បើកផ្លូវឲ្យលោកស្រី អ៊ុង សានស៊ូជី បានក្លាយជាប្រធានាធិបតីហើយព្រះអង្គសំដែងការព្រួយបារម្ភទៀតនោះខ្លាចតែពួកយោធាធ្វើរដ្ឋប្រហារម្ដងទៀតនោះ។ កាលពីថ្ងៃអង្គារឧត្តមសេនីយ៍ មីន អ៊ុងឡាំង មេបញ្ជាការជាន់ខ្ពស់​នៃកងទ័ពភូមាបានទទួលសំណើរជាច្រើនឲ្យលោកព្យួរចោលមាត្រា៥៩។

ព្រះសង្ឈ Win KoKo មានសង្ឈដីការទៀតថានៅថ្ងៃ២៨កុម្ភៈព្រះអង្គនឹងដឹកនាំព្រះសង្ឈជាតិនិយមភូមាធ្វើបាតុ​កម្មប្រឆាំងចលនាណាមួយដែលមានបំណងព្យួរមាត្រា៥៩នេះ៕

ប្រភព: Irrawaddy

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ