ក្រសួង​ប្រាប់​ពលរដ្ឋ​កុំ​ឲ្យ​ជឿ​ថ្នាំ​ផ្ដាច់​គ្រឿង​ញៀន​របស់​តារា​សម្ដែង ​ស្វែង សុជាតា

ដោយ កញ្ញា យួង ចន្នី​​ | ថ្ងៃសៅរ៍ ទី២៥ ខែមីនា ឆ្នាំ២០១៧​ ម៉ោង 12:33 PM | សុខភាព | 0 | 26341 ស្វែង សុជាតា និងគ្រូក្មេង​ នា​ពេល​កន្លង​ទៅ​

ក្រសួង​សុខាភិបាល កាល​ពី​ថ្ងៃ​ម្សិល​មិញ​នេះ បាន​ប្រតិកម្ម​ទៅ​នឹង​​ការ​ចុះ​ផ្សាយ​​អត្ថបទ​មួយ ដែល​និយាយ​ថា តារា​សម្ដែង​ស្រី​ម្នាក់​លក់​ថ្នាំ​ផ្ដាច់​គ្រឿង​ញៀន​ផ្សំ​ឡើង​ពី​រុក្ខជាតិ។

កាល​ពី​ថ្ងៃ​ម្សិល​មិញ​នេះ កាសែត​ភ្នំពេញ ប៉ុស្តិ៍ បាន​ចុះ​ផ្សាយ​អត្ថបទ​មួយ​ក្រោម​ថា “ស្វែង​ សុជាតា លក់​ថ្នាំ​ផ្ដាច់​គ្រឿង​ញៀន​ផ្សំ​ដោយ​ប្ដី​ក្មេង​ជា​គ្រូ​ឱសថ” ដោយ​តារា​សម្ដែង​រូប​នេះ​អះ​អាង​ប្រាប់​កាសែត​នេះ​ថា ថ្នាំ​នោះ​មាន​ប្រសិទ្ធភាព​ក្នុង​ការ​ផ្ដាច់​គ្រឿង​ញៀន។

បន្ទាប់​ពី​ការ​ចុះ​ផ្សាយ​បែប​នេះ ក្រសួង​សុខាភិបាល​ចាត់​ទុក​ថា ឱសថ​បុរាណ​នោះ មិន​មាន​មូលដ្ឋាន​បច្ចេកវិទ្យាសាស្ត្រ​ច្បាស់​លាស់ ដើម្បី​បញ្ជាក់​ពី​ប្រសិទ្ធិភាព​នោះ​ឡើយ។

ជាង​នេះ​ទៅ​ទៀត ក្រសួង​បាន​អំពាវ​នាវ​ទៅ​ដល់​ប្រជា​ពលរដ្ឋ កុំ​ឲ្យ​ជឿ​លើ​ការ​ផ្សព្វផ្សាយ​នេះ ដោយ​ក្រសួង​គ្រោង​ចាត់​មន្ត្រី​ជំនាញ​របស់​ខ្លួន ទៅស្វែង​រក​ការពិត​ពី​​អ្នកនាង ស្វែង សុជាតា ផងដែរ៕

សរសេរមកកាន់ កញ្ញា យួង ចន្នី តាមរយៈ vichnyyuong@gmail.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required